900, 31 octobre. — Saint-Benoît-sur-Loire.
Charles III, à la requête de sa mère Adélaïde, du comte Hugues, son cousin, et du comte Effroy, confirme aux chanoines de Saint-Évroult en Hiémois la possession des biens qui ont été donnés à ce monastère, soit anciennement, soit récemment dans les comtés d'Hiémois et du Maine et énumère ces biens. Il interdit à l'abbé ou à tout autre de se les approprier ou de les donner en bénéfice.
A. Original perdu.
B. Copie de l'an 1636, par F. Michel, moine de Saint-Évroult, Bibliothèque nationale, ms. lat. 13817, fol. 192 v°, « ex veteri codice manuscripto ».
C. Copie du xviie s., d'une main assez semblable à la précédente, Bibliothèque nationale, ms. lat. 12778, fol. 15, sans indication de source.
a. Martène, Amplissima collectio, t. III, col. 255.
b. Mabillon, Annales ordinis sancti Benedicti, t. III, p. 694, « ex ms. codice Uticensi ».
c. Recueil des historiens de la France, t. IX, p. 489, n° xxii, d'après b.
Indiqué : Georgisch, Regesta chronologico-diplomatica, t. I, p. 180.
Indiqué : Bréquigny, Table chronologique, t. I, p. 360.
Indiqué : Böhmer, Regesta Karolorum, n° 1914.
Texte établi d'après BC a b.
In nomine sanctae et individuae Trinitatis. Carolus rex divina ordinante clementia. Si fidelium nostrorum justis petitionibus aures serenitatis nostrae accommodamus assensumque illis praebemus, morem praedecessorum, parentum scilicet nostrorum regum, imitari videmur ac per hoc Deum propitium nobis fore non dubitamus et in nostrae fidelitatis devotione animos illorum accendimus. Quocirca noverit omnium sanctae Dei ecclesiae fidelium nostrorumque, tam praesentium quam et futurorum, sollertia quoniam adeuntes nostrae dignitatis excellentiam dulcissima genitrix nostra Adeleidis et dilectus comes Hugo consanguineus, necnon et illustris comes Ecfridus, humiliter petierunt ut sacris canonicis ex monasterio sancti Petri, in quo Ebrulfus sanctus corpore quiescit, qui vocatur Uticus, in comitatu Oximensi, tale praeceptum fieri dignaremur quod eis et successoribus eorum futuris temporibus prodesset, hoc est ut villas quae eorum usibus antiquitus deputatae fuerunt, res etiam subterius nominandas, quae eidem loco justo desiderio ab hominibus Deum timentibus traditae sunt, tali praecepto ecclesiae ipsorum et ipsis copularentur, ut inviolabile in perpetuum permaneret. Quorum petitionem ratam invenientes, hoc nostrae altitudinis praeceptum fieri ipsisque fratribus dari jussimus, per quod praecipientes jubemus ut ab hodierna die ac deinceps has villas, scilicet in comitatu Oximensi villam Agon, Pontum, Novam villam, Medro, Hardolit, Villareridum, Balcantiam cum Ponto, Baliolum, Montem Niovinum, Acimacum, Maciacum, Abrontinum, Broilum ; in comitatu quoque Coenomannico Nunniagum villam, quam dedit Hugo comes et mater sua Rodhildis sancto Ebrulfo, in vicaria Gaviacense cum omnibus appendiciis ; in alio loco, in vicaria Silgiacense, Cusciatura, quartas IIII., Intervallis et Gisna, quartas IIII. ; in vicaria Belfaidisse Berindum, mansos sex cum omnibus ad se aspicientibus ; in villa quae dicitur Montis mansum unum cum vinea, quem dedit Isembardus, et quarta I ; in ipsa villa mansum unum cum quarta I, quem dedit Basoinus ; in villa quae dicitur Crannas mansum unum cum vinea, et deforis terram arabilem quam dedit Engelboldus Belciaco monasterio cum omnibus suis. Has villas et res nullus abbas neque ulla potestas sibi indominicari neque alicui beneficiari praesumat, sed ipsi canonici libere eas teneant et canonice disponant. Et ut hoc nostrae praeceptionis seu confirmationis edictum inviolabilem obtineat vigorem, manu propria subter firmavimus et anulo nostro sigillari jussimus.
Signum Karoli (Monogramma) gloriosissimi regis.
Herluinus notarius ad vicem Anscherici cancellarii recognovit et subscripsit.
Datum pridie kal. novembris, indictione tertia, anno octavo, redintegrante III., regnante domno Carolo gloriosissimo rege. Actum monasterio sancti Benedicti. In Xpisti nomine feliciter. Amen.