914 ou 921, 27 août. — Aix-la-Chapelle (Palais).
Charles III, à la requête des comtes Haganon et Ermenfroi, confirme la restauration, faite par l'abbé Gérard, du monastère de Brogne, fondé par Pépin, fils d'Anségise, où sont déposées les reliques de saint Eugène apportées de Saint-Denis, et lui accorde le privilège de l'immunité pour toutes ses possessions.
A. Prétendu original perdu.
a. B. Fisen, Historia ecclesiae Leodiensis, p. 231 ; 2e édit., pars prima, p. 145 « ex tabulario Broniensi ostendit... episcopus Namurcensis Enguelbertus Desbois ».
b. Miraeus, Opera diplomatica, édit. Foppens, t. II, p. 806, d'après a.
c. Galliot, Histoire de la ville et province de Namur, t. V, p. 275.
d. Eug. de Marmol, L'abbaye de Brogne ou de Saint-Gérard dans les Annales de la Société archéologique de Namur, t. V, 1857-1858, p. 419, pièces justificatives n° II, d'après b.
Indiqué : Georgisch, Regesta chronologico-diplomatica, t. I, p. 194 (à l'année 914) et p. 199 (à l'année 921).
Indiqué : Bréquigny, Table chronologique, t. I, p. 375.
Indiqué : Böhmer, Regesta Karolorum, n° 1972 (à l'année 921).
Indiqué : Wauters, Table chronologique, t. I, p. 335.
Texte d'après a.
.....Notum sit omnibus sanctae Dei ecclesiae fidelibus et nostris, praesentibus atque futuris, quia adeuntes nostram serenitatem comites venerabiles Hagano et Ermenfridus adduxerunt secum virum venerabilem servum Dei Gerardum, qui Bronium monasterium in pago Lomacensi, super rivum Bornon situm, ubi Pipinus, filius Ansegisi, jussit oratoriolum exstrui suis fidelibus et beatissimum Lambertum, ecclesiae Tungrensis episcopum, pia peroratione fecit dedicare in honore perpetuae virginis Mariae sanctique Joannis Baptistae atque clavigeri Christi et apostolorum principis Petri, restruxit et amplificavit in melius. Completo itaque jam dicti loci aedificio, adiit vir Dei Parisiacense territorium ad monasterium sanctorum martyrum Dionysii sociorumque ejus. Impetravit quod diu desideravit thesaurum, egregii scilicet martyris Eugenii, Toletanae sedis episcopi, corpus nobilissimum, cum aliorum multorum pignoribus sanctorum et cum magna exultatione asportavit ad jam dictum locum. Humiliter sunt deprecati jam dicti fideles nostri quod, pro amore Dei et reverentia ipsius sancti loci, praefatum monasterium nostra quoque confirmaremus auctoritate. Quorum petitiones libenter acquievimus et ita in omnibus concessimus atque per hoc praeceptum nostrum confirmavimus. Præcipientes ergo jubemus ut nullus episcopus neque judex publicus nec quislibet ex judiciaria potestate in ecclesias aut locum, vel agros, seu reliquas possessiones memorati monasterii quas moderno tempore infra ditionem regni nostri juste ac rationabiliter possidet, vel ea quae deinceps in jure ipsius loci voluerit a catholicis viris divina pietas augeri, ad causas audiendas, vel freda aut tributa exigenda, vel mansiones, aut silvas, vel paradas faciendas, aut fidejussores tollendos, aut homines ejusdem monasterii, tam ingenuos quam servos, super terram ipsius commanentes, injuste distringendos, nec ullas redibitiones aut inlicitas occasiones requirendas, nostris et futuris temporibus ingredi audeat vel ea quae supra memorata sunt penitus exigere praesumat. Item, ob amorem Dei et reverentiam supradictorum sanctorum, propter stabilitatem jam dicti locelli, statuimus atque jubemus ut nullus christianus, laicus neque clericus, praesumat in circuitu jam dictum monasterium in villa Bronio, neque in aliis qui prope sunt monasterii, unde homines ibi commanentes decimam, propter remedium animarum suarum, in jam dictum locum Deo exsolvere debent, herbegare nec in mansiones, neque in annonas vel pratis audeat caballos suos repascere, nec ullum hominem, neque feminam, aut pecora, vel caballos ibi per potestatem, sine licentia ibi Deo serventium apprehendere praesumat ; sed liceat memorato servo Dei Gerardo atque abbati, cui commendaverit regere supradicti loci, suisque successoribus res praedicti monasterii sub immunitatis nostrae defensione quieto ordine possidere. Obnixe denique omnes successores nostros istius regni futuros obsecro ut quod salubri et necessaria devotione ob Dei amorem et supradictorum sanctorum ad animarum salutem egimus, inviolabiliter perpetim observare procurent.
Datum sexto kalendas septembris, indictione secunda, anno vigesimo nono regnante Carolo rege glorioso, redintegrante vigesimo quarto, largiore vero hereditate indepta decimo. Actum Aquisgrani palatio, anno ab incarnatione Domini nongentesimo decimo quarto.