868, 17 mars. — Senlis.
Charles le Chauve confirme l'échange conclu entre Herpuin, évêque de Senlis, et Godefridus, abbé des Fossés, par lequel le premier cédait au second sur les biens de l'église de Saint-Rieul [un manse] sis en la «villa» dite «Erulficurtis», en Mulcien, contre un autre manse sis en la «villa» dite «Curtis Guldulfi», en Parisis.
A. Original. Parchemin autrefois scellé. Hauteur, 392 mm. à gauche, 386 mm. à droite; largeur, 760 mm. en haut, 745 mm. en bas. Archives nationales, K 14, n° 32.
B. Copie du xviie s., par André Du Chesne, Bibliothèque nationale, Collection Baluze, vol. 41, fol. 132.
a. Tardif, Cartons des rois, p. 129, n° 200, d'après A.
Fac-similé : de l'original: Lot, Lauer et Tessier, Diplomata Karolinorum, IV, pl. xxxvii.
Indiqué : Jusselin, Liste chronologique..., dans Le Moyen Âge, t. XXXIX (1929), p. 230, avec fac-similé des notes.
In nomine sanctae et individuae Trinitatis. Karolus gratia Dei rex. Si ea quae fideles nostri pro suorum oportunitatibus inter se commutaverint nostris confirmamus edictis, regiae celsitudinis morem consuescimus et ob id hoc in postmodum jure firmissimo mansurum esse volumus. Ideoque noverit omnium sanctae Dei Ecclesiae [2] fidelium et nostrorum, tam presentium quam et futurorum, sagacitatis industria quia veniens Herpuinus, Silvanectensis urbis episcopus, necnon et Godefridus, Fossatensis monasterii abba, serenitati nostrae invicem innotuerunt qualiter res suas ecclesiasticas, pro ambarum partium utilitatibus, inter se commutare deberent, quod et fecerunt. Dedit itaque memoratus episcopus Herpuinus ex rebus ecclesiae suae, ad partem et augmentum [3] rerum predicti monasterii Fossatensis, jam dicto abbati Godefrido, in jus ecclesiasticum habendum, de rebus sancti Reguli, in pago Meldico, in villa quae dicitur Erulficurtis inter sedile et arabilem terram et pratum continentem bunuaria tredecim et duas partes aripenni et dimidium. Econtra vero, in recompensatione hujus meriti, dedit prefatus abba Godefridus, una cum consensu ac voluntate fratrum, in pago Parisiaco, in villa quae dicitur [4] Curtis Guldulfi, de rebus Fossatensis monasterii, jam dicto Herpuino episcopo, ad partem sancti Reguli, mansum unum inter sedile et arabilem terram habentem bunuaria duodecim et duas partes arpenni, de vinea etiam aripennum unum et tres partes arpenni, de prato quoque bunuarium unum et aripenni dimidium. Unde duas commutationes aequo tenore conscriptas ac roboratas nostrae celsitudini ostenderunt ad relegendum atque pro integra [5] firmitate et inviolabili commutatione petierunt celsitudinem nostram ut eas denuo nostrae auctoritatis scripto confirmaremus. Quorum precibus libenter aurem accommodantes, hoc altitudinis nostrae preceptum super easdem commutationes fieri illisque dari jussimus, per quod precipimus atque firmamus et quicquid pars juste et rationabiliter alteri contulit parti, sicut in jam dictis commutationibus [6] plenius continetur, jure firmissimo teneat atque possideat et faciat inde quicquid elegerit. Ut autem haec auctoritatis nostrae roboratio firmior habeatur potioremque in Dei nomine per futura tempora firmitatis valeat obtinere vigorem, anuli nostri inpressione eam subter jussimus sigillari.
[7] (Chrismom) Hildeboldus cancellarius ad vicem Gosleni recognovi e[t] s. (Signum recognotionis cum notis inclusis: Gos-li-nus abba [] ambas-si-a-vit.) (Locus sigilli.)
[8] Data XVI kl. aprel., indictione prima, anno XXVIII regnante Karolo gloriosissimo rege. Actum Silvanectis. In Dei nomine feliciter. A M H N.
Image de l'acte
Cliquez pour zoomer ou afficher en plein écran. — Consulter sur Nakala
Cliché Archives nationales de France.