846, 16 juillet. — Épernay.
Charles le Chauve donne au comte Bérenger soixante bonniers de terre sis sur l'Yser et dépendant d'une «villa» du «pagus Mimpiscus».
A. Original perdu.
B. Copie du xiiie s., dans le plus ancien cartulaire de l'abbaye de Stavelot, Archives de l'État, à Düsseldorf, B 52, fol. 21, n° 41.
C. Copie du xve s., dans le Cartulaire de Stavelot n° 1, Archives de l'État, à Liège, fol. 30, d'après B.
a. Halkin et Roland, Recueil des chartes de l'abbaye de Stavelot-Malmedy, t. I, p. 77, n° 31, d'après B et C.
Le texte ci-dessous est celui qu'ont établi les éditeurs du Recueil signalé sous la lettre a. On trouvera tous les détails désirables sur les cartulaires de l'abbaye de Stavelot dans l'Introduction au même Recueil, p. l et suivantes.
In nomine sancte et individue Trinitatis. Regalis celsitudinis moris est fideliter sibi famulantibus donis multiplicibus atque honoribus ingentibus honorare atque sublimare. Proinde nos, exempla predecessorum nostrorum sequentes, libuit celsitudini nostre fidelem quemdam nostrum Berengarium comitem et ministerialem nostrum de quibusdam rebus nostre proprietatis honorare ac in ejus juris potestatem liberalitatis nostre gratiam conferre. Unde noverit experientia atque utilitas omnium fidelium nostrorum, tam presentium quam et futurorum, industria quia concessimus eidem fideli nostro Berengario ad proprium quasdam res juris nostri que sunt site in pago Mimpisco in villa que dicitur... de terra super fluvium Ysera bonoarios sexaginta ac de nostro jure in ejus potestatem et dominationem solempni donatione transfundimus, ita videlicet ut quicquid predictus Berengarius fidelis ministerialis noster de memoratis LX bonariis terre ab hodierna die de eis vel in eis jure proprietario facere, ordinare atque disponere voluerit, libero in omnibus potiatur arbitrio faciendi quicquid decreverit. Et ut hec nostre largitionis auctoritas inviolabilem atque inconvulsam obtineat firmitatem, manu propria nostra subter eam firmavimus et <sigilli> nostri impressione assignari jussimus.
Signum Karoli (Monogramma) invictissimi regis.
<Ego> Bartholomeus notarius ad invicem Ludowici recognovi.
Data XVII kal. augusti, anno VII regnante Karolo glorioso rege, indictione VIIII. Actum Sparnaco villa. In Dei nomine feliciter. Amen.