954, 12 novembre. — 956, 2 janvier.
Lothaire, à la prière de Bernier, abbé du monastère d'Homblières, renouvelle le diplôme par lequel le roi Louis IV, son père, avait confirmé la réforme dudit monastère.
A. Original perdu.
B. Copie du xviie s., dans un cartulaire d'Homblières, Bibliothèque nationale, ms. lat. 13911, fol. 10, probablement d'après un ancien cartulaire, sous le titre: «Charta Lotharii regis».
C. Copie du xviiie s., dans un autre cartulaire d'Homblières, Archives départementales de l'Aisne, H 588, fol. 7 v° (anc. p. 14), d'après la même source et sous le même titre que dans B.
a. Hémeré, Augusta Viromanduorum vindicata et illustrata, Regestum, p. 30, d'après C.
b. Recueil des historiens de la France, t. IX, p. 622, n° ix, d'après a.
c. Colliette, Mémoires pour servir à l'histoire du Vermandois, t. I, p. 563, d'après C.
Indiqué : Bréquigny, Table chronologique, t. I, p. 429.
In nomine sanctae et individuae Trinitatis. Lotharius, gratia Dei Francorum rex. Si divinis cultibus operam dantes sacrae religioni suffragari nitimur, progenitorum nostrorum privilegiis fulti, regio more utimur. Igitur notum sit universis sanctae matris ecclesiae filiis tam praesentibus quam futuris quia accessit Bernerus abbas, qui cellae Humolariensi praeest, nostram humiliter exorans clementiam ut idem coenobium, in honore sanctae Dei genitricis et semper virginis Mariae constructum, cui, ut diximus, praeest, auctoritatis nostrae munimine tutaretur, quod videlicet pia nostri genitoris clementia ad melioris vitae studium jam ante fuerat relevatum necnon signo regiae subscriptionis munitum, hoc idem apud ipsum impetrantibus comite Adalberto ac venerabili viro Eilberto, qui, eamdem abbatiam cum omni integritate ob amorem Dei omnipotentis et suarum remedium animarum sanctae Dei genetrici Mariae et sanctae Hunegundi reddentes, piae memoriae patris nostri manibus tradiderunt, quatenus monachi inibi regulariter viventes absque ulla perturbatione soli Deo militarent. Sed quia repetitio confirmatio est, non ab re fieri credimus si, praedicti abbatis multorumque religiosorum monachorum supplicationibus evicti, eorum petitionibus assensum praebemus. Quod facere decernentes, eandem abbatiam absque ulla diminutione abbati cum monachis viventibus regulariter in perpetuum habendam concessimus atque, excellentissimi genitoris nostri vestigia sequentes, praefatam auctoritatem praecepto nostrae potestatis corroborari jussimus nostroque annulo signavimus, ut, si quis eidem cellae villam aut mansum sive campum subtrahere voluerit, in primis omnipotentis Dei iram incurrat, deinde centum auri libras persolvat et ab omni possessione privatus nostro regno exul fiat.