849, 25 juin. — Auzainville.
Charles le Chauve, informé par Loup, évêque de Châlons-sur-Marne, des usurpations commises aux dépens des biens de son église, qui pour une grande part ont été donnés en bénéfice, interdit le renouvellement de pareils abus, décide que le patrimoine épiscopal gardera désormais la même consistance qu'au temps où Louis le Pieux le remit entre les mains de Loup et qu'il a présentement, y compris la «cella» de Baye et Villevenard; se réserve à lui et à ses successeurs, la faculté de faire telles restitutions et donations qui leur plairont et confirme à l'avance les donations de biens et de serfs qui seront faites à l'église de Châlons par des particuliers.
A. Original perdu.
B. Copie de la fin du xie ou du début du xiie s., par le chantre Guérin, dans le Grand cartulaire de Saint-Etienne de Châlons, Archives de la Marne, G IV 462, fol. 7, sous le titre: «Preceptum Karoli regis de inmunitate omnium rerum Catalaunensis eclesiȩ».
C. Copie du xviiie s., Bibliothèque nationale, Collection de Champagne, vol. 9, fol. 78, d'après B.
D. Copie du xviiie s., par Dom François, Pièces justificatives..., Bibliothèque de Châlons-sur-Marne, ms. 1262, fol. 13, d'après B.
a. P. Pélicier, Cartulaire du chapitre de l'église cathédrale de Châlons-sur-Marne par le chantre Warin, p. 9, d'après B.
Indiqué : Lot et Halphen, Le règne de Charles le Chauve, p. 204, n. 4.
Les données chronologiques ne concordent pas. C'est le chiffre 12 et non 11 qui convient à l'indiction de 849.
In nomine sanctȩ et individuȩ Trinitatis. Karolus gratia Dei rex. Si petitionibus servorum Dei, maxime in his quȩ ad statum et utilitatem ecclesiarum Dei pertinent, assensum accommodamus, regiam consuetudinem exercemus. Proinde noverit omnium fidelium Dei ac nostrorum, presentium scilicet et futurorum, sollertia quia vir venerabilis Lupus, ecclesiȩ Cathalaunensis episcopus, nostrȩ suggessit mansuetudini quia, quorumdam secularium et minus necessario Deum timentium factione et cupiditate, ex magna parte res ecclesiȩ Dei et sancti Stephani prothomartiris avulsȩ et abstractȩ atque in beneficium datȩ fuerunt, sicut et evidentibus patet indiciis. Sed et quia, refrigescente caritate et habundante iniquitate, sicut dicit apostolus, modo non desunt qui, sua querentes, non quȩ caritatis sunt, principales aures inquietare adtentant, presenti edicto decernimus ac confirmamus ut nulla deinceps persona qualibet predita dignitate, salvo legali jure, de rebus ipsius episcopii sancti Stephani ecclesiȩ Cathalaunensis, presentibus vel futuris temporibus, quiddam aut convellat aut abstrahat, sed vel sicut tunc constiterunt quando bonȩ memoriȩ domnus et genitor noster Hludowicus pius augustus jam dicto venerabili Lupo illud episcopium auctore Deo commisit, vel adhuc manent cum cella Baias ac villa Venardi, res ipsi casȩ Dei subjectȩ ita perpetuo permaneant inconvulsȩ. Si forte vero nobis vel successoribus nostris constiterit ut aut ex rebus a jam dicta ecclesia subtractis aut de aliis quibuslibet eidem sancto loco restituere vel condonare voluerimus, id libero manebit arbitrio. Abstrahere autem de his que modo ab eadem sancta ecclesia et a prefato episcopo possidentur ut nemini liceat, presenti auctoritate decernimus. Si quȩ etiam res vel mancipia a Deum timentibus legaliter ipsi casȩ Dei deinceps fuerint delegatȩ, simili jure ut prescripsimus ad eundem sanctum locum confirmatȩ permaneant. Et ut hec auctoritas per futura tempora pleniorem in Dei nomine obtineat firmitatis vigorem, eam manu nostra subterfirmavimus et anuli nostri impressione signari decrevimus.
Meginarius regiȩ dignitatis notarius ad vicem Hludowici recognovit.
Datum VII. kl. jul., anno X Karoli regis, indictione XI. Actum Osinnivilla. In Dei nomine feliciter. Amen.