898, 1er novembre. — Vienne.
Charles III, à la prière de Riculf, évêque du « Roussillon », transmise par un sien fidèle, et à la requête de sa mère Adélaïde, concède à cette église dédiée à sainte Eulalie, qui penche vers la ruine, la celle de Saint-Feliù, la villa dite Torrent, dite aussi « Alamannis », et « Spedulia » ainsi que le territoire compris entre Pierrefitte et ses cloîtres, la celle de Saint-Julien et le terrain défriché par ses hommes. Il ajoute la moitié du tonlieu, du droit d'épave (rafica), de marché, de pacage, des salines. Enfin il lui accorde l'immunité.
A. Original perdu.
B. Copie du xviie s., Bibliothèque nationale, Collection Baluze, vol. 108, fol. 86, d'après le cartulaire d'Elne perdu, de 1140, « lib. I, carta 2 ».
a. Baluze dans Marca Hispanica, append. col. 830, « ex chartulario ecclesiae Helensis ».
b. Monsalvatje, Nomenclator historico de las iglesias de la provincia y obispado de Gerona, p. 21, n° 13, d'après a.
c. Recueil des historiens de la France, t. IX, p. 472, n° vii, d'après a.
Texte établi d'après B et a.
In nomine sanctae et individuae Trinitatis. Carolus propiciante clementia Dei rex. Si erga loca sanctorum divino cultui mancipata aliquid de rebus juris nostri conferre studemus, non solum in hoc regiam exercemus consuetudinem, sed maxime, divina auxiliante gratia, profuturum nobis nullatenus dubitamus. Idcirco omnium sanctę Dei ecclesię fidelium nostrorumque, tam presentium quam et futurorum, sollers industria noverit quod dirigens pręsencię serenitatis nostrę Riculfus sanctę Rossilionensis ecclesię venerabilis episcopus, innotuit nobis per quendam suum fidelem quemadmodum sua sedes et pene omnes ecclesię ejusdem sedis ruinę tam proximę existebant, ita ut per ipsum nullatenus possent restaurari. Cujus petitionem ac intimacionem necessariam esse cognoscentes, placuit celsitudini nostrę pro remedio animę nostrę nostrique genitoris, atque perdulcissimę genitricis nostrę Adeleidis deprecatione, quatinus ad eandem ecclesiam, scilicet sanctę Eulalię, cellam sancti Felicis cum omnibus terminis vel appendiciis suis, et villam quę dicitur Torrente et alio vocabulo Alamannis, et Spedulia, et pro congruentia ecclesię suę territorium a Petra fixa usque super sua claustra, cellam sancti etiam Juliani vel terras quas sui homines ex heremo traxerunt. Addimus etiam medietatem thelonei et rafice et ex mercato similiter atque pascuarii, et medietatem salinarum concedimus : quod ita et nos fecisse omnium vestrum cognoscat industria. Precipientes ergo jubemus ut nullus judex publicus vel quislibet ex judiciaria potestate in ecclesias, villas, loca vel agros, seu reliquas possessiones memoratę ecclesię, quas moderno tempore possidet vel que deinceps in jure ipsius loci voluerit divina pietas augeri, ad causas judiciario more audiendas vel faciendas vel freda exigenda, aut mansiones vel paratas faciendas, aut fidejussores tollendos, aut homines ipsius ecclesię distringendos, nec ullas redibitiones vel illicitas occasiones requirendas, ingredi audeat. Precipimus etiam atque jubemus ut res quas moderno tempore possidet vel quas ibidem divina pietas augere voluerit, in eorum jure et dominacione absque cujuslibet inquietudine aut illicita contrarietate persistant, neque ullam indebitam calumniam aut repetitionem de eis a quoquam ullo unquam tempore paciantur, sed liceat eis memoratas res cum omnibus ad se jure et legaliter pertinentibus absque alicujus contradictione quieto ordine possidere et de eis jure ecclesiastico disponere quicquid voluerint, quatinus nostro juvamine divinum cultum copiosius exequentes, pro nostra incolumitate et stabilitate regni nostri Domini misericordiam attentius exorare delectet. Et ut hec auctoritas nostra presentibus futurisque temporibus inconvulsa permaneat, manu propria subter eam firmavimus et de anulo nostro sigillari jussimus.
Signum Caroli gloriosissimi regis. Domna Adeleidis.
Herveus notarius ad vicem Fulconis recognovit.
Data kl. novembris, indicione I. regnante Carolo serenissimo rege. Actum apud Viennam. In Dei nomine feliciter. Amen.