857, 6 février. — Quierzy.
Charles le Chauve, à la prière de Pardoul (Pardulus), évêque de Laon et recteur du monastère de Montiérender, confirme l'attribution par celui-ci à l'entretien du luminaire et à la restauration des bâtiments du monastère de terres, églises et moulin tenus presque tous en précaire et sis à Louze, dans le territoire entre Giancourt et Guindrecourt, à Charmes, à Baudrecourt, à «Maliniacicortis», à Thors, à Saint-Dizier, à Lassicourt (?), à Targe, à Pel, à Auzon, à Aizanville, à «Maurinimons», à Bracancourt, à «Cencionovilla», à Bouzancourt, dans le territoire dit «Gondelini finis», à Rance, à Rupt, à Braux, à Ragecourt et à Courcelles.
A. Original perdu.
B. Copie de la fin du xiie s., dans le Cartulaire I de Montiérender, Archives de la Haute-Marne fol. xix, sous la rubrique: «Privilegium Karoli de thesauro ȩcclesiȩ», et la rubrique marginale: «Sigillum».
C. Copie du xviie s., Bibliothèque nationale, Collection de Champagne, vol. 22, fol. 20 v°, d'après B.
D. Copie du xviie s., Bibliothèque nationale, Collection Baluze, vol. 39, fol. 11 v°, d'après B.
E. Copie du xviiie s., Archives de la Haute Marne, série H, fonds de Montiérender, liasse 3, partie 1, n° 48, d'après B.
F. Copie du xviiie s., Archives de la Haute-Marne, série H, fonds de Montiérender, liasse 3, partie 1, n° 49.
G. Copie de l'année 1874, dans une copie figurée du Cartulaire I de Montiérender par Michel Deprez et Ulysse Robert, Bibliothèque nationale, ms. lat. nouv. acq. 1251, fol. xix.
H. Copie du xviiie s., dans Dom Pierre Baillet, Histoire de l'abbaye royale de Notre-Dame de Montiérender, Bibliothèque de Chaumont, ms. n° 173 (anc. 122), p. 117.
a. Mabillon, Annales ordinis sancti Benedicti, t. III, p. 667, n° iv (année 854), d'après B.
b. Recueil des historiens de la France, t. VIII, p. 530; n° cxx, (année 854), d'après a.
c. Bouillevaux, Les moines du Der, p. 324, fragments, d'après B.
d. Lalore, Collection des principaux cartulaires du diocèse de Troyes, t. IV... Chartes de Montiérender, p. 130, n° 9 (année 854), d'après B.
Indiqué : Georgisch, Regesta, t. I, col. 115 (année 854).
Indiqué : Bréquigny, Table chronologique, t. I, p. 239 (année 854).
Indiqué : Böhmer, Regesta, n° 1646 (année 854).
Au sujet de la discordance entre l'année du règne et l'indiction, voir la note critique qui précède l'édition du diplôme n° 191.
In nomine sanctȩ et individuȩ Trinitatis. Karolus gratia Dei rex. In hoc enim omnipotentis Dei approbamur veram habere dilectionem, si venerabilium servorum Dei justis et rationabilibus petitionibus assensum prebemus. Quapropter notum sit omnibus sanctȩ Dei Ȩcclesiȩ fidelibus nostrisque, tam presentibus quam futuris, quia merito amabilis et carissimus nobis Pardulus, Lugdunensis ȩcclesiȩ episcopus necnon et rector monasterii Dervensis, quod est constructum in honore beatorum apostolorum Petri et Pauli, ubi veneranter beatus Bercharius martir Christi et Theodosia virgo habentur sepulti, ad nostram accedens majestatem, innotuit qualiter memorati monasterii ȩcclesiȩ, ad concinnanda luminaria vel ad ceteras fabricas ejusdem sacrȩ domus reficiendas, sua benivolentia, ob Dei amorem sanctorumque suorum reverentiam et nostram dilectionem, [res et villas] deputatas haberet. Quarum rerum seu villarum vocabula hȩc sunt, hoc est, in Lutosa ȩcclesiam unam cum terris, silvis et pratis, circumquaque ex omni parte miliarium unum et medium; inter Gihinicortem et Gundricicortem mansa quindecim, quȩ in precaria visus fuit quondam accipere Bernefridus; necnon et in villa Carma mansa duo, quȩ Agilus et Merulfus in precaria habere visi fuerunt; necnon et in Carma et in Baldulficorte mansa quatuor quȩ Gerherus in sua precaria visus fuit habere; necnon et de precaria Artmanni in Carma mansum unum vestitum; et de Ragenarii precaria in Maliniacicortem mansa quinque; et de Risi precaria in Tauro mansum unum; et de Hostoldi precaria in Olunna mansa octo cum ȩcclesia et mansum unum; et de precaria Avȩ in Ledriciacicurte mansa duo; et in alio loco in villa Taria mansa tria; et de Madiani precaria in villa Pali et in Absono mansa quinque; et de precaria Genulfi in Axinvilla mansa duo; et de Harduini precaria in Maurinimonte mansa duo; et de Agifredi precaria in Brachonicorte mansa duo et farinarium unum; et de Wilerici precaria in Cencionovilla ȩcclesia una cum manso; et de Hugonis precaria mansum unum; et de Fulculfi precaria in Bosoniscorte de terra arabili jornales viginti; et de Aremberti precaria in Gondelini fine de terra arrabili jornales viginti, et de prato ad carra triginta; et de precaria Artuisi in villa Rentia, de terra arabili jornales triginta, de prato ad carra octo; et item de Wilerici precaria in villa Rivi mansum unum; et de precaria Gislȩ in villa Braus, de terra arabili jornales duodecim; et de precaria Blitharii in villa Carma jornales viginti unum; et de Lantboldi precaria in Ratgisicorte jornales decem, et de prato ad carra quatuor; et de precaria Tetce in ipsa villa jornales triginta, et de prato ad carra duodecim; et de Hunrogi precaria in Baldulficorte jornales viginti; et de precaria Auregiȩ in villa Corticella mansum unum vestitum, et de terra arabili jornales viginti, de prato ad carra duo. Unde altitudinis nostrȩ preceptum hoc fieri jussimus, per quod memoratas res cum omnium rerum summa integritate, cum vineis, silvis, pratis, pascuis, ȩcclesiis, molendinis, aquis aquarumve decursibus, exitibus et regressibus, et mancipiis utriusque sexus desuper commanentibus vel ibidem aspicientibus, secundum prefati venerabilis episcopi ad nos humilem petitionem, jam fatȩ ȩcclesiȩ luminaribus atque fabricis seu aliarum necessitatum utilitatibus supplendis jure perpetuo habendas confirmamus atque delegamus, absque per futura tempora alicujus jam fati monasterii rectoris minoratione seu subtractione. Ut autem hȩc nostrȩ auctoritatis preceptio firma et inprevaricabilis omni tempore valeat perdurare, manu propria subter eam firmavimus et de anulo nostro sigillari jussimus.
S. Karoli gloriosissimi regis.
Gislebertus notarius ad vicem Lucdowici recognovit.
Data VIII idus fb., indictione II, in anno XVII regnante Karolo gloriosissimo rege. Actum Carisiaco palatio regis. In Dei nomine feliciter. Amen.