905, 9 février. — Compiègne.
Charles III, à la requête des comtes Guillaume et Robert, confirme aux religieux de Saint-Denis, pour leurs besoins, nourriture et vêtement, le fisc de « Patriacus » en Limousin, avec ses serfs, revenus et dépendances, que ledit comte Guillaume a restitué à l'abbaye pour la dédommager des pertes qu'elle a subies par « la fureur des païens ».
A. Original perdu.
B. Copie du xiiie s., dans le Cartulaire blanc de Saint-Denis, tome II, Archives nationales, LL. 1158, p. 447 (fol. 224), sous la rubrique : « Preceptum Karoli de Patriaco in pago Lemovicino, quod reddidit Guillelmus comes monachis beati Dyonisii », d'après A.
C. Copie du xviie s., Bibliothèque nationale, Collection Du Chesne, vol. 66, fol. 120, sans indication de source.
D. Copie du xviie s., Archives départementales de Seine-et-Oise, D. 518, p. 764, d'après B.
a. Doublet, Histoire de l'abbaye de Sainct-Denys, p. 813, sans indication de source.
b. Recueil des historiens de la France, t. IX, p. 500, n° xxxii, d'après a.
Indiqué : Bréquigny, Table chronologique, t. I, p. 366.
Indiqué : Böhmer, Regesta Karolorum, n° 1923.
Texte établi d'après BC.
In nomine sancte et individue Trinitatis. Karolus divina propitiante clementia rex. Si quid igitur nostre liberalitatis cultui divino dicamus, id nobis profuturum in eterna beatitudine nullatenus dubitamus. Noverit ergo omnium sancte Dei ecclesie nostrorumque fidelium, presentium scilicet ac futurorum, universitas quoniam accedentes ad nostre sublimitatis presentiam Willelmus videlicet comes venerandus, atque Robertus, eque comes et marchisus, supplici expetierunt devotione ut hoc nostre auctoritatis preceptum fratribus Deo ac preciosissimis martyribus Dyonisio, Rustico et Eleutherio militantibus fieri juberemus atque confirmaremus super quendam fiscum in pago Limozino, nomine Patriacum, ejusque appendicia atque subsequentia quem constat quorumdam pravitate, negligentia atque incuria hominum ab ejusdem sancti Dyonisii potestate fuisse sublatum atque subtractum et ex jam memorati venerabilis comitis Willelmi redactione, ob amorem Dei et sanctorum protectionem atque remedium anime sue, memoratis fratribus redditum, quatinus eorum victui et vestimentis perpetualiter deserviat ac jure perhenni succedat, ut que eis pro paganica rabie deerant his deservientibus rebus suppleantur atque restaurentur. Quorum itaque nos libentissime faventes precibus, jussimus hoc nostre magnanimitatis edictum fieri ac fratribus memoratis perpetualiter habendum dari, quatinus eorum usibus, victui videlicet atque vestitui, jam dictus fiscus Patriacus cum omnibus appendiciis rebus subiciatur atque deserviat, cum mancipiis utriusque sexus et ibi videlicet commanentibus et ubique ex tunc inquirendis, cum villaribus et eorum appendiciis, terris scilicet et eorum exactionibus, omnibus exhibitionibus et universis finibus et quicquid ad jam dictum Patriacum pertinere videtur atque dinoscitur eisdem sanctis fratribus cedat et eorum usibus perhenniter deserviat. Ut autem hec nostre confirmationis auctoritas inviolabilior habeatur veriorque credatur et attentius per succedentia tempora ab omnibus observetur, manu propria subter firmantes, anulo nostro jussimus sigillari.
Signum Karoli (Monogramma) regis gloriosissimi.
Ernustus notarius ad vicem Askerici episcopi subnotavit.
Datum V. idus febr., indictione VIII., anno XIII. regnante gloriosissimo rege Karolo, redintegrante VIII. Actum Compendio publico palacio. In Dei nomine feliciter. Amen.