912, 13 octobre. — Metz.
Charles III concède au comte Adhémar, en les énumérant, un certain nombre de biens sis sur la Loire et l'Allier, en Autunois, Auvergne et Berry, en particulier Souvigny avec son église dédiée à Notre-Dame et Saint-Pierre et toutes ses dépendances.
A. Prétendu original perdu.
B. Copie du xviie s., par le P. André de Saint-Nicolas, Histoire généalogique de la maison de Bourbon, Bibliothèque de Besançon, ms. 893, 2e partie, fol. 1, « ex apographo [authentico] Silviniacensi, fol. lvii ».
a. Chazaud, Étude sur la chronologie des sires de Bourbon, pièces justificatives, p. 1, n° 1, d'après B ; — nouv. édit. par M. Fazy, 1935, p. 243, d'après a.
Karolus divina ordinante clementia rex Francorum. Regalis excellentiae et celsitudinis mos est fideles suos et regni donis ingentibus honorare et ad fidelitatem promptiores facere. Idcirco, parentum nostrorum regum et imperatorum, videlicet praedecessorum nostrorum, morem affectantes, notum esse volumus regni nostri principibus et fidelibus quoniam ad hereditatem fidelis nostri Adhemari comitis conjungimus et concedimus res quasdam juris nostri, prope fluvium Legerem sive Halerem, in pago Agustidunense, sive Arvernense et Bituricense, id est Silviniacum, cum ecclesia quae est in honore sanctae Mariae et sancti Petri, cum genebreriis, forestis, vineis, pratis, terris et appenditiis in ipso pago Arvernense, Branaco villa, Bessono, Camega, Marinaco, Cirilaco, cum mansis indominicatis LXVII et appendiciis in pago Bituricense, et in vicaria Isodro, in ipso pago Agustidunense, ecclesia sive abbatia sancti Petri jure beneficii, villa quae dicitur Lisinias, Cabanis, Averno, Isidro, Tolonio, Capitello, Luceniaco, Casellis et omnibus intra alveum Ligeris et Haleris, et cespitaticum sive castellum de Termis prope Legerem, cum rebus supra degentibus et appendiciis ad se pertinentibus, cum casa indominicata, totum ad integrum, memorato fideli nostro Adhemaro comiti ad proprium concedimus et contradimus et de nostro jure in jus illius transfundimus, ita videlicet ut quicquid exinde a die presenti pro sua utilitate facere decreverit, liberam et firmissimam in omnibus habeat potestatem, nullo penitus contradicente. Et ut etiam huius nostrae largitionis et donationis praeceptum per succedentia annorum tempora firmius conservetur et attentius observetur, manu propria subter firmavimus et anuli nostri impressione sigillari jussimus.
Signum Karoli regis gloriosissimi.
Gozlinus notarius ad vicem Herivei recognovi.
Data III. idus octobris, indictione I., anno XX. regnante Karolo rege gloriosissimo, redintegrante anno XV., largiore vero hereditate indepta I. Actum Metis civitate. Feliciter in Dei nomine. Amen.