899, 4 juin. — Tours-sur-Marne.
Charles III, à la requête de sa mère la reine Adélaïde, confirme à Hemma, abbesse de San-Juan-de-las-Abadesas, la possession des biens présents et futurs de l'abbaye situés dans les pagi de Vich, de Conflent, de Cerdagne, de Besalú, d'Ampurias, et il lui accorde la protection de l'immunité avec l'exemption de tout tonlieu.
A. Original. Parchemin avec traces de scellement. Hauteur 580 mm. ; largeur 517 mm. Barcelone, Archives de la Couronne d'Aragon, n° 3 de l'« Apendice de Wifredo 1°. »
B. Copie de l'an 1819, Barcelone, Archives de la Couronne d'Aragon, « Apendice de los doze primeros condes, n° 3 de Wifredo 1° ».
a. Ph. Lauer, Un diplôme inédit de Charles le Simple en faveur de l'abbaye de San-Juan de las Abadesas, dans la Bibliothèque de l'École des Chartes, t. LXXXI, 1920, p. 180, avec fac-similé partiel.
Indiqué : Bofarull y Mascaro, Los condes de Barcelona vindicados, p. 36.
Fac-similé partiel : Fac-similé partiel des premières lignes, des souscriptions et de la date dans la Bibliothèque de l'École des Chartes, t. LXXXI (1920), p. 180.
(Chrismon.) In nomine sanctae et individuae Trinitatis. Karolus divina propitiante clementia rex. Si utilitatibus locorum divinis cultibus mancipatorum servorumque atque ancillarum Dei necessitatibus curam impendimus, [2] regiam procul dubio exercemus consuetudinem ac per hoc ad aeternam beatitudinem facilius tandem provenire minime dubitamus. Idcirco notum esse volumus omnium fidelium nostrorum, praesentium scilicet ac futurorum, sollertiae [3] quia venerabilis genetrix nostra Adheleydis regina, accedens ad nostram clementiam, deprecata est quatinus res quasdam datas monasterio sancti Johannis Baptistae, quod est constructum in pago Ausonensi, in loco qui dicitur......... [4] ubi sacrae virgines Xpisti sub regimine venerabilis abbatissae Hemmae Domino famulantur, tam ipsam abbatissam quamque praescriptum monasterium cum omnibus rebus ad se pertinentibus sub nostrae tuitionis mundeburdo [5] susciperemus et praecepto nostrae auctoritatis illi confirmaremus. Cujus petitionibus aurem clementiae nostrae, ob Dei amorem et jam dicti sancti Johannis Baptistae dilectionem, placide praebentes, hoc inprevari-[6]-cabile praeceptum fieri illique dari jussimus, per quod praecipimus atque decernentes jubemus ut ipsum monasterium cum finibus et adjacentiis suis necnon et cellae sive aliae res quae jam fato monasterio ab hominibus [7] Deo timentibus conlatȩ sunt, id est in praedicto pago Ausonensi cellam Mucronio cum finibus et adjacentiis suis, et cellam sancti Kirici sive sancti Martini, necnon et sanctae Eulaliae et sanctae Leocadiȩ, cum finibus et adjacentiis suis ; [8] in villa etiam Terrates et in Tagnano et in Felcariolas et in Berga et in Genesteto et in Sennare quicquid habere videntur ; et in pago quoque Confluente, in villa Fauliano, quicquid ibi et in ceteris prȩdicti pagi locis [9] habere videntur ; et in pago Cerdaniae, villulam Spinosam ; et in Cardona cellam sancti Johannis cum finibus et adjacentiis suis ; in valle Abbitana et in Stullo quicquid habere videntur ; et in pago Bisuldunense, collo [10] Witizane ; et in pago Hempuritano, sive in ceteris pagis vel territoriis, quicquid juste et rationabiliter possidere videntur vel deinceps divina pietas praedicto loco ipsique abbatissae ac sanctae monialibus ibidem Deo [11] militantibus earumve successoribus augeri voluerit, ad suarum necessitatum emendationem sint delegata omnia. Et ne quislibet auferendi ex eis aliquid habeat potestatem, sub nostro quoque mundeburde [12] et praetextu nostrae dominationis esse constituimus atque jubemus et praefatam abbatissam ac sanctaemoniales sibi subditas suarumque res. Et exclusa omni judiciaria potestate, volumus et praecipimus [13] ut nullus in rebus earum potestatem habeat fidejussores tollere aut aliquem distringere neque paratam aut mansionaticum accipere. Nolumus preterea ut ab istis vel ab eorum hominibus [14] aliquid telonei, id est pontaticus, aut rotaticus, cespitaticus, pulveraticus, pascuaticus, aut salaticus, vel aliquid exhibitionis exigatur, quatinus hac adjutae concessionne pro nobis et regno nostro liberius [15] Deum implorare condelectent. Et ut haec nostrae largitionis auctoritas majorem in Dei nomine obtineat vigorem et a cunctis sanctae Dei ecclesiae fidelibus diligentius conservetur [16] veriusque credatur, manu propria subter eam firmavimus et anuli nostri impressione sigillari jussimus.
[17] Signum Karoli (Monogramma) gloriosissimi regis.
[18] Heriveus notarius ad vicem Folconis archiepiscopi recognovit et subscripsit (Signum recognitionis) (Locus sigilli).
[19] Datum pridie nonas junii, indictione .II., anno .VII. rege Karolo serenissimo et in successione Odonis .II. pleniter regnante. Actum apud Hturnum. In Dei nomine feliciter. Amen.