881, 23 mai. — Pierrefitte.
Carloman, renouvelant à la prière de l'abbé Atila un précepte de Charles le Chauve, met sous la protection royale et celle de l'immunité le monastère de Saint-Polycarpe en Razès et ses dépendances, dont le « villaris » de Gaja, ainsi que les biens donnés par Austrimirus (les Palatz et Saleilles dans le « pagus » d'Elne et la « cella » de Cornèze, dans le Carcassès) et par d'autres personnes (Sainte-Croix et Missègre). Il concède en outre aux hommes libres habitant sur le territoire du monastère, tel qu'il a été délimité par les comtes Gaucelm et Bernard sur l'ordre de Louis le Pieux la possession paisible des terres défrichées par eux à charge d'un service envers l'abbaye, compatible avec leur statut de liberté ; quant à ceux qui, habitant hors de ces limites, y posséderaient des terres, ils ne pourront les vendre ou les échanger qu'entre eux ou en faveur du monastère. Il accorde enfin à la communauté la liberté des élections abbatiales.
A. Original perdu.
B. Copie figurée du xiiie s., Bibliothèque nationale, ms. lat. 11832, fol. 1ter, d'après A.
C. Copie du xviiie s., par Lecointe, Bibliothèque nationale, ms. lat. 17674, fol. 40, d'après B.
a. Dom Luc d'Achery, Spicilegium, éd. in-4°, t. VIII, p. 352, « ex apographo D. d'Herouval » ; éd. de La Barre, in-fol, t. III, p. 364.
b. Histoire générale de Languedoc, t. II, preuves, col. 17, n° II, d'après a.
c. Recueil des historiens de la France, t. IX, p. 420, n° IV, d'après b.
d. Histoire générale de Languedoc, éd. Privat, t. V, col. 67, n° 2, d'après b.
Indiqué : Bréquigny, Table chronologique, t. I, p. 326.
Indiqué : [Dom Labet], Histoire de l'abbaye de Saint-Polycarpe, 1785, p. 6 et 408.
Indiqué : Böhmer, Regesta, n° 1852.
Indiqué : Grat, Catalogue, n° 42.
Le précepte de Carloman reproduit les dispositions du diplôme confirmé de Charles le Chauve (Recueil des actes de Charles le Chauve, t. I, p. 144, n° 50) et à peu près dans les mêmes termes, comme en font foi les passages imprimés ci-dessous en petit texte. Le précepte de Charles le Chauve, dont la date a été mutilée, a été certainement expédié pendant le siège de Toulouse en mai-juin 844.
In nomine Domini Dei eterni et Salvatoris nostri Jhesu Christi. Karlomannus gratia Dei rex. Si utilitatibus locorum divinis cultibus mancipatorum servorumque Dei necessitatibus in eis degentium sagaciter providemus, regie celsitudinis operam frequentamus hac per hec eterne beatitudinis gloriam facilius assecuturos omnino confidimus. Itaque notum sit omnibus sancte Dei Ecclesie fidelibus et nostris, presentibus atque futuris, quia venerabilis vir et nobis dilectus Atila, abba ex monasterio sancti Policarpi, ad nostram accedens mansuetudinem, coram frequentia procerum primatumque nostrorum detulit nobis auctorabile preceptum sibi a dive memorie Karolo avo nostro gloriosissimo imperatore collatum, scilicet ex prefato monasterio sito in pago Redensi cum universis ad se pertinentibus vel appendiciis atque adjacentiis seu terminis suis, necnon et cum Gaiano villare cum antiquis terminis, sive cum rebus quas Austrimirus eidem monasterio contulit et in pago Helenensi, quarum sunt nomina Palaciolus et Salellas, seu et cum cella in pago Carcassensi conjacenti, quam idem Austrimirus ad idem monasterium delegavit, cujus vocabulum est Cornicianus, cum omnibus nichilominus que a Deum timentibus hominibus ad idem collatum fuerit monasterium, id est Sancta Cruce et Milsirico, sub nostra successorumque nostrorum tuitione in perpetuum maneat, videlicet ut nullus judex publicus, neque quislibet ex judiciaria potestate, aut ullus ex fidelibus nostris, tam presentibus quam futuris, ad cellas aut in ecclesias vel loca sive agros vel reliquas possessiones quas nunc in quibuslibet pagis et territoriis possidet vel que deinceps fidelium devocio ibidem augere voluerit, ad causas audiendas vel freda exigenda, aut mansiones vel paratas faciendas, aut fidejussores tollendos hominesque distringendos, aut quascumque redibitiones vel inquietas occasiones requirendas, nostris futurisque temporibus ingredi audeat nec ea que supra memorata sunt penitus exigere presumat, sed liceat memorato abbati suisque successoribus res ejusdem monasterii cum omnibus ad se pertinentibus sub tuitionis atque immunitatis nostre defensione, remota tocius judiciarie potestatis inquietudine, quieto ordine possidere. Petiit etiam venerabilis abba Atila celsitudinem nostram ut homines liberi commanentes infra terminos ejusdem monasterii quos prefixerunt auctoritate domni Ludovici [Gauselmus] et Bernardus comites, terras quas ex heremo traxerunt quiete possideant et congruum obsequium sicut homines ingenui exinde eidem monasterio exhibeant, ne eorum ingenuitas vel nobilitas vilescat. Hii vero homines qui extra terminum ejusdem monasterii manent et terras infra fines prefati monasterii habent, si eorum voluntas fuerit, de ipsis terris commutandi aut vendendi per hoc nostre auctoritatis preceptum inter se invicem aut ad idem monasterium licenciam habeant, et ipsa emptio vel commutacio plenissimam presenti nostre auctoritatis edicto in omnibus obtineat firmitatem, alia facta venditio vel emptio non habeat firmitatem. Quandoquidem autem divina ordinatione supradictus abbas vel successores ejus ab hac luce migraverint, quamdiu ipsi inter se tales invenire potuerint qui ipsam congregationem secundum regulam sancti Benedicti regere et gubernare valeant, per hanc nostram auctoritatem licenciam habeant ex semetipsis abbates eligere, quatenus servos Dei qui ibidem Deo famulantur pro nobis et stabilitate tocius regni nostri Domini immensam misericordiam jugiter exorare delectet. Et ut hec nostre largitionis auctoritas nostris successorumque nostrorum temporibus inviolabilem atque inconvulsam optineat firmitatem, manu propria subter firmavimus et anuli nostri impressione adsignari jussimus.
(Monogramma)
(Chrismon) Norbertus [notarius] ad vicem Vulfardi recognovit et s. (Signum recognitionis).
Actum apud Petrafictum X kl. junii anno tercio regni Karlomanni gloriosissimi regis, indictione XIIII.