857, 18 septembre. — Quierzy.
Charles le Chauve, à la demande de l'abbé Eudes, donne au monastère de Corbie un manse appelé «Walchiregius» sis en la «villa» de Vailly, en Soissonnais, antérieurement cédée par lui au dit monastère en échange de biens donnés à Ermengarde, femme de son frère Lothaire, manse qu'il avait donné à Dison, vassal de la reine Ermentrude et qui a fait retour au fisc royal par la vente que Dison en a faite à l'abbé Foulques, administrateur du fisc.
A. Original perdu.
B. Copie du xviie s., dans Bonnefons, Matériaux de l'histoire de l'abbaye de Corbie, Archives de la Somme, IX H 9, d'après un cartulaire perdu.
C. Copie du xviie s., dans Bonnefons, Antiqua Corbeia, pars 3a, Bibliothèque nationale, ms. lat. 17142 (anc. Corbie, 261), fol. 271v°, d'après B.
E. Copie du xviiie s., par Dom Grenier, Bibliothèque nationale, Collection de Picardie, vol. 53, fol. 27.
a. Martène et Durand, Veterum scriptorum ..... amplissima collectio, t. I, col. 179, d'après la même source que B.
b. Recueil des historiens de la France, t. VIII, p. 550, n° cxliv, d'après a.
c. L. Levillain, Examen critique des chartes mérovingiennes et carolingiennes de l'abbaye de Corbie, p. 280, n° 31, d'après C et a.
Indiqué : Georgisch, Regesta t. I, col. 121.
Indiqué : Bréquigny, Table chronologique, t. I, p. 247.
Indiqué : Böhmer, Regesta, n° 1670.
Indiqué : L. Levillain, ouvrage cité en c, p. 129.
Texte établi d'après B et a.
In nomine sanctae et individuae Trinitatis. Karolus gratia Dei rex. Si locis divino cultui mancipatis ob amorem Dei et sanctorum ejus reverentiam quippiam ex juris nostri rebus conferre studemus, in hoc divinam propitiationem nobis profuturam esse non dubitamus. Itaque notum sit omnibus fidelibus sanctae Dei Ecclesiae et nostris, praesentibus scilicet atque futuris, quod dilectus et carissimus nobis venerabilis vir Odo, monasterii Corbeiae reverendus abba, ad nostram accedens serenitatem, humiliter postulavit ut quasdam nostrae proprietatis res pro utilitate ecclesiastica et servorum Dei in praefato monasterio degentium nostra munificentia partibus sancti Petri delegare dignaremur, quae res sunt sitae in pago Suessionico, in villa quae vocatur Vasliacus, quam villam nos eidem monasterio sub praecepto nostro tradidimus pro commutatione quarumdam rerum ejusdem monasterii quas Hirmingardi venerabili reginae, uxori fratris nostri Hlotharii, in proprium donavimus, hoc est mansus vocabulo Walchiregius cum omnibus sibi juste legaliterque pertinentibus necnon et mancipiis utriusque sexus desuper commanentibus vel ad eumdem mansum aspicientibus, quas res quondam tradideramus cuidam nomine Disoni, vassallo dulcissimae conjugis nostrae Hirmintrudis, et ipse eas vendidit fiscali nostro Fulconi abbati, unde ad jus fisci nostri legaliter redactae fuisse noscuntur. Unde memorati venerabilis abbatis precibus clementer annuentes, hoc celsitudinis nostrae praeceptum fieri jussimus, per quod memoratum mansum cum omnium rerum suarum integritate, cum terris cultis et incultis, vineis, pratis et mancipiis ad eumdem mansum pertinentibus, totum et ad integrum, sicut dictum est, jam fati monasterii partibus seu sancti Petri principis apostolorum dominationi, juri ecclesiae illius perpetuo habendum, concedimus et de nostro jure in jus et dominationem illius solemni more transferimus, eo videlicet modo ut nostris ac futuris temporibus semper proficiat ibidem Domino militantium servorum Dei utilitatibus ac necessitatibus. Ut autem haec largitionis nostrae auctoritas firmior habeatur ac per futura tempora melius conservetur, manu propria subter eam firmavimus et anuli nostri impressione sigillari jussimus.
Signum (Monogramma) Karoli gloriosissimi regis.
Gislebertus notarius ad vicem Hludowici recognovi.
Data XIIII kal. octob., indictione Va, anno XVIII regnante Karolo gloriosissimo rege. Actum Carisiaco palatio regio. In Dei nomine feliciter. Amen.