861, 29 avril. — Senlis.
Charles le Chauve, à l'instigation de l'évêque Jonas et à la prière du comte Onfroy (Hunfridus), restitue à l'église Saint-Nazaire d'Autun six manses jadis distraits de son patrimoine au profit des comtes [d'Autun] et sis aux environs de la ville, à La Voivre, à La Porcheresse, près de Couhard, à «Petra Cervalis» et à «Laliacus», plus des terres faisant actuellement partie du «comitatus» et situées soit près de la ville, soit dans l'enceinte même de la cité, le tout sous le régime de l'immunité.
A. Original perdu.
B. Copie de la fin du xviie s., Bibliothèque de Dijon, ms. 1328 (Juigné 17), fol. 22v°, sous le titre: «Praeceptum Karoli regis de rebus sancti Nazarii et silvis», d'après un cartulaire de l'église d'Autun, du xiie s.
C. Copie du xviie s., Bibliothèque de Dijon, ms. 1411 (Juigné, 44, i), fol. 114, sous le même titre qu'en B, d'après le même cartulaire.
D. Copie du xviie s., dans un cartulaire de l'église d'Autun, manuscrit de la bibliothèque Fontenay-Changarnier, à Autun, fol. ix, sous le même titre qu'en B et C.
E. Copie du xviiie s., par Dom Aubrée, Bibliothèque nationale, Collection de Bourgogne, vol. 111, fol. 5, d'après un «cartulaire de l'église d'Autun».
a. Munier et Thiroux, Recherches et mémoires servans à l'histoire de l'ancienne ville et cité d'Autun, seconde partie, p. 24, d'après la même source que E.
b. Recueil des historiens de la France, t. VIII, p. 566, n° clxiv, d'après a.
c. Gagnarre, Histoire de l'église d'Autun, p. 613, n° 2.
d. A. de Charmasse, Cartulaire de l'église d'Autun, première et deuxième parties, p. 12, n° viii.
Indiqué : Bréquigny, Table chronologique, t. I, p. 256.
Indiqué : Böhmer, Regesta, n° 1692.
Texte établi d'après BCDE.
In nomine sanctae et individuae Trinitatis. Karolus gratia Dei rex. Quicquid in locis divinis cultibus mancipandis ob amorem Dei sanctorumque ejus venerationem aut conferendo largimur aut restituendo reddimus <ea quae injuste substracta fuerant>, hoc profuturum nobis ad aeternam beatitudinem facilius obtinendam procul dubio confidimus. Quapropter noverit omnium sanctae Dei Ecclesiae nostrorumque fidelium, tam praesentium quam futurorum, sagacitas quia, ad suggestionem Jonae, Augustodunensis ecclesiae pontificis, seu ad deprecationem Hunfridi, dilecti nobis comitis, reddimus ecclesiae sancti Nazarii, martyris Christi, quasdam res quae ab eadem ecclesia quondam subtractae fuerant et in usus comitum redactae, hoc est mansos sex quos olim Teodoinus comes in beneficio habuit et postea Teodericus, filius ejus, indeque Odolricus, comites, qui mansi sunt in circuitu Eduae civitatis, in locis nuncupantibus in Wavra, colonica una et dimidia cum silva ibidem aspiciente et prata indominicata ibidem aspicientia ad carra feni colligenda plus minusve quadraginta, et in villa quae vocatur Porcaricia, colonicae duae, et juxta Cucubarrum, in suburbio ejusdem civitatis, colonica dimidia, et ad Petram Cervalem, colonica una, et in Laliaco villa, colonica una; et eam terram vel silvam reddimus quam praefati comites de eodem comitatu in montibus juxta civitatem habuerunt; similiter et alias terras de eadem ratione quas infra castrum Augustodunum seu infra Eduam civitatem visi sunt habere. Ideoque hoc nostrae auctoritatis necnon restitutionis praeceptum praefatae ecclesiae beati Nazarii fieri jussimus, per quod suprascriptas res cum omnibus sui appenditiis vel adjacentiis, cum mancipiis utriusque sexus, terris, pratis, pascuis, silvis, aquis aquarumve decursibus reddimus atque restituimus, ea conditione ut nostris futurisque temporibus in usus et dispositionem praefatae ecclesiae rectorumque ejus absque alicujus subtractione aut deminoratione aut inlicita inquietudine permaneant atque consistant sub immunitate firmissima, sicuti reliquae res ejusdem ecclesiae almi Nazarii quas praesenti tempore retinet, possidet ac dominatur. Ut autem haec restitutio sive redditio nostrae auctoritatis majorem obtineat vigorem, manu propria subter eam firmavimus anulique nostri impressione assignari jussimus.
Signum Karoli (Monogramma) gloriosissimi regis.
Hildebodus notarius ad vicem Ludovici recognovit.
Data III kl. maii, indictione nona, anno XXI regnante Karolo gloriosissimo rege. Actum Silvanectensium urbe. In Dei nomine feliciter. Amen.