S. l. n. d. (893, 28 janvier – 903).
Charles III, à la requête d'Heidilon, évêque de Noyon et Tournai, renouvelle les privilèges d'immunité accordés jadis par Charlemagne, Louis [le Pieux] et Charles [le Chauve] à l'église Notre-Dame et Saint-Médard de Noyon, ainsi qu'aux prieurés de Saint-Éloi, Saint-Maurice et Saint-Martin qui en dépendent, confirme, en les énumérant, divers biens acquis par cette église en Hainaut, Vermandois et Flandre, dont certains avaient été usurpés par le comte Baudouin, et l'autorise à relever les fortifications de Tournai, dont il lui concède le fisc, la monnaie, le droit de rivage, le marché ainsi que le tonlieu.
A. Original perdu.
B. Copie du xiiie s., dans le Cartulaire du chapitre de Noyon, Archives départementales de l'Oise G. 1984, fol. 23 (xxxv v°), sous la rubrique : « Privilegium Karoli regis per domnum Heydilonem impetratum. »
C. Copie du xive s., dans le Cartulaire de l'évêché de Tournai, Archives de l'État à Mons, cartulaire 74, fol. 2 v°, sous la rubrique : « III. Confirmatio regis Karoli super quibusdam possessionibus ecclesie Tornacensis », d'après A.
a. J. Le Vasseur, Annales de l'église cathédrale de Noyon, t. II, p. 679, « ex libro privilegiorum ecclesiae Noviomensis, cot. S, fol. 29, et altero cot. B, fol. 33 ».
b. Recueil des historiens de la France, t. IX, p. 492, n° xxvi, d'après a.
c. Ch. Duvivier, Recherches sur le Hainaut ancien, t. I, preuves, p. 323, n° 18, d'après B.
Indiqué : Colliette, Mémoires pour servir à l'histoire du Vermandois, t. I, p. 413 (à l'année 902).
Indiqué : Bréquigny, Table chronologique, t. I, p. 362.
Indiqué : Wauters, Table chronologique, t. I, supplément, p. 651.
Indiqué : A. Rendu, Inventaire analytique du Cartulaire du chapitre cathédral de Noyon, p. 2.
Indiqué : Paul Rolland, Les origines de la commune de Tournai, p. 33, note 4 (à 898).
Texte établi d'après B C a.
Les parties imprimées en petit texte reproduisent le diplôme de Charles le Chauve du 24 décembre 842.
In nomine sancte et individue Trinitatis. Karolus divina propitiante clementia rex. Si liberalitatis nostre munere locis Deo dicatis quiddam conferimus beneficii et necessitates ecclesiasticas ad petitiones sacerdotum nostro relevamus munimine atque tuemur juvamine, id nobis et ad mortalem vitam temporaliter transigendam et ad eternam feliciter obtinendam profuturum liquido credimus. Noverit interea sagacitas seu utilitas omnium fidelium nostrorum, tam presentium quam et futurorum, quia veniens vir venerabilis Heidilo, Vermandensis, Noviomagensis atque Tornacensis ecclesie presul, obtulit obtutibus nostris auctoritates atavi nostri Karoli et proavi Chludovici, necnon et avi nostri item Karoli imperatoris, in quibus continebatur insertum quod non solum ipsi, verum etiam predecessores eorum, reges videlicet Francorum, ecclesiam sancte Marie, genitricis Dei et Domini nostri Jhesu Xpisti semperque virginis, et sancti Medardi ejusdem ecclesie pontificis, sub suo nomine et defensione cum cellulis sibi subjectis, videlicet sancti Eligii, confessoris Xpisti, et sancti Mauricii ac sancti Martini, necnon etiam ac reliquis, cum omnibus rebus vel omnibus ad se pertinentibus vel aspicientibus consistere fecerunt, et eorum immunitatum auctoritatibus hactenus ab inquietudine judiciarie potestatis eadem munita atque defensa fuisset ecclesia. Sed pro rei firmitate postulavit prefatus venerabilis Heidilo episcopus ut patrum seu predecessorum nostrorum regum morem sequentes, hujuscemodi nostre immunitatis preceptum ob amorem Dei et reverentiam divini cultus circa ipsas ecclesias fieri censeremus. Deprecatus est etiam quatinus res predecessoris sui Reinelmi et suas ad eandem ecclesiam acquisitas, videlicet Caprinum villam, Hainoensi in pago sitam et a Raimberto diacono eidem ecclesie collatam, Viennam siquidem in Vermandensi pago super fluvium Somam, ab Alquero, necnon et fiscum in Tornaco in eadem civitate, cum villa Markedinio ad ipsum pertinente, a Hilduino comite datam, quamque Balduinus comes inique quondam moliebatur auferre ; similiter et in Flandris Artiriacum cum sibi pertinentibus, et mansis iii. quondam Agardi, queque etiam prefatus comes auferebat, nostro iterum precepto insereremus atque refirmaremus ; insuper autem in predicta civitate Tornaco firmitatem antiquitus statutam et nunc destructam denuo ei edificare liceret ; monetam equidem ac rivaticum cum mercato et omni eorum undique in eadem civitate teloneo sepedicte ecclesie concederemus ac nostro edicto in perpetuum confirmaremus. Cujus petitioni libenter assensum prebuimus et hoc nostre auctoritatis preceptum erga ipsas ecclesias immunitatis atque tuitionis gratia, pro divini cultus amore et anime nostre remedio, fieri decrevimus, per quod precipimus atque jubemus ut nullus judex publicus vel quislibet ex judiciaria potestate in ecclesias aut loca, villas seu curtes vel agros seu reliquas possessiones quas moderno tempore in quibuslibet pagis et territoriis infra ditionem regni nostri memorata tenet vel possidet ecclesia, vel ea que deinceps in jure ipsius ecclesie voluerit divina pietas augeri, ad causas audiendas, aut freda vel tributa exigenda seu queque injuste molienda, aut mansiones vel paratas faciendas, vel fidejussores tollendos, aut homines ipsarum ecclesiarum distringendos, nec ullas redibitiones aut illicitas occasiones requirendas, nostris et futuris temporibus ingredi audeat, nec ea que supra memorata sunt penitus exigere presumat ; sed liceat memorato presuli suisque successoribus res predictarum ecclesiarum cum omnibus fredis concessis et cum rebus vel hominibus tam servis quam ingenuis juste ad se aspicientibus vel pertinentibus, aut super terram ipsius ecclesie rationabiliter commanentibus, sub tuitionis atque immunitatis nostre defensione, remota totius judiciarie potestatis inquietudine, quieto ordine possidere et nostre fideliter parere voluntati atque pro incolumitate nostra ac totius regni nostri nobis a Deo collati ejusque clementissima miseratione per immensum conservandi, una cum clero et populo sibi ad regendum commisso, Dei immensam clementiam exorare ; et quicquid de prefatis rebus ecclesiarum jus fisci exigere poterat, in integrum eisdem ecclesiis concessimus, scilicet ut perpetuo tempore sibi et successoribus suis ad peragendum Dei servicium augmentum et supplementum fiat. Hec quippe auctoritas ut pleniorem in Dei nomine obtineat firmitatis vigorem, manu propria subterfirmavimus et anulo nostro sigillari jussimus.