898, 17 mai. — Concevreux.
Charles III, à la prière des moines de Saint-Crépin et sur l'intervention du comte Herbert, abbé de ce monastère, étend les diplômes d'immunité de son aïeul l'empereur Charles [le Chauve] et de son père Louis au terrain concédé audit établissement à l'intérieur du « château » de Soissons par le comte et abbé Héry. Il confirme l'attribution faite aux religieux par un précepte royal des villas de Vasseny avec moulin, « Avorniacum » et Acy, du « château » de Béthizy, de « Mons Avhorni », de Pargny avec église et le moulin avec bois et pré, appelé Vieux, Auroir avec église et moulin.
A. Original perdu.
B. Copie du xviiie s., par Dom Grenier, Bibliothèque nationale, Collection Moreau, vol. 3, fol. 105, d'après une « copie collationnée par deux notaires étant aux archives de l'abbaye de Saint-Crépin-le-Grand de Soissons ».
CD. Deux copies du xviiie s., Bibliothèque nationale, Collection de Picardie, vol. 233, fol. 74, et vol. 255, fol. 28, cette dernière par Dom Grenier d'après la même copie que B.
E. Copie du xviiie s. dans le Cartulaire de Saint-Crépin-le-Grand de Soissons, Archives départementales de l'Aisne, H. 455, fol. 62 v°.
Indiqué : H. Martin et Jacob, Histoire de Soissons, t. I, p. 361.
Texte établi d'après B C D E.
In nomine sancte et individue Trinitatis. Karolus propitiante clementia Dei rex. Si utilitatibus locorum divinis cultibus mancipatorum servorumque Dei necessitatibus in eisdem degentium sagaciter providemus, regie celsitudinis operam frequentamus ac per hoc eterne beatitudinis gloriam facilius assequi omnino confidimus. Noverit igitur omnis sancte Dei ecclesie fidelium et nostrorum, presentium scilicet ac futurorum, solers industria, quia grex monachalis ordinis monasterii, videlicet pretiosorum Christi martirum Crispini et Crispiniani, accedens ad nostre sublimitatis dignitatem obtulit obtutibus nostris preceptum divine memorie Karoli imperatoris, avi nostri, quod etiam genitor noster Ludovicus simul cum ipso roboravit, deprecatusque est, interveniente dilecto nobis comite et abbate ejusdem loci Heriberto, quatinus per nostram munificentiam denuo auctoritatem soliditatis nostre et reconcessionis de terra etiam quam Hericus comes et abbas, infra castellum Suessionis, ad utilitatem sanctorum et eidem gregi de suo proprio contulit, preceptum auctoritatis nostre adderemus. Nos vero, pro Dei amore et sanctorum martirum veneratione in quorum honore idem locus constitutus habetur, ad deprecationem memorati Heriberti, id fieri concessimus. Unde hoc celsitudinis nostre edictum fieri et memorato gregi dari decrevimus per quod precipimus atque jubemus ut, sicut in prefato edicto imperatoris avi nostri Karoli continetur, ita per succedentia tempora conservatum a nobis, a successoribus nostris inviolabiliter habeatur, etiam illud addendo precipimus atque omnino omnibus inhibemus ut nemo publicus judex, neque comes, aut abbas, aut aliqua potestatum sive justiciaria persona infra prenominatam terram a jam dicto abbate Herico largitam necessitatibus ejusdem gregis simulque contraditam, necnon etiam infra claustra monasterii fores, causa publice utilitatis intrare presumat, neque ullam potestatem habere vel inquietare audeat. Confirmamus quoque jam dicto loco et fratribus ibidem Deo servientibus villas que abbatibus per preceptum regis ipsi collate sunt et in sepe nominato edicto continentur, id est Vaisniacum cum farinario uno, Avorniacum et Aciacum, Bestisiacum castrum et montem Avhorni, Parnacum quoque cum ecclesia et molendino etiam cum silva, et pratum quod vocatur Vetus Molendinum, Oratorium vero cum ecclesia et molendino et quicquid ad eundem pertinere videtur. Ut autem hujus nostre confirmationis atque auctoritatis preceptum per omnia tempora inviolabilem obtineat firmitatis vigorem, manu propria subtus illud corroboravimus et anuli nostri impressione sigillari jussimus.
Signum Karoli (Monogramma) gloriosissimi regis.
Heriveus notarius ad vicem Fulconis recognovit.
Datum VI. decimo kl. junii, indictione prima, anno primo regni Karoli gloriosissimi regis. Actum Superiori Curte. In Dei nomine feliciter. Amen.