900, 25 mars. — Ponthion (Palais).
Charles III, sur le conseil de l'évêque Mancion et du comte Aleran, restitue à l'église de Châlons-sur-Marne les biens qui lui avaient été enlevés et joints au « comitatus » de celui-ci en Chamsesais et en Perthois, c'est à savoir : 1° en Chamsesais la villa de Plichancourt avec l'église dédiée à saint Rémy, villa dont dépendent 12 manses, dont l'un à Goncourt, les « condamines » étant à Couvrot, près desdits manses, 2° en Perthois Rocquincourt, dont dépend l'église de Saint-Lumier, avec 14 manses, plus 3½ manses à « Haminicomont ».
A. Original perdu.
B. Copie du xiie s., dans le Cartulaire de Saint-Étienne de Châlons, Archives départementales de la Marne G. 462, fol. 3 v°, sous la rubrique : « Preceptum Karoli regis fratris Ludowici necnon et Karolomagni regum et filiorum Ludowici regis, filii Karoli imperatoris, de Pluchoncurt », d'après A.
C. Copie du xviiie s., par Dom J. François, dans Pièces justificatives des Recherches historiques sur Châlons, Bibliothèque de Châlons, ms. 1262, fol. 22, d'après B.
a. P. Pélicier, Cartulaire du Chapitre de l'église cathédrale de Châlons-sur-Marne par le chantre Warin dans Mémoires de la Société d'agriculture, sciences et arts de la Marne, année 1895, p. 144, d'après B.
Indiqué : Buirette de Verrières, Annales historiques de la ville et comté-pairie de Châlons-sur-Marne, p. 74.
Indiqué : Éd. de Barthélemy, Cartulaires de l'évêché et du chapitre de Saint-Étienne de Châlons-sur-Marne, p. 98, et Le diocèse ancien de Châlons-sur-Marne, t. Ier, p. 350.
Texte établi d'après B.
In nomine sanctȩ et individuȩ Trinitatis. Karolus divina propiciante clementia rex. Si locis divinis cultibus mancipatis ea quȩ per neglegentiam rectorum vel per cupiditatem subripientium sunt subtracta restituimus, regium perfecto morem agimus, et id nobis ad presens regni stabilimentum esse confidimus, et ad futuram remunerationem Dei proficere nullatenus dubitamus. Proinde noverit omnium sanctȩ Dei ecclesiȩ fidelium nostrorumque, presentium ac futurorum, sollertia quia, suggerente et suadente Mancione, venerabili Cathalaunensis ecclesiȩ episcopo, in beati prothomartiris Stephani veneratione dicatȩ, accesserunt pariter ad serenitatem nostram idem episcopus et illuster comes Aledramnus, supplicantes ut quasdam res jamdictȩ ecclesiȩ quondam subtractas et comitatibus ejus, videlicet Camsiacensi et Pertensi, sociatas eidem matri ecclesiȩ restitueremus et precepto nostrȩ auctoritatis confirmaremus. Siquidem ipsȩ res sunt sitȩ in eodem comitatu Camsiacensi, super fluvium Broscion, villa scilicet quȩ Plotkioncort dicitur cum ecclesia in honore sancti Remigii, ad quam aspiciunt mansi XII. cum mancipiis utriusque sexus, et ex his mansis est unus in Godoniscort situs, et in villa Couros sunt condeminȩ quȩ adjacent ipsis mansis cum ceteris terris ; in comitatu etiam Pertensi villa quȩ dicitur Roquineicurt, in qua fuit ecclesia sancti Leudomiri, super ipsum fluvium Broscion, ad quam aspiciunt mansi XIIII. cum mansis tribus et dimidio in Haminicomont. Quorum precibus Deo placitis nostrum pie prebentes assensum, prefatas res omnes libenter jamdictȩ ecclesiȩ et rectori ac successoribus ejus per hoc nostrȩ auctoritatis preceptum reddimus, restituimus atque refundimus, quatinus ab hodierna die ipsa ȩcclesia et rectores ejus sepedictas res cum ȩcclesiis et quȩ deinceps ad eas per vota bonorum hominum divina pietas augere voluerit, cum terris cultis et incultis et mancipiis utriusque sexus quocumque degentibus, cum pratis, pascuis, silvis, concidibus, exitibus et regressibus et universis appendiciis et omnibus rebus ac confiniis ad easdem juste et legaliter pertinentibus teneant, possideant et ecclesiastico jure disponant, nemine inquietante. Et ut hoc nostrȩ restitutionis preceptum per supervenientia tempora majorem, in Dei nomine, obtineat vigorem, manu nostra illud firmavimus et anuli nostri impressione subter sigillari jussimus.
Heriveus notarius ad vicem Folconis archiepiscopi recognovit et subscripsit.
Datum VIII. kl. aprilis, indictione III., anno VIII. regnante et redintegrante III. Karolo gloriosissimo rege. Actum Poncione palacio. In Dei nomine feliciter. Amen.