908, 8 août. — « Villa Worma ».
Charles III, à la requête de Richard, comte et marquis, restitue à l'abbaye de Saint-Martin d'Autun les biens qui lui avaient été injustement enlevés en Nivernais, à Vieille-Vigne, avec la « cella » de Saint-Denis, la chapelle de Saint-Martin, où repose le corps de saint Sauve, et six manses, toutes choses que tenait le prêtre Thibout à titre bénéficiaire et dont il consent à se dessaisir.
A. Original. Parchemin, avec traces de sceau. Hauteur, 340 mm. ; largeur, 570 mm. Archives départementales de Saône-et-Loire H (fonds de l'abbaye de Saint-Martin d'Autun) non coté.
a. Bulliot, Essai historique sur l'abbaye de Saint-Martin d'Autun, t. II, p. 20, n° 8, sans indication de source.
b. Lex, Documents originaux antérieurs à l'an mille conservés dans les archives de Saône-et-Loire, p. 17, n° xii, d'après A.
(Chrismon.) In nomine sanctae et individuae Trinitatis. Karolus divina propitiante clementia rex. Si locis sacris et divinis cultibus mancipatis opem ferendo et alienata restituendo [2] consulimus, et ad praesentis vitae cursum salubrius transeundum et ad futurae emolumentum felicius obtinendum nobis omnipotentem Deum propitium afore non difidimus. Quapropter omnium sanctae Dei ecclesiae [3] et nostrorum fidelium unanimis comperiat generalitas quoniam adiens nostrae serenitatis celsitudinem Richardus, comes et illustris marchio, humiliter precatus est ut res quasdam sancti Martini Eduensis coenobii [4] dudum ab eodem loco depravatione subtractas regia auctoritate restitueremus. Cujus petitionibus annuentes, praefatas res sitas in pago Nevernensi, in villa vocata Vetula Vinea, cum cella sancti Dionysii [5] et cappella sancti Martini, in qua corpus sancti Salvii requiescit, atque cum mansis ad se pertinentibus sex, per hoc nostrae auctoritatis prae[c]e[p]tum praescripto coenobio sancti Martini et abbati ipsius reddimus, resti-[6]-tuimus et deinceps habendas confirmamus, eo quidem tenore ut easdem res cum omnibus ad se juste et leg[a]liter per[tinen]tibus, quȩsitis et inquir[endi]s, sicut eas Teutboldus sacerdos jure benefitiario tenuit et huic redditioni [7] assensum prebuit, ita abhinc tam praesens quam futuri ipsius loci abbates et eorum ministri sicut reliquas ejusdem ecclesiae res inviolabiliter teneant atque possideant nullo in futuro inquietante. Ut ergo hoc nostrae aucto-[8]-ritatis ac restitutionis prȩceptum tutiorem in Dei nomine obtineat firmitatis rigorem, manu nostra firmantes anuli nostri imp[r]essione subter jussimus assignari.
[9] Signum Karoli (Monogramma) regis gloriosissimi.
[10] Ernust[u]s notarius ad vicem Askerici episcopi [sub]notavit et subscripsit (Signum recognitionis) (Locus sigilli).
[11] Datum .VI. id. aug., indictione .XI., anno .XVI. regnante Karolo rege gloriosissimo, redintegrante .XI. Actum villa Worma. In Dei nomine feliciter. AMHN.