954, 12 nov. — 955, 12 nov. (Fin de l'année 954?). — Paris.
Lothaire, à la prière du duc Hugue, du comte de Bourgogne Gilbert et du comte Thibaud, confirme à Guilain et à ses fils Gui et Nordouin la concession en précaire, qui leur avait été faite sur les biens de l'église Saint-Beurry, de dix-huit manses sis «in villa Casliaco», de la moitié d'une église sise dans le comté de Beaune et de l'église Saint-Loup, au comté de Chalon.
A. Original perdu.
B. Copie du xviie s., par Pierre-François Chifflet, Bibliothèque nationale, Collection Baluze, vol. 144, fol. 54, d'après A.
B′. Copie du même, dans ses Collectanea Burgundica, Bibliothèque des Bollandistes à Bruxelles, d'après A.
B″. Copie du xviie s., collationnée par le même, Bibliothèque nationale, Collection Baluze, vol. 144, fol. 72, d'après A.
C. Copie très incorrecte du xviiie s., faite pour François-Nicolas-Eugène Droz, autrefois conservée dans la Bibliothèque de M. Droz des Villars, à Besançon, d'après A.
D. Copie du xviiie s., Bibliothèque nationale, Collection Moreau, vol. 866, fol. 391, d'après C.
E. Copie du xviiie s., Bibliothèque de Besançon, Collection Droz, vol. 32, fol. 247, d'après C.
a. F. Lot, Les derniers Carolingiens, p. 395, d'après D.
In nomine sanctae et individuae Trinitatis. Hlotharius, divina propitiante clementia Francorum rex excellentissimus atque sub juvenili aetate potentissimus. Si fidelibus nostris, morem regium servantes, aliquod subplementum per nostri muni minis praeceptum conferimus, nobis id ad honoris augmentum et aeternaliter tenemus firmissime profuturum. Quocirca notum fore volumus sanctae Dei ecclesiae fidelibus et nostris, praesentibus scilicet ac futuris, qualiter veniens Hugo, dux Francorum et pene totius imperii potentissimus, ac Gislebertus, Burgundiae comes praecipuus, praenotati miles Hugonis fortissimus, et comes Tetboldus, noster per omnia fidelis eximius, nostram expetierint celsitudinem ac sublimitatis nostrae dignitatem, obnixe postulantes ut Witlenco et filiis suis, Widoni scilicet et Norduino, de rebus sancti Botrici quibusdam in pago Burgundiae manentibus immunitatis praeceptum fieri dignaremur. Quae res sunt in pago Burgundiae, ut diximus, sitae, in villa Casliaco super fluvium Duinae, videlicet .X. et .VIII. mansi et ecclesia dimidia in comitatu Belnensi cum alia integra ecclesia in comitatu Calnensi, in honore sancti Lupi dicata, super praenotatum fluvium sita. Quorum petitionibus aures nostrae serenitatis apponentes, regium morem servantes, hoc praeceptum relatis fieri jussimus et ducti largiflua pietate firmavimus, ea scilicet ratione ut jamdictus Witlencus et ejus duo filii Wido et Norduinus in vita sua habeant, teneant atque possideant, ac post illorum vitae cursum ad praefatam basilicam sancti Botrici haec omnia redeant. Ut autem haec praecepti scriptio firmior atque credibilior habeatur atque ab omnibus futuris temporibus diligentius conservetur, propria manu subter firmavimus et anuli nostri impressione insigniri jussimus.
Signum Hlotharii Francorum (monogramma) regis gloriosi.
(Locus sigilli.)
Wido cancellarius ad vicem Artaldi, archiepiscopi summique cancellarii, recognovit.
Actum Parisiaca urbe, anno primo regnante gloriosissimo rege Hlothario, indictione .XIII.