982. — Boussac.
Lothaire, à la prière d'Ildesinde, évêque d'Elne et abbé du monastère de San Pedro de Roda, confirme les possessions dudit monastère.
A. Original perdu.
B. Copie du xviie s., Bibliothèque nationale, Collection Baluze, vol. 107, fol. 426, d'après le Cartulaire de San Pedro de Rosas, aujourd'hui perdu.
C. Autre copie du xviie s., ibid., vol. 238, fol. 295, d'après le même cartulaire que B.
a. Marca, Marca Hispanica, Appendix, col. 927, d'après le même cartulaire que B.
b. Recueil des historiens de la France, t. IX, p. 648, n° xxxvii, d'après a.
Indiqué : Mabillon, Annales ordinis S. Benedicti, XLIX, 20, t. IV, p. 11.
Indiqué : Bréquigny, Table chronologique, t. I, p. 465.
Indiqué : Böhmer, Regesta, t. I, p. 195, n° 2058.
In nomine sanctae et individuae Trinitatis. Lotharius, divina favente clementia Francorum rex. Noverit omnium sanctae Dei ecclesiae ac nostrorum solertia quod Ildesindus, venerabilis episcopus Elnensis et abbas monasterii sancti Petri, apostolorum principis, Rotensis, adiens nostrae serenitatis aulam, interveniente dilecta conjuge nostra Ema, humiliter deprecatus est quatinus ob nostrarum animarum seu antecessorum nostrorum remedium res et praedia quae monachi ipsius possidebant loci, nostri praecepti munimine corroborarentur. Cui assensum praebentes, more praecessorum regum, omnes proprietates et possessiones ipsius loci seu fines vel limites cum adjacentiis praecipuorum praediorum, quae beatissimus Petrus, apostolorum princeps, ex collationibus fidelium in coenobio Rotensi retinere videtur, nostro regali confirmamus praecepto, id est ab ipsa meda quae est infra portum Fraxani et ipso raso usque in locum quem dicunt Tres Fratres, a parte videlicet orientis usque in medium mare, atque inde vadit ad ipsum locum quem vocant Molinum de Valascho indeque pervenit ad ipsam Tamarix et inde pergit usque ad ipsam Petramfictam et pervenit ad ipsam matellam de Gomesindo atque inde ascendit per ipsam serram usque in ipso fictorio de monte Pininello et vadit ascendendo usque in sumitatem ipsius montis atque descendendo pergit per ipsam viam usque in locum quem vocant Sorberiolo et descendendo pervenit in ipsa clusa et ad ipsum casale de Friulanae, inde vero ascendit per jam dictam viam ad ipsum casalem de Salvatore et ad ipsum collum Rederiz de Vinea Vetula et pervenit usque in sumitatem ipsius montis qui vocatur Caralio, inde vero vadit per ipsam serram usque in collum de Ermenardo et pervenit ad fontes sive ad collum de Filmera et inde ad collum sancti Genesii, sicque ascendendo et descendendo vadit per sumitatem de ipsa serra quae vocatur Calmi et pervenit subtus ipsum castrum quod vocant Pinna Nigra, usque in ipsas vineas de villa Palatio et inde vadit subtus ipsam silvam quae est in parte meridiana subtus castrum Virdaria atque subtus ipsam rocam quam dicunt Fictorio et ascendit ad vallem de Fulcimania atque pervenit subtus fontes de Devotas in vallem de Fivione, inde vero vadit per ipsas rocas usque in montem quem vocant de Infesta et descendit ad partem occidentis super ipsam viam publicam usque in rocam Ventosam et in locum qui vocatur Collum de valle Budica et ascendit ad ipsam crucem, sicque descendit usque in viam de jam dicta cruce per ipsam vallem usque in rivolum de Budica et inde ascendit usque in collum de Terrario et pervenit in sumitatem montis quem dicunt de Rocha Morena, deinde ad partes circii descendendo et ascendendo pervenit in sumitatem de ipsa wardia Moresca et pergit per sumam serram usque in paradam de Durando et pervenit per jamdictam serram usque in Rederuz sancti Genesii, et inde ascendit in ipsum pogium qui est subtus ipsum Tovasc, inde descendit per ipsam serram ad jam dictam medam quae est intus in mare: infra praedictos terminos sunt constructae ecclesiae et castella, herema seu populosa, ecclesia videlicet sanctae Crucis, ecclesia sancti Baudilii, ecclesia sancti Stephani, ecclesia sancti Fructuosi, ecclesia sancti Vincentii, ecclesia sancti Genesii, ecclesia sancti Petri cum castro Miralias et omnibus ad easdem ecclesias pertinentibus et ipsum castrum nomine Viridaria cum ipso castellare et fictorio, Pinna Nigra cum omnibus rocis, montibus, vallibus, terris, sylvis et villulis, excepta sylva sancti Romani. In ipso vero comitatu Petralatense est stagnum de Castilione cum ipso gradu et medaleixo et omnibus piscationibus suis; in valle Rodas stagnum Sanguinarium; in villa Palatio, in Turricella, in villa Acuti, in Petretello et Stagneolo, cum stagnis, piscationibus et omnibus villarunculis adjacentiis; in villa Pau, villa Judaica, villa Novas, villare Sicco, Castilione, et villa Palatiolo, quae vocatur Fortiano, Furtiano superiore et minore, villa Nova, villa Saccari, Palatiolo, villare Hildesindi cum stagnis et piscationibus, villa Timinii, villa Petralata, villa Cabannas, oleastrum sancti Clementis, villare Tudelini, Spedolia, villare Leudegarii, Cantalupus. In comitatu Impuritano est villa Militiano, quem vocant sancti Petri, villa Armentaria cum quarta parte ecclesiae sancti Martini, villa Moiromi, villa Caniano cum portione ecclesiae vel stagni, villa Siverana cum stagno salso in villa Dalinala; in comitatu Bisuldunense, in villa Lercio, in villa Molinos, in villa Ficarias, in villa Morelli; in comitatu Girundensi mansum infra Gerundam, alodium Palaciolo cum ecclesia sancti Genesii, sancti Juliani, sancti Gaugini et sanctae Mariae, alodium Filgariis cum ecclesia sancti Cypriani, sanctae Justae; in comitatu Barchilonense praedium Tordariae et praedium in Mardeponte, Taliata cum ecclesia sancti Petri; in comitatu Osona, in villa Berga, ecclesia sanctae Ceciliae cum mansos et Nuzmal et Capraria, in Cardona mansum unum, in Cuirrhano ecclesia sanctae Mariae et sancti Petri, in civitate Limignana ecclesia sancti Andreae cum alodibus; in comitatu Cerdaniae alodum in villa Exi et Olcegiae, in valle Confluente praedium Villelae; in comitatu Rossilionense ecclesia sancti Salvatoris cum alodibus, in villa Lupiano in conjuncta alodes cum ecclesia sanctae Columbae, in Pontiliano, in Asmilos, et villa Pollestros cum terminis suis et ecclesia sancti Martini et sancti Genesii, villa Forcas cum ecclesia sancti Michaelis, in Bigaranas alodum cum ecclesia sancti Andreae, in Turrilias alodum cum ecclesia sancti Petri, in valle Asperi alodum quod vocant Rium Noagarium cum ecclesia sancti Michaelis, alodum Campellis, alodum Montis Nigri, qui est in Taoga; in Fenoliatense praedium Pontiliani cum ecclesia sancti Andreae, praedium de Gavaredo cum stagno in curtes; in civitate Narbona mansos duos. Haec et omnia quae universaliter a fidelibus collata vel offerenda praefato coenobio beatissimi Petri, apostolorum principis, constiterint tam in basilicis sacris quam in campis cultis et heremis necnon in castris atque universalibus stagnis ac piscationibus, pratis, vineis, sylvis, et villulis cunctis, sicut superius diximus, confirmamus regali auctoritate, ut habeat deinceps jam dictum monasterium potestatem tenendi, possidendi sine omni contradictione. Et ut firmius maneat inconvulsumque servetur, hoc ei praeceptum fieri jussimus ac manu propria subter firmantes, anulo nostri palatii insigniri praecepimus.
Signum domni Lotharii (monogramma) gloriosissimi regis.
Arnulfus notarius ad vicem domni Adalberonis, Remorum archiepiscopi, relegit.
Actum Borciaco villa, sita in comitatu Arvernensi super fluvium Helerium, anno dominicae incarnationis .DCCCCLXXXII., regnante domno Lothario anno .XXVIIII. Feliciter.