861, 7 juillet. — Quierzy.
Charles le Chauve confirme un échange par lequel le très noble Oury (Odalricus) cédait à Louis, abbé [de Saint-Denis], pour l'accroissement du patrimoine de son monastère, des terres sises [en Hainaut] à «Andrinia», Vertain et «Petraficta», contre d'autres terres appartenant à Saint-Denis et situées dans le même «pagus», à Escarmain.
A. Original mutilé. Parchemin autrefois scellé. Hauteur, 380 mm.; largeur actuelle, 439 mm. en haut, 448 mm. en bas. Archives nationales, K 13, n° 72.
a. Tardif, Cartons des rois, p. 114, n° 181, d'après A.
Fac-similé : de l'original: Lot, Lauer et Tessier, Diplomata Karolinorum, IV, pl. xviii.
Indiqué : Jusselin, Liste chronologique..., dans Le Moyen Âge, t. XXXIX (1929), p. 227.
(Chrismon) In nomine sanctae et individuae Trinitatis. Karolus gratia Dei rex. Si ea quae fideles regni nostri pro suorum commoditatibus inter se commutaverint nostris confirmamus edictis, regiae consuetudinis morem exercemus et ob id in po[stmodum jure firmis-][2]-simo mansura esse volumus. Ideoque noverit omnium sanctae Dei Ecclesiae fidelium et nostrorum, tam praesentium quam et futurorum, sollertia quia veniens quidam vir praenobilis Odalricus nomine, necnon etiam Hludowicus, dilectus nobis abbas ac propinquus, innotuerunt [serenitati nostrae] [3] qualiter pro suorum oportunitatibus res suas inter se commutare deberent, quod et fecerunt. Dedit itaque memoratus vir praeclarus Odalricus de suae proprietatis rebus praetaxato Hludowico religiosissimo abbati ad partem et auctionem rerum monasterii sancti Dionisii, Rustici atque Eleutherii habendum in pago... [in loco] [4] qui dicitur Andrinia, de terra scilicet arabili bunuaria quinque et duas partes de arpenno, habet denique in unum sedium tertiam partem de arpenno, in aliud quoque sedium quod in ipso loco est quadros viginti unum, et in alio loco qui dicitur Verting, in eodem pago, de terra bunuaria quinque et arpennos duos et semis et quadros tre... [5] quadros quadraginta novem, necnon etiam in alio loco in praescripta villa Verting de terra bunuaria quattuor et jornale unum, itemque in praelibato crebro pago, in villa quae dicitur Petraficta, de terra bunuaria sex et sedium unum, quae fiunt in toto bunuaria XXI et arpennos II et quadros trigint[a]... [6] Econtra quoque in reconpensatione hujus meriti dedit saepe fatus Hludowicus evidentissimus abbas ex rebus sui monasterii sancti Dionisii praecripto Odalrico viro strenuo ad jus proprium habendum in praefixo pago et in villa quae dicitur Squarminio de terra arabili bunuaria viginti unum et arpennos II et quad[ros]... [7] Unde duas commutationes pari tenore conscriptas manibusque virorum nobilium roboratas nobis ostenderunt ad relegendum, sed pro integra firmitate et inviolabili commutatione petierunt utrique celsitudinem nostram ut easdem commutationes denuo nostrae auctoritatis praecepto confirmare dignar[emur. Quorum] [8] preces clementer suscipientes, hoc altitudinis nostrae praeceptum fieri jussimus, per quod praecipimus atque jubemus ut quicquid pars juste et rationabiliter alteri contulit parti, sicut in jam dictis commutationibus continetur insertum, jure firmissimo teneat atque possideat. Et ut ha[ec]... [9] praeceptio firmior habeatur ac per futura tempora diligentius conservetur, de anulo nostro subter eam jussimus insigniter assignari.
[10] (Chrismon) Goslenus regiae dignitatis cancellarius ad vicem Hludowici recognovi et s. (Signum recognitionis et locus sigilli.)
[11] Data nonas julii, indictione VIIII, anno XXII regnante Karolo gloriosissimo regum. Actum Carisiaco palatio regio. In Dei nomine feliciter. Amen.
Image de l'acte
Cliquez pour zoomer ou afficher en plein écran. — Consulter sur Nakala
Cliché Archives nationales de France.