918, 9 octobre. — Saint-Denis.
Charles III confirme la restitution opérée par l'évêque Thieux de 15 manses du temporel de l'évêché de Paris, donnés par l'évêque Enjouguin à la mense des religieux de Saint-Marcel, puis enlevés par le successeur de celui-ci, Anchery qui, par crainte des Normands, en avait gratifié pour sa vie un sien fidèle. Il approuve également la donation par Thieux d'un manse épiscopal à la Celle[-Saint-Cloud], affecté au luminaire de l'établissement.
A. Original. Parchemin, avec traces de scellement. Hauteur, à gauche, 370 mm., à droite, 375 mm. ; largeur, en haut 587 mm. 1 p., en bas 598 mm. Archives nationales, T. 1635.
B. Copie du xve s., dans le Livre de justice de Sainte-Geneviève, Bibliothèque Sainte-Geneviève, ms. 640 (anc. H. f. in-fol. 23), fol. 5, d'après un vidimus aujourd'hui perdu, passé le 29 mai 1406, sous le sceau de la prévôté de Paris.
a. Félibien, Histoire de la ville de Paris, t. III, p. 12, d'après A et une copie perdue du xie siècle.
b. R. de Lasteyrie, Cartulaire général de Paris, t. I, p. 34, n° 61, d'après a et c.
Indiqué : Bréquigny, Table chronologique, t. I, p. 379.
Indiqué : Fr. Sœhnée, Catalogue des actes d'Henri Ier, roi de France (Bibliothèque de l'École des Hautes-Études, fasc. 161), p. 25, n° 31.
(Chrismon.) In nomine sanctȩ et individuae Trinitatis. Karolus divina propitiante clementia rex Francorum. Si locis sanctorum aliquod subsidium ex nostra auctoritate conferimus, id procul dubio in futuro remunerari credimus. [2] Idcirco omnium sanctȩ Dei ecclesiae fidelium, tam presentium sive futurorum nostrorumque, industria noverit quoniam quidam Parisiacensis sedis episcopus, nomine Ingelvinus, ex suo indominicatu fratribus sancti Marcelli quindecim mansos ad mensam eorum fratrum circa ejusdem sancti monasterium [3] conjacentes devote tribuit. Quo defuncto, videlicet Ingelvino episcopo, Anscher[i]cus successor suus, pro imminente Normannorum periculo et persecutione quod suus antecessor jam dicto sancto loco dederat abstraxit et in beneficio suo fideli tradidit, quod usque [4] in die finis vitȩ suae ita permansit. Postea vero Teudulfus eorum sede ordinatus, videns predictorum fratrum inopiam, valde condoluit et quod suus antecessor dederat et alius abstraxerat voluntarie reddidit et de suo indominicato ad luminaria unum mansum in [5] villa Cella positum prebuit. De qua causa adiens ad nostrȩ dignitatis serenitatem humiliter expetiit ut per nostrȩ auctoritatis preceptum hoc corroboraremus. Cujus benivoli antistitis preces suscipientes, jussimus jam suprafatis fratribus in e[o]dem cenobio degentibus [6] ut ab hodierna die et deinceps suprascriptas res cum mancipiis utriusque sexus, terris cultis et incultis, vineis, pratis, pascuis, aquis aquarumve decursibus, molendinis, exitibus et regressibus et universis legitimis terminationibus juste et legaliter [7] ad se pertinentibus habeant, teneant atque jure perpetuo, nullo umquam contradicente, possideant. Volumus etiam ut dies [unctionis nostre, hoc est] in regem, quȩ est octavis sanctȩ Agnetis virginis, cum memoria orationis celebretur et post obitum nostrum ipsa dies [8] transmutetur et pro nostra conjuge in die obitus sui, quȩ est .IIII. id. febr., a predictis fratribus memoria sicuti nostra fiat. Et ut hec nostra auctoritas firma et inviolabilis permaneat, manu nostra subterfirmavimus et anuli [9] nostri impressione sigillari jussimus. [S. (Monogramma Henrici) regis. S. Imberti presulis, cujus deprecatione hoc preceptum iterum corroboratur. S. Lisierni decani. S. Huberti decani. S. Balduini. S. Odonis. S. Hugonis Bardufi. Signum Adam pincernȩ. S. Milonis. S. Bernardi. S. [10] Waleranni. S. Nevelonis. S. Willelmi. S. Walteri].
[11] Signum Karoli (Monogramma) regis gloriosissimi.
[12] Gozlinus notarius ad vicem Herivei archiepiscopi summique cancellari recognovit et subscripsit (Signum recognitionis ; locus sigilli).
[13] Datum .VII. id. octobr., indictione .VII., anno .XXVI°. regnante Karolo rege glorioso, redintegrante .XXI., largiore vero hereditate indepta .VII. Actum coenobio sancti Dionysii ubi ipse proprio corpore quiescit. In Dei nomine feliciter. Amen.