842, 31 août. — Castillon-sur-Dordogne.
Charles le Chauve donne en toute propriété à son fidèle Roclinus vingt-deux manses sis à Dornecy dans le comté d'Avallon.
A. Original perdu.
B. Copie du xiie s., dans le cartulaire de Vézelay, Bibliothèque S. Lorenzo de Florence, Plut. XIV, cod. 21, p. 21.
a. Bandini, Catalogus codicum latinorum Bibliothecae Mediceae Laurentianae, t. I, col. 139, n° xiv, d'après B.
Fac-similé : de B: Collection des fac-similés de l'École des Chartes, nouveau fonds, n° 255.
Indiqué : Lot et Halphen, Le règne de Charles le Chauve, p. 57 et n. 5.
[I]n nomine sanctȩ et individue Trinitatis. Karolus gratia Dei rex. Regalis celsitudinis moris est fideles suos donis multiplicibus et manentibus honoribus honorare atque sublimare. Proinde morem parentum regum videlicet predecessorum nostrorum sequentes, libuit celsitudini nostre quendam fidelem virum, Roclinum nomine, de quibusdam rebus nostrȩ proprietatis honorare atque in ejus juris potestatem liberalitatis nostrȩ gratiam conferre. Idcirco noverit experientia atque industria omnium fidelium nostrorum, tam presentium quam et futurorum, quia concedimus eidem fideli nostro, Roclino nomine, ad proprium quasdam res juris nostri sitas in comitatu Avalense, in villa nuncupata Dornetiaco, id est mansa viginti duo, sine ecclesia, cum mancipiis, terris, vineis, silvis, pratis, abjacentiis, aquis aquarumve discursibus, vel quantumcumque ad predictos mansos aspicere videtur. Has res cum omni integritate memorato predictoque fideli nostro Roclino ad proprium per hanc nostre actoritatis conscriptionem concedimus et de nostro jure in jus hac potestatem illius sollemni donatione transferimus, ita videlicet ut quicquid ab hodierna die et tempore exinde pro sua utilitate ac commoditate jure proprietario facere voluerit, liberam et firmissimam in omnibus habeat potestatem faciendi. Et ut hȩc nostrȩ largitionis atque donationis auctoritas perpetuam obtineat firmitatem, eam manus nostrȩ propriȩ subter firmavimus et anuli nostri inpressione sigillari decrevimus.
Signum Karoli (Monogramma) gloriosissimi regis.
Deormarus notarius ad vicem Hludovici recognovit.
Data pridie kalendas septembris, indictione V, anno III regnante Karolo glorioso rege. Actum Castellione super fluvium Dornonia. In Dei nomine feliciter. Amen.