979, 8 juin-986, 2 mars. — Compiègne.
Lothaire et Louis V, à la prière d'Élisiard, évêque de Paris, confirment la donation faite par ce dernier aux chanoines de Notre-Dame de Paris du domaine d'Épône avec l'église Saint-Béat et du domaine de Mézières, et renouvellent les diplômes de leurs prédécesseurs relatifs aux biens et aux privilèges desdits chanoines.
A. Original. Parchemin. Hauteur: 722 mm.; largeur: 568 mm. Archives nationales, K 17, n° 5.
B. Copie du xiie s., Archives nationales, K 17, n° 5B.
C. Copie du xiie s., dans le Livre noir de l'Église de Paris ou Suite des pastoraux, Archives nationales, LL 78 (ancien LL 177), p. 113.
D. Copie du xiiie s., dans le Grand pastoral de l'Église de Paris, Archives nationales, LL 76 (ancien LL 175), p. 577.
E. Copie du xiiie s., dans le Petit pastoral de l'Église de Paris, Archives nationales, LL 77 (ancien LL 176), p. 95.
F. Copie de l'an 1309, dans un vidimus original de Philippe IV le Bel, roi de France, daté de Paris, Archives nationales, K 17, n° 5c.
G. Copie authentique du 1er septembre 1586, Archives nationales, K 17, n° 5, d'après A.
H. Copie authentique du 11 septembre 1683, Archives nationales, K 17, n° 5, d'après A.
I. Copie du xviie s., Bibliothèque nationale, Collection Dupuy, vol. 222, fol. 47, d'après A ou B.
J. Copie du xviiie s., collationnée par Porlier, conseiller-maître à la Chambre des Comptes de Paris, Archives nationales, K 181, n° 9, d'après A.
K. Copie du 13 septembre 1790, collationnée par les «conseillers du roi notaires au Châtelet», Archives nationales, S iA, n° 1, d'après A.
L. Copie du xviie s., Bibliothèque nationale, ms. lat. 11838, fol. 62, d'après un des cartulaires.
M. Copie du xviie s., par André Du Chesne, Bibliothèque nationale, Collection Baluze, vol. 55, fol. 8 v°, d'après E.
N. Copie authentique du 12 janvier 1690, Archives nationales, K 17, n° 5, d'après E.
O. Copie du xive s., Archives nationales, JJ 45, fol. 4 v°, n° vii, d'après F.
P. Copie du xviie s., Bibliothèque nationale, Collection Dupuy, vol. 222, fol. 51, d'après F.
Q. Copie incomplète du xviiie s., Bibliothèque nationale, Collection Moreau, vol. 12, fol. 169, probablement d'après b.
R. Autre copie incomplète du xviiie s., ibid., fol. 173, d'après b.
a. Labbe, Alliance chronologique, t. II, p. 538.
b. Dubois, Historia ecclesiae Parisiensis, t. I, p. 552.
c. Félibien, Histoire de la ville de Paris, t. V, p. 596 (partiel).
d. Gallia christiana, t. VII, instrumenta, col. 19, d'après un des cartulaires.
e. Recueil des historiens de la France, t. IX, p. 642, n° xxxiii, d'après D.
f. Pièces justificatives de la propriété individuelle des maisons canoniales du chapitre de l'Église de Paris sises cloître Notre-Dame, p. 3.
g. Guérard, Cartulaire de l'église Notre-Dame de Paris, t. I, p. 273, n° 32, d'après E.
h. Tardif, Monuments historiques, Cartons des rois, p. 148, n° 236, d'après A.
i. R. de Lasteyrie, Cartulaire général de Paris, t. I, p. 92, n° 66, d'après A.
Indiqué : Lebeuf, Histoire de la ville et de tout le diocèse de Paris, éd. de 1883, t. II, p. 98; t. III, p. 539; t. IV, p. 33, 40 et 183.
Indiqué : Bréquigny, Table chronologique, t. I, p. 462.
(Chrismon.) In nomine sanctȩ et individuae Trinitatis. Hlotharius genitor genitusque ejus Hlodovicus, utrique opitulante gratia Dei Francorum reges. Si sa[c]erdotum ac servorum Dei petitiones, quas pro utilitatibus et necessitatibus [2] suis suorumque subjectorum nobis innotuerint, ad effectum perducimus, non solum regiam exercemus consuetudinem, verum etiam ad aeternae retributionis beatitudinem talia facta, auxiliante Domino, nobis profutura confidimus. Idcirco notum esse volumus omnibus sanctȩ Dei ecclesiae fidelibus, tam nostris presentibus [3] quam scilicet et futuris, quia vir venerabilis Elysiardus, Parisiacensis ecclesiae episcopus, nostrae innotuit serenitati, suggerentibus itaque ac intervenientibus dilectis fidelibus nostris, videlicet dulcissima conjuge Emma atque Hugone excellentissimo duce egregiisque presulibus Alberone Remensis, [4] Gibuino Cabilonensis, quod pro Dei omnipotentis amere et futuro ejusdem congregationis cavendo periculo, ne aliqua successorum suorum aut secularium personarum neglegentia vel parcitate ordo in ea sede commemorata futuris temporibus perturbaret canonicus, quandam potestatem, Spedonam nomine, cum [5] ecclesia in honore sancti Beati dicata ac villam vocabulo Macerias cum terris cultis et incultis, vineis, silvis, molendinis, pratis, pascuis, piscariis, aquis aquarumve decursibus et cum omnibus inibi justȩ legaliterque aspicientibus, quam idem prelibatus presul Elysiardus, am[o]re Dei ductus, tam a suo [6] quam a successorum suorum dominio auferens, in fratrum sanctȩ Mariae praefatȩ sedis delegavit usus, per hoc regale preceptum stabili jure eis concederemus. Preterea humiliter exorantes petierunt ut pro divino intuitu et pro ipsius congregationis cavenda necessitate avorum nostrorum [7] precepta regum ex stipendiis ipsorum fratrum, quae in membranulis vetustissimis continebantur inserta, in hujus corpore precepti breviter accumulata regali auctoritate reconfirmaremus ad integrum. Ob firmitatem tamen religionis petiit memoratus Elysiardus episcopus [8] ut et claustrum ipsius congregationis, sicut ab avo nostro rege Karolo, supplicante Teudulfo ejusdem loci episcopo, confirmatum est, jure perpetuo ac stabili ordine corroboraremus, quo absque ullius inquietudine tam ipsius sedis episcopi quam aliarum personarum securi [9] viverent et unusquisque canonicus suam propriam domum cum omni substantia dare vel vendere valeat cuicumque voluerit tantum ex fratribus, velut constitutum est a priscis temporibus. Nos vero petitioni eorum, quia necessaria et rationabilis erat, assensum prebentes, [10] velud postulaverint fieri adjudicavimus, quatinus nulla occasione nec rei publicae servitio quisquam ex successoribus seu secularibus personis inpedimentum in futuro eis inferre potuisset, pro quo a via rectitudinis et observatione canonica eos oberrare necesse foret, [11] sed de deputatis sibi rebus contempti absque necessitate et inopia canonicum ordinem tenere et sine prevaricatione, quantum humana sinit fragilitas, observare quivissent, ex semetipsis semper per communem omnium assensum eligentes prepositum et decanum, qui et [12] eorundem prevideant villas et debita stipendia fratribus fideliter administrant. Quapropter statuimus atque jubemus et nostra preceptione confirmamus eis villas quas dudum per privilegia et per precepta regum habere noscuntur ad eorum necessitates procurandas et metu futurorum casuum propellendo, [13] videlicet Ondresiacum cum ecclesia et altare omnique integritate et suis ad[ja]cen[tii]s, Aureliacum cum ȩcclesia et altare suisque appenditiis, Civiliacum cum aecclesia et altare et omnibus inibi adjacentibus, L[ai]acum, Castenedum cum ecclesia et altare omnibusque adjacentibus, Baniolum cum ecclesia et altare ceterisque [14] appenditiis, Sulciacum cum ecclesia et altare et res in Larziaco et in Lotveo villa cum omnibus ad usus fratrum pertinentibus, Cristoilum cum ecclesia et altare vel quidquid inibi ad predictorum stipendia pertinet. Haec enim septem altaria Parisiacae sedi attinentia predictus presul Elysiardus ex proprio [15] dominio, sine sua suorumque successorum venditione, nullo contradicente, stipendiis perpetualiter adtribuit ipsorum fratrum: Eleriacum videlicet, Steovillam, Rosetum, Cellas et Vernou, Machelum et Samesium, Mintriacum et Mauriacum cum ȩcclesiis et universis ad se pertinentibus, Viriacum cum omnibus quȩ videntur [16] ad predictorum usus fratrum aspicere, sed et medietatem nonae ac decimae quȩ de rebus ipsius ȩcclesiae, quae abstractȩ fuerant, ab his qui eis utuntur accipi solent. Hanc ergo predictam potestatem, Spedonam et has nominatas villas cum omnibus appenditiis et reditibus suis, ut diximus, ad omnes ejusdem congregationis necessitates [17] et sustentacula mortalis vitae ministranda vel quod a longo tempore ibidem sunt aspitientia vel ad presens aspicere videntur aut deinceps a Deo timentibus additum vel conlatum fuerit, regali auctori[ta]te et indulgentia per hoc praeceptum confirmationis nostrȩ stabili jure eis concedimus ac confirmamus, precipientes ut nullus episcoporum [18] per successiones subtrahere, minuare aut ad usus suos retorquere vel alicui in beneficium tribuere neque ullum impedimentum ex predictis rebus eis inferre, sed nec servitia ex eisdem villis exactare neque ullas in aliqua re exac[tiones inde exigere] presumant; si augere eis aliquid [pla]cuerit, licitum habeant; distrahendi autem vel minuendi ea, [19] quȩ pro Dei statuta sunt amore, nequaquam valeant. Eo namque ordine precipimus et corroboramus pro salutis nostrȩ remuneratione et pro sanctȩ Dei ecclesiae statu reique publicȩ gubernatione, velud ab antecessoribus nostris confirmatum est, ut nullus umquam ex judicaria potestate accinctus vel quocumque modo nullisque ingeniis in predictis villis [20] aliquam judicandi potestatem inibi exerceat neque aliquem censum neque teloneum neque ripaticum neque rotaticum neque portaticum neque bannum nec freda nec ullas districtiones faciendas nec ullas paratas requirendas nec foraticum nec pulveraticum nec ullas leges faciendas nec de liberis hominibus albanisque ac colonibus in supradicta [21] terra conmanentibus aliquem censum vel aliquas redibitiones accipere presumat, seu quicquid fiscus noster inde exigere aut sperare presentaliter potuerit requirere non presumat; et si forte callididate judicis aut alicujus persone ipsae emunitates alicubi inruptae fuerint, priscorum lege, id est solidis .DC., multetur. Petimus ergo [22] successores nostros ut hanc nostram liberalissimam concessionem ita conservent, sicut ea quȩ ob amorem Dei aeternamque mercedem statuerint a suis voluerint successoribus esse servanda. Et ut hec auctoritas, quam ob dilectionem Dei et animarum nostrarum remedium statuimus, firmiorem, in Dei nomine, obtineat vigorem et deinceps [23] perpetualiter inconvulsa permaneat, manibus propriis eam subterfirmavimus.
[24] Signum Hlotharii gloriosis — (monogramma) — simi regis filiique ejus (monogramma) Hludovici.
[25] Ernulfus cancellarius ad vicem Alberonis archiepiscopi recognovit.
(Locus sigilli.)
[26] Actum Conpendio palatio.