900, 26 juin. — Verberie (Palais).
Charles III, à la requête de sa mère Adélaïde et du comte et marquis Richard, confirme à l'abbaye de Saint-Martin d'Autun, sur la demande de l'abbé Grégoire, les biens qui lui avaient été concédés par son aïeul Charles « empereur auguste » et par son père le roi Louis. Il accorde aux moines la liberté des élections abbatiales, prend le monastère sous la protection de l'immunité et prescrit aux bénéficiers de s'acquitter des dîmes et des nones.
A. Original perdu.
B. Copie du xviie s., par D. Aubrée, Bibliothèque nationale, Collection de Bourgogne, vol. 111, fol. 26, d'après A ou une copie de A.
C. Copie du xvie s., Archives départementales de Saône-et-Loire, H. Fonds de Saint-Martin d'Autun.
D. Copie authentique abrégée de 1516, Archives départementales de Saône-et-Loire, H, Fonds de Saint-Martin d'Autun.
a. Gallia christiana, t. IV, instrum., col. 65, d'après A.
b. Recueil des historiens de la France, t. IX, p. 485, n° xviii, d'après a.
Indiqué : Bréquigny, Table chronologique, t. I, p. 359.
Indiqué : Böhmer, Regesta Karolorum, n° 1911.
Texte établi d'après BCDa.
Les mots entre crochets sont restitués d'après B.
In nomine sancte et individue Trinitatis. Karolus divina propiciante clemencia rex. Si servorum Dei justis peticionibus aurem nostre serenitatis adcommodamus easque ad effectum pie peticionis opem ferendo perducimus, hoc nobis profuturum fore a[d etern]e remuneracionis premium felicius obtinendum et ad presentem vitam facilius transigendam nullo modo dubitamus. Quocirca noverit omnium sancte Dei ecclesie fidelium nostrorumque, tam presencium quamque futurorum industria quoniam Gregorius, venerabilis abba ex monasterio sancti Martini, quod est in suburbio Edue civitatis, accedens ad nostre mansuetudinis excellenciam, deprecatus est nos per dulcissime genitricis nostre Adelheidis regine intervencionem atque Richaldi, illustris comitis et dilecti markionis nostri, deprecacionem, quatinus res predicti cenobii quas dive recordacionis avus noster Karolus imperator augustus et genitor noster pie memorie Hludowicus, rex per precepta auctoritatis sue eidem cenobio confirmando delegaverunt et apostolicum privilegium denuo roboravit, precepto nostre auctoritatis iterum supradicto cenobio confirmando roboraremus. Quorum peticionibus tanto libencius cessimus quantum id nobis profuturum ad eterne remuneracionis emolumentum esse perspeximus. Statuimus igitur, juxta peticionem prefatorum fidelium nostrorum, ut monachi memorati cenobii post jam dicti abbatis decessum licenciam habeant ex sese eligendi abbatem, secundum regulam sancti Benedicti, qui eis preesse et prodesse possit. Ea vero omnia que per precepta regum, scilicet avi et genitoris nostri, eidem cenobio collata sunt, confirmando perpetualiter delegamus. Suscipimus preterea prefatum cenobium sub immunitatis seu tuicionis nostre defensione. Unde et jubemus ut nullus comes seu vicecomes, aut aliquis ex secularibus judicibus, vel ex missis nostris discurrentibus, in prefato cenobio potestative mansiones accipiant, aut paratas, seu freda, aut cespitaticum vel pontaticum, aut inferendas ab eo exigere presumat, sed liceat servis Dei in eodem cenobio degentibus secure ac quiete pro patre et genitrice nostra ac pro nobis tociusque regni statu absque alicujus inquietantis molestia Dominum exorare. Volumus eciam et precipientes jubemus ut quicumque ex rebus ejusdem abbacie beneficia habent nonas et decimas earumdem rerum ecclesie annuatim reddant et quicquid edificiorum ex eisdem beneficiis circa eandem ecclesiam actum fuit perficiant. Ut autem hoc nostre munificencie preceptum seu roboracionis largicio firmior habeatur et inviolabiliter per futura tempora conservetur, manu propria eam firmavimus et anuli nostri impressione subter sigillari jussimus.
Signum Karoli (Monogramma) gloriosissimi regis.
Heriveus notarius ad vicem Askerici episcopi recognovit et subscripsit.
Datum VI. kal. julii, ind. III., anno VIII°. regnante et reintegrante III°. Karolo gloriosissimo rege. Actum apud Vermeria palacium. In Dei nomine feliciter. Amen.