982. — Parentignat.

In nomine sanctae et individuae Trinitatis. Lotarius, divina opitulante clementia rex Francorum. Noverit omnium sanctae Dei ecclesiae fidelium ac nostrorum sollertia quod Seniofredus, venerabilis abbas sanctae Mariae Rivipollensis monasterii, una cum caterva ipsius coenobii siti in comitatu Ausona, addiens nostrae serenitatis aulam, humiliter deprecatus est quatinus ob nostrarum animarum seu antecessorum nostrorum remedium res et praedia quae monachi ipsius possidebant loci nostri praecepti munimine corroborarentur. Cui assensum praebentes, more praedecessorum nostrorum regum, omnes proprietates sive possessiones ipsius loci, fines vel limites cum adjacentiis praecipuorum praediorum, quae beata et gloriosa virgo Maria, mater Domini nostri Jesu Xpisti, ex collationibus fidelium in coenobio Rivipollensi retinere videtur, nostro regali confirmamus praecepto. Concedimus itaque praedicto monasterio quod in circuitu ejus habetur: alodem ex latere uno pergentem, qui discurrit per Tamarize et infundit in Tezer; ab alio latere per aquae ductum qui discurrit ultra villam Molas et infundit in Tezer, deinde ascendit per torrentem ultra in Gordanes et ascendit per Fornellos usque in serram super sylvam de Ordina et pervenit in pogium super Vilarcellum, ab ipso Vilarcello pervenit usque in pogium Calvellum, deinde pervenit in ipsa serra super Gausago minore et infundit in rivum sancti Laurentii usque in flumen Freber, deinde ascendit per rivolum qui discurrit a villa Balbos usque in ipsum collum de Balbos et pervenit usque ad villam Tamarice et infundit in Tezer et affrontat in villa Archamala, inde vero in pugium Salomonis usque in villam Molas; in eadem autem valle alios alodes, quae ipsius coenobii in plurimis locis, id est vallis de Tenrarios, villa Animantias, Struola majore, ipsa Agrevolosa et alios per plurima loca. Simili modo constituimus piscationes quoque aquarum Tezer inde a Ripa Mala usque ad ipsa Spata et de Freber de ipsa Corba usque in Tezer. Mercati vero praefati loci teloneum et omnem justitiam ibi peragendam ab integro concedimus. Parrochiam autem de ipsa valle, ecclesiam sancti Petri cum coeteris ecclesiis sibi subditis, sicut Gotmarus episcopus ibidem concessit vel successores ejus Idalcherius et Georgius episcopi, cum decimis et primiciis absque tributo delegamus. Alodem quod dicitur Matamala cum [ecclesia] in honore sanctae Mariae et ecclesiam de pogio Macanoso cum decimis et primiciis concedimus, et habet affrontationes ex latere uno in pogio Transvadoni, pergit per ipsum rivulum usque in rivulum qui pergit per ipsas Locas et injungit in torrentes qui discurrunt de serra Vineolas usque ad ipsum cinctum contra ipsa Tremolosa et pergit per ipsa serra usque ad portellam de Villalonga et descendit in torrente qui descendit de Lobaria et injungit in pogio Transvadoni, et in eadem valle Matamala alodem qui fuit Radolfi episcopi et parrochia de Vineolas cum decimis et primiciis, quod Georgius episcopus concessit ad domum sancti Salvatoris absque tributo, sicut in ipsa dote resonat; et alodem qui Pino dicitur cum terris, vineis, sylvis, ecclesia et decimis et primiciis; alodem qui dicitur Ecclesias Clavatas cum ecclesia sancti Cucuphati, cum decimis et primiciis, cum finibus, terminis suis absque tributo; alodem vero quod dicitur Salsellas cum ecclesia sancti Petri et decimis, primiciis, finibus, terminibus suis absque tributo; in pago Bergitano locum Brositano alodem, sicut in illorum judicio resonat, et parrochia sanctae Mariae cum ecclesiis sibi subditis, id est Palatium Rodgarium et ipsa Pera cum decimis et primiciis absque tributo; ecclesiam sancti Vincentii, quae est in Albiols, cum ipso alode et decimis et primiciis; et in loco qui dicitur Suburbano alodem cum ecclesiis et villa quae dicitur Gargalaz; et in loco qui dicitur Pontus alodem cum ecclesiis quas dedit Guifredus comes sanctae Mariae; in civitate Minorisa alodem, id est casas, terras et vineas; in Monte Serrato alodem cum ecclesiis sancti Petri et sancti Martini et in cacumine montis Serrati ecclesiam sanctae Mariae et sancti Aciscli cum terris et vineis, molendinis, silvis atque garricis et alodem qui dicitur Evolosa cum terris, vineis, molendinis; et in civitate Barchinona casas cum curtibus, ortis, puteis, terris et vineis; in comitatu qui dicitur Vales casas cum curtes, ortos, terras et vineas; in comitatu Ausona alodem Palatium et alodium quod dicitur Galamerios et alodem Felgarolas et alodem quod dicitur Oligo et Danielis villarem, alodem Similiane et alodem Eldelzello, Rocha Felicis, alodem Planedas; et in eodem comitatu Ausona alios alodios in multis locis, id est ipsa Devesa, et in Uristizano casas, terras vineasque plurimas; in comitatu Cerdaniense valle Lilitense, villa Araionedo, ecclesia cum decimis et primiciis, alodem quod dicitur Liledo et Genebredo, pogium et Meranegas et Marola, in loco qui dicitur Garexer ipsos alodes cum ecclesia, decimis et primiciis, de ipso portu usque Regulelo cum terras, cum vineis, pratis, pascuis et sylvis, ecclesia quae est in Scarit cum decimis et primiciis; in Ceritania alodem qui dicitur Luc cum ecclesia, decimis et primiciis et alodem quod dicitur Anguine cum decimis et primiciis de Moleol et alodem Bor; et in eadem Ceritania, in plurimis locis, casas, curtes, casalibus cum vineis, terris; et in comitatu Urgellitanensi alodem qui dicitur Exeduci et in multis locis, in eodem comitatu, terras et vineas; in valle Confluenti alodem qui dicitur Evol et in eadem valle, in multis locis, vineas; in locum qui dicitur Bula terras et vineas et in valle Petrariensi alodem qui dicitur Planezas cum ecclesiis, decimis et primiciis; in Ventolano casas et terras, vineas et in Campa Manconos casas, terras et vineas et in Ribas casas, terras et vineas et in Mazana casas, terras et vineas, et in eadem valle, in aliis locis, casas, terras et vineas; in comitatu Bisuldunensi alodem qui dicitur Pogium Malum et alodem qui dicitur Transvolos et Insula Rotunda et Beguzano et alodem qui dicitur Jovo et Argelagarios et in valle Alta et in Juviniaco cum casis, vineis et terris; in locum qui dicitur Judicas casas, terras, vineas et Veinedas cum casis, terris; in comitatu Gerundense alodem qui dicitur Pera cum casis, terris et vineis et ecclesia sancti Ysidori, qui ibidem est, cum decimis et primiciis; in valle Mala casas, terras, vineas; in valle quae vocatur Bosso locum quae dicitur Ingelatus, casas, terras, vineas et silvas, et alodium quod dicitur Pineda, alodem qui fuit Olibani presbiteri; in comitatu Ceritanensi ipsum alodem qui fuit Guadaldi vicecomitis cum ecclesiis superpositis, quae ibidem sunt superpositae; in locum quem vocant in Valle Vetere ecclesia sancti Martini et sancti Saturnini cum finibus et terminis suis, decimis et primiciis; in pago Bergitano alodem quod dicitur Benevivere et Merles, Nabares et Serra; in Cardona alodem, casas, terras et vineas; in comitatu Barchinonensi alodem quod fuit Egofredi, qui vocatur Kama, cum ecclesia sancti Petri cum finibus et terminis suis; in comitatu Confluente ecclesia sancti Clementis cum alodibus suis et finibus ac terminis; in valle Asperi villam quam dicunt Hermos cum finibus et terminis suis ac silvis; in Roveroso casas cum terris et vineis et ermis. Haec omnia, quae universaliter a fidelibus collata vel offerenda praefato coenobio sanctae Mariae constiterint tam in basilicis sacris quam in campis cultis vel hermis necnon in castris atque universalibus stagnis et piscationibus, pratis, silvis, vineis et villis cunctis, sicut superius diximus, confirmamus regali auctoritate, ut habeat deinceps jam dictum monasterium potestatem tenendi, possidendi sine omni contradictione. Et ut firmius maneat per temporum curricula inconvulsumque servetur, hoc ei praeceptum fieri jussimus ac, manu propria subter firmantes, anulo nostri palatii insigniri praecepimus.

Signum domni Lotarii gloriosissimi (monogramma) regis.

Arnulfus notarius ad vicem domni Adalberonis, Remorum archiepiscopi, relegi.

Actum est apud Parintaniachum villam, sitam in comitatu Arvernensis subtus castrum Uzo, anno dominicae incarnationis .DCCCCLXXXII., regnante domno Lotario anno .XXVIIII.. Feliciter.