980. — Laon.
Lothaire, à la prière du comte du palais Herbert (le Vieux), transmise par la reine Emma, par Adalberon, évêque de Laon, et par Gibouin, évêque de Châlons, confirme la donation d'un alleu sis en Omois, faite par le comte au monastère de Montier-en-Der.
A. Original perdu.
B. Copie du xiiie siècle, dans le Cartulaire de Montier-en-Der, Archives de la Haute-Marne, vol. 1, fol. 30, sous la rubrique: «Privilegium Lotharii regis de Heriberto comite et Vulceniis».
C. Copie figurée de B exécutée en 1874, Bibliothèque nationale, ms. lat. nouv. acq. 1251, fol. 30.
D. Copie du xviie s., Bibliothèque nationale, Collection Baluze, vol. 39, fol. 156, d'après B.
E. Copie du xviiie s., Bibliothèque nationale, Collection de Champagne, vol. 15, fol. 117 v°, d'après B.
F. Copie du xviiie s., Bibliothèque nationale, Collection de Champagne, vol. 22, fol. 141 v°, d'après B.
G. Copie du xviiie s., Archives de la Haute-Marne, H, fonds de Montier-en-Der, liasse 3, n° 42, d'après B.
a. Camuzat, Promptuarium Tricassinæ diœcesis, fol. 86, fragment d'après B.
b. Mabillon, Annales ordinis S. Benedicti, 1re éd., t. III, p. 721, éd. de Lucques, t. III, p. 668, probablement d'après B.
c. Recueil des historiens de la France, t. IX, p. 641, n° xxxii, d'après b.
d. Lalore, Cartulaires du diocèse de Troyes, t. IV, p. 142, d'après B (éd. partielle).
Indiqué : Mabillon, Annales ordinis S. Benedicti, XLVIII, 94, t. III, p. 659.
Indiqué : Georgisch, Regesta chronologico-diplomatica, t. I, p. 267.
Indiqué : Bréquigny, Table chronologique, t. I, p. 462.
Indiqué : Böhmer, Regesta, t. I, p. 195, n° 2055.
Indiqué : H. d'Arbois de Jubainville, Histoire des ducs et des comtes de Champagne, t. I, p. 156, n. 1.
Indiqué : Roserot, Catalogue des actes royaux conservés dans les Archives de la Haute-Marne, dans le Bibliographe moderne, t. VI, 1902, p. 55, n° 34.
In nomine sanctȩ et individuȩ Trinitatis. Lotharius, divina propitiante clementia Francorum rex. Si justis et rationabilibus servorum Dei petitionibus aurem clementiȩ impendimus, procul dubio exinde ȩternam a Domino mercedem nos recepturos speramus. Quapropter universis sanctȩ Dei ȩcclesiȩ fidelibus tam presentibus quam futuris notum fieri volumus quod, adeuntes regiȩ celsitudinis nostrȩ presentiam, dilectissima scilicet nobis conjunx nostra, regina nomine Emma, simul etiam Adalbero, sanctȩ Laudunensis ecclesiȩ, necnon et Gibuinus, Katalaunensis sedis antistites reverendi, intimaverunt nobis qualiter Heribertus, comes palatii nostri, nobis karus et fidelis in omnibus, ad locum sancti Petri Dervensis cenobii, ubi sanctus martir Bercharius corpore requiescit, humiliter venisset et quoddam sui juris alodium, quod a progenitoribus suis illi contigerat, pro remedio animȩ suȩ ejusdem loci fratribus ad supplementum vini inopiȩ, quo idem fratres maxime indigere videbantur, devote tradidisset, insuper etiam ad notitiam posterorum suȩque traditionis firmitatem cartam exinde et vestituram sub presentia plurimorum secundum morem legalem supradicto loco publice perfecisset. Igitur hujus rei gratia predicti pontifices, interveniente quoque prefata regina, karissima nobis nostra conjuge, petitionem supradicti comitis Heriberti unanimiter nobis inferentes, clementiȩ nostrȩ pariter suggesserunt ut hanc ejus traditionem, quam ipse Deo et sancto Petro ob salutem sui fecerat, nos precepti nostri auctoritate premuniremus. Adjacet vero alodum in pago Otminse, intra fines villȩ quȩ Velcianas dicitur, notis ac legitimis terminis prefixum, supra videlicet et infra illius aquȩ decursum, ubi Vetus Materna nominatur, illi scilicet alodo equa pene portione conjunctum atque conterminum quod in eadem villa predicti monachi ab antiquo possidere videbantur. Nos itaque, cȩlesti beneficio promoti, horum principum nostrorum precibus aurem benigne accomodantes, ut eosdem Dei servos pro salute nostra necnon et dilectȩ conjugis ac prole nostra simulque statu regni nostri copiosius divinam majestatem exorare delectet, decernimus atque constituimus ut supradictum predium ab eodem Heriberto, fideli nostro comite, traditum absque ullius contradictione personȩ legitimo et quieto jure cum vineis, silvis, pratis, aquis aquarumque decursibus, terris cultis et incultis, exitibus et regressibus in perpetuum possideant et quicquid exinde facere voluerint liberam et quietam in omnibus habeant facultatem, ea videlicet lege a nobis interposita ut si quis contradictor existat, hanc multam sustineat ut centum auri libras regio fisco nostro primitus inferat et quod temeraria presumptione conqueritur penitus obtinere non valeat. Ut autem nostrȩ auctoritatis decretum per succedentia tempora contra omnia obstacula inviolabile permaneat, manu nostra <ac fidelium nostrorum, tam episcoporum quam procerum Francorum,> corroborari ac anuli nostri impressione subter jussimus insigniri.
Signum domni Lotharii glo[rio]sissimi regis.
Arnulfus notarius ad vicem Adalberonis, Remorum archiepiscopi, recognovit.
Actum Lauduno Clavato, anno dominicȩ incarnationis .DCCCC.LXXX., regnante domno Lothario anno .XXVII. Feliciter.