871, 1er novembre. — Besançon.
Charles le Chauve, à la prière d'Arduicus, archevêque de Besançon, lui abandonne ainsi qu'à ses successeurs le profit de la frappe de la monnaie royale dans l'atelier monétaire de Besançon, l'abbaye de Bregille et une part des droits sur les marchés annuels et quotidiens, ainsi qu'une part du tonlieu de la cité.
A. Original perdu.
B. Copie de l'année 1692, d'après une copie plus ancienne, Bibliothèque nationale, Archives du cabinet des médailles, année 1692.
a. A. Castan, Concession monétaire de Charles de Chauve à l'église métropolitaine de Besançon, dans la Revue numismatique, 3e série, t. IX (1891), p. 58, d'après B.
In nomine sanctae et individuae Trinitatis. Karolus gratia Dei rex. Si servorum Dei justis petitionibus quas pro ecclesiarum sibi commissarum utilitatibus nobis innotuerint gratum praebemus assensum, non solum regiam exercemus clementiam, sed ad praesentem vitam feliciter transigendam et ad futuram beatitudinem adquirendam nobis prodesse non dubitamus. Comperiat igitur omnium sanctae Dei Ecclesiae seu nostrorum, tam praesentium quam futurorum, fidelium sollertia qualiter dilectus et fidelis noster Arduicus, sanctae ecclesiae Vesontionensis reverendus archiepiscopus, nostram adiit praesentiam humiliter postulans quatinus per nostram pietatem sibi seu ecclesiae Vesontionensi, cui Deo ordinante praeesse videtur, monetam nostram concederemus, similiter et de abbatia Berziliarum deprecatus est etc., sicut et de annuis et quotidianis mercatis et theloneo civitatis etc. Cujus laudabilibus petitionibus aurem accommodavimus et hoc nostrae sublimitatis praeceptum fieri jussimus, per quod ipse venerabilis Arduicus et ejus successores praefatam monetam et abbatiam Berziliarum in honore almi Martini consecratam et etiam de mercatis et theloneo civitatis, quemadmodum supra habetur insertum, quieto ordine obtinere imperpetuum valerent. Et ne nostra largitio ex moneta jam dicta a monetariis falsis seu comitum ministris aliquo potuisset violari ingenio, idcirco non ad jus comitum sed ad utilitatem jam praedictae ecclesiae et ejus rectoris provisionem in tota ipsius parochia volumus pertinere. Similiter et de ipsa sancti Martini abbatia etc.
Signum Karoli gloriosissimi regis.
Audacer notarius ad vicem Gauzleni recognovi et subscripsi.
Data kal. novemb., indict. IIII, anno XXXII regnante Karolo rege gloriosissimo. Actum Vesontione civitate. Feliciter. Amen.