827, 24 juin. — « In villa Warda ».
Pépin Ier, à la requête de Fulco, abbé de Saint-Hilaire-le-Grand de Poitiers et des moines de Nouaillé, confirme l'acte par lequel ledit abbé Fulco a émancipé de la domination des abbés de Saint-Hilaire le monastère de Nouaillé, réserve faite de la redevance annuelle de vingt sous payée par le trésor royal à la fête de la dédicace de l'église de Saint-Hilaire, et du consentement préalable de l'abbé de Saint-Hilaire à l'élection de l'abbé de Nouaillé.
A. Original perdu.
B. Copie du xie s., Archives départementales de la Vienne, G 484, fonds du Chapitre de Saint-Hilaire, carton 2, n° 2.
C. Copie du xviiie s., par Dom Fonteneau, Bibliothèque de Poitiers, Collection Dom Fonteneau, vol. X, p. 35, d'après B.
D. Copie du xviiie s., par le même, Bibliothèque nationale, Collection Moreau, vol. 284, fol. 228, d'après B.
a. Champollion-Figeac, Documents historiques inédits, t. III, p. 417, d'après D.
b. Louis Rédet, Documents pour l'histoire de l'église de Saint-Hilaire de Poitiers, t. I (Mémoires de la Société des Antiquaires de l'Ouest, année 1847), p. 6, d'après B.
Indiqué : Louis Rédet et Alfred Richard, Inventaire sommaire des Archives départementales. Vienne. Archives ecclésiastiques, série G. Chapitre de Saint-Hilaire, G. 484, p. 71.
Indiqué : R. Giard, Catalogue, n° 8.
Pipinus, gratia Dei rex Aquitanorum <et Germanorum>. Quicquid inter servorum Dei concorditer de rebus ecclesiae sibi creditis, manente varietate, pro dilectionis amore invicem consentire placuerit, scripturarum necesse est titulis alligari ne in posterum a senioribus vel a quocumque possit convelli. Proinde notum esse volumus omnibus episcopis, comitibus, abbatibus, vicariis, centenariis, missis nostris discurrentibus vel omnibus fidelibus sanctae Dei ecclesiae nostrisque, presentibus scilicet et futuris, quia Fulco venerabilis ex sancti Hylarii coenobii abbas necnon et monachi ex Nobiliacensi monasterio detulerunt nostris obtutibus conscriptionis auctoritatem quando Dei illiusque sancti loci reverentiam idem Fulco libenti animo edidit, in qua insertum repperimus quod eadem cellula priscis temporibus semper rectoribus sancti Hylarii fuisset in beneficio credita et ab omni functione et obsequio omnium monachorum illius loci degentibus, idem Fulco fecisset sibi et posteris ejus extraneam, nisi tantum quod annis singulis in dedicatione ecclesiȩ sancti Hylarii de camera nostra solidos xx desolvimus et abbatem, si eorum viam universȩ carnis abiret, per Fulconis successorumque ejus consentaneam voluntatem eligerent potestatem, et unanimiter deprecati sunt nos ut plenius atque securius per nostrum conscriptionis preceptum memorati Fulconis firmitatem confirmare juberemus. Quorum peticionibus, ob Dei amorem illorumque bonum, meritum assensum prebentes, ad effectum usque perduximus. Precipientes ergo jubemus ut neque idem Fulco junioresve seu successores ejus de memorata cellula nec de rebus ibi subjectis ullum obsequium neque missos discurrentes recipiant, aut vehicula neque veredos pro temporali servitio neque ullam rei publice exactionem neque ullam molestiam ab illis ibidem degentibus exigere presumant. Si vero divina vocatio eum qui prodesse vel preesse eis debet hinc moriendo vocaverit, per consilium et unanimitatem abbatis patronis nostri Hylarii eligant sibi patronem ; et quandoquidem aliquid ibi divina pietas voluerit per bonorum hominum conlacionem augeri, similiter in eorum arbitrio maneat faciendi. Et ut haec a fidelibus sanctȩ Dei ecclesiȩ nostrisque melius credatur, diligentius conservetur, manu propria subter firmavimus et anuli nostri inpressione signari jussimus.
Signum Pipini regis.
Sasibodus diaconus ad vicem Aldrici <rogatus scripsi>.
Data VIII kl. julii, anno XIIII imperii domni Hludovici serenissimi augusti et XIII regni nostri. Actum in villa Warda. In Dei nomine, feliciter. Amen.