866, 15 mai. — Servais.
Charles le Chauve, à la prière de l'évêque Erchanré (Erchenraus), donne ou restitue à l'église de Châlons-sur-Marne et au monastère de la Trinité qui en dépend (Saint-Urbain) des biens situés dans le comté de Perthois: d'une part, ceux qu'a tenus le comte Girard à Vatrignéville et dans le fisc royal de Thonnance; d'autre part, ceux du vassal royal Hugues, entre autres l'église de Vatrignéville et ce qu'il tenait du fisc en bénéfice à Poissons. (Cf. le n° 248.)
A. Original perdu.
B. Copie de la fin du xie ou du début du xiie s., par le chantre Guérin, dans le Grand cartulaire de Saint-Étienne de Châlons, Archives de la Marne, G IV 462, fol. 28v°, sous le titre: «Preceptum Karoli regis de rebus in Witriniaco et Tonancia quas restituit sancto Stephano».
C. Copie du xviiie s., par Dom François, Bibliothèque de Châlons-sur-Marne, ms. 1262, fol. 15, d'après B.
a. [P. Pélicier], Cartulaire du chapitre de l'église de Châlons-sur-Marne par le chantre Warin, p. 34, d'après B.
Indiqué : F. Lot, Une année du règne de Charles le Chauve. Année 866, dans Le Moyen Âge, t. XV (1902), p. 402, n. 5.
In nomine sanctȩ et individuȩ Trinitatis. Karolus gratia Dei rex. Quicquid locis divino cultui mancipatis pro amore Dei servorumque ejus reverentia aut largiendo conferimus aut restituendo confirmamus, profuturum nobis ad instantis vitȩ curricula felicius transigenda et ad perpetim permanentis beatitudinis premia facilius obtinenda incunctanter confidimus. Noverit igitur omnium fidelium sanctȩ Dei Ecclesiȩ nostrorumque, presentium et futurorum, industria quia, pro absolutione nostrorum peccaminum, humili precatu salubrique hortatu dilecti nobis Erchenrai, venerabilis episcopi Cathalaunensis ecclesiȩ, in honore beati Stephani prothomartiris Christi fundatȩ, quasdam res in comitatu Pertensi sitas, id est quicquid Gerardus comes in Witriniaco villa et in Tonantia fisco nostro aut ex rebus que fuerunt ejusdem sancti Stephani aut in fisco nostro habuit, et quicquid Hugo vasallus noster in predicta Witriniaco villa de fisco nostro habuit, id est ecclesiam cum terris et mancipiis, et quicquid ibi ipse Hugo de commutatione abbatiae sanctȩ Mariȩ Laudunensis quod nobiscum dulcissima nobis conjunx nostra Hirmindrud, gloriosa regina, ex alode Theudonis ejusdem abbatiȩ coloni commutavit, seu quicquid sepe dictus Hugo in Piscione villa de fisco nostro jure beneficiario habuit, predictȩ sanctȩ matri ecclesiȩ Cathalaunensi et monasterio sanctȩ Trinitatis eidem ecclesiȩ subjecto, monachis scilicet in eodem sanctȩ Trinitatis cenobio Deo militantibus, largiendo tribuimus et restituendo confirmamus. Unde altitudinis nostrae preceptum hoc fieri eidemque episcopo Erchenrao jussimus dari, per quod memoratas res cum terris arabilibus, cultis et incultis, silvis, pratis, pascuis, aquis aquarumve decursibus, farinariis, mancipiis utriusque sexus cum filiis et filiabus suis desuper commanentibus et per diversa loca consistentibus vel ad easdem res jure pertinentibus omnique integritate totisque earumdem rerum appendiciis, prefato sancto loco perpetualiter habendas jure firmissimo largimur ac restituimus, ita ut predictus pontifex ejusque successores, juxta canonicam institutionem, ad utilitatem et necessitatem jam dicti coenobii seu monachorum ibidem Deo famulantium, cum omnibus suis appendiciis plenaque integritate, aliis ipsius ecclesiȩ rebus uniat simulque ordinet, administret atque disponat. Ut autem hȩc nostrȩ largitionis et restitutionis auctoritas firmior habeatur et nostris futurisque temporibus inviolabilis conservetur, manu propria subter eam firmavimus et anuli nostri impressione sigillari jussimus.
Hildeboldus notarius ad vicem Hludowici recognovit.
Data id. maii, indictione XIIII, anno XXVI regni Karoli gloriosissimi regis feliciter. Actum Silviaco palacio regio. In Dei nomine feliciter. Amen.