917, 15 février. — Saint-Remy de Reims.
Charles III, à la requête des religieux de Saint-Remy et après consultation des fidèles, leur restitue pour leur entretien le « mesnil » de Neuvizy-en-Porcien dont le pouvoir royal les avait injustement dépouillés, à condition que chaque année, le 28 janvier, ils célèbrent par une « pleine réfection » l'anniversaire de son sacre et prient pour son âme, celle de la reine Frérone et pour leurs enfants. Il leur rend aussi, aux mêmes conditions pieuses, quatre manses sis à Thugny en Porcien, pour en affecter le produit au luminaire.
A. Original perdu.
B. Copie du xiiie s., dans le Cartulaire B de Saint-Remy, Archives municipales de Reims, p. 111 (fol. lvii), sous la rubrique « Privilegium Karoli regis de Nivisiis ».
C. Copie du xviie s., Bibliothèque nationale, Collection Baluze, vol. 46, fol. 243, « ex chartulario 4° S. Remigii ».
a. Marlot, Metropolis Remensis historia, t. I, p. 535 ; Histoire de la ville, cité et université de Reims, t. II, p. 830.
b. Recueil des historiens de la France, t. IX, p. 530, n° lxiv, d'après a.
c. Varin, Archives administratives de la ville de Reims, t. I, p. 70, d'après ab.
Indiqué : Bréquigny, Table chronologique, t. I, p. 377.
Indiqué : Böhmer, Regesta Karolorum, n° 1953.
Texte d'après BC.
In nomine sanctȩ et individuȩ Trinitatis. Karolus divina propitiante clementia Francorum rex. Pateat cunctis sanctȩ Dei ecclesiȩ fidelibus atque nostris, presentibus scilicet et futuris, quod devoti cenobitȩ almi Remigii, Francorum apostoli, ex multis jam precedentibus annis sepius se reclamantes apud regias nostrorum predecessorum aures de quibusdam rebus illorum generalitati potestate regali injuste sublatis, consistentibus in comitatu Porcinse, hoc est mansionile quod nuncupatur ad Niviseias, minime unquam ullis precibus a quolibet horum impetrare quod flagitabant valuerunt. Postremo ergo venientes ad nostram regiam majestatem, ascitis sibi fidelibus nostris, super hoc negotio nostram munificentiam supplicaturi, mox ut comperti fuimus rei veritatem que ab eis querebatur, flexi ad misericordiam super illorum petitione, consultu fidelium procerum nostrorum, decrevimus illis presentialiter res quas recte querebant reddere ad illorum stipendia mensȩ, pro Dei omnipotentis amore sanctique Remigii, patroni nostri, veneratione, hac videlicet conexa ratione ut singulis annis anniversaria, in unctionis nostrȩ die, que est V° kl. februarii, paretur illis plenaria refectio pro mei memoria et conjuge karissima piȩ recordationis Frederuna, necnon infantibus nostris prole regia exorentque pro nobis Dei omnipotentis clementiam prece assidua. Reddidimus preterea ad venerabile domni et patroni nostri sancti Remigii sepulchrum, cujus sacris precibus nos ubique confidimus atque toto mentis affectu credimus adjuvari, immo salvari, quasdam res que simili modo eidem loco jam dudum regali ditione inique fuerunt sublatȩ, consistentes in comitatu Porcinse, in loco qui dicitur Dunneias, ad luminaria concinnanda, videlicet mansos quatuor pro animȩ karissime conjugis nostrȩ Frederunȩ, proque animȩ meȩ salute, et infantibus nostris, similiter mansos IIIIor, quo mereamur, interventu beati Remigii, lucernas ardentes cum lampadibus in manu tenere, quando occursuri sumus obviam sponso et sponsȩ. Et ut nostrȩ auctoritatis preceptum firmius habeatur veriusque credatur et attentius observetur, manu propria subter firmantes nostro precepimus anulo insigniri.
Signum Karoli regis gloriosissimi.
Gozlinus regiȩ dignitatis notarius ad vicem Herivei archiepiscopi summique cancellarii recognovit.
Actum XV. kl. marcii, indictione Va., anno XXV. regnante Karolo rege gloriosissimo, redintegrante XX., largiore vero hereditate indepta VI. Actum monasterio sancti Remigii. In Dei nomine feliciter. Amen.