977. — Laon.
Lothaire, à la prière de la reine Emma et de Dudon, son fidèle, fait restituer aux chanoines de Saint-Amand de Marœuil les biens dont la violence des laïques et la cupidité de l'évêque de Cambrai Teudon les avait dépouillés.
A. Original perdu.
B. Copie du xve s., dans le Cartulaire de l'abbaye de Marœuil, fol. 3 v°, sous le titre: «Privilegium Lotharii regis Francorum», Archives départementales du Pas-de-Calais.
C. Copie du xviie s., par Dom Le Pez, Bibliothèque d'Arras, ms. 672, fol. 38 v°, d'après B.
D. Copie du xviiie s., Bibliothèque nationale, Collection de Picardie, vol. 251, fol. 68, d'après une des éditions indiquées ci-dessous.
a. Miraeus, Diplomata belgica, p. 45, d'après B.
b. Miraeus, Notitia ecclesiarum Belgii, p. 124, d'après B.
c. Miraeus, Opera diplomatica, éd. Foppens, t. I, p. 144, d'après a.
d. Ferreolus Locrius, Chronicon (Arras, 1613, in-4°), p. 166, d'après B.
e. Gallia christiana, t. III, instrumenta, col. 87, d'après a.
f. Recueil des historiens de la France, t. IX, p. 641, n° xxxi, d'après a.
g. Ghesquière, Acta sanctorum Belgii selecta, t. V, p. 248, d'après B.
Indiqué : Georgisch, Regesta chronologico-diplomatica, t. I, p. 144.
Indiqué : Ghesquière, Acta sanctorum Belgii selecta, t. V, p. 234, n° 2, et p. 237, n° 11.
Indiqué : Bréquigny, Table chronologique, t. I, p. 456.
Indiqué : Böhmer, Regesta, t. I, p. 194, n° 2054.
Indiqué : Wauters, Table chronologique, t. I, p. 397.
In nomine sancte et individue Trinitatis. Divina preordinante gracia, Francorum rex Lotharius. Si in divinis cultibus ecclesiam Dei ad summum sancte religionis statum sustollere conamur, ab ipso omnium bonorum remuneratore confidimus fore nobis compensandum. Igitur notum esse voluimus omnibus sancte Dei ecclesie fidelibus, presentibus scilicet et futuris, quoniam nostre dignitatis presenciam dilecta conjunx nostra Emma adiens nobis retulit dolendo quoddam cenobium a venerabili Fulberto presule sub regulari canonicorum norma nobiliter secus Attrebatum super Satis fluenta olim constructum fuisse, quod est situm in villa que dicitur Mareolum, nunc vero penitus destructum per violenciam secularium et nimiam cupiditatem Teudonis episcopi, remotis inde omnibus que predictus Fulbertus ejusque successores tradiderunt cenobio sancti Amandi et sancte Bertilie ad opus fratrum ob remedium animarum suarum nostrorumque antecessorum. Quocirca prelibata conjunx nostram reverenter expeciit munificenciam ut concessas res precepti nostri munimine jam dicto monasterio corroborare dignaremur. Nos vero, interventu dilecte conjugis nostre Emme fidelisque Dudonis, ob spem divine remuneracionis, pro statu et incolumitate regni nostri, pie peticioni assensum prebuimus et jam dictas res canonicis prelibati monasterii reddi precipimus, scilicet mansum indominicatum, quod Fulbertus episcopus dedit eis in ipsa villa Mareolo usque in fluvium Satis, in ipsa villa molendinum cum area in qua extat a Berengario presule, mansum unum situm coram manso ecclesiastico et decimas quatuor molendinorum, quas presul Ingramus eis contulit; simili modo, mansa duo in jam dicta villa et sedes duas cum terra arabili ac bonaria viginti quatuor ad opus fratrum ipsius loci; medietatem eciam camine datam ab Audremaro, preposito ipsius loci, ut habeant firmiter et perpetuo, nemine inquietante, possideant, ea scilicet racione ut cunctis diebus vite eorum pro nobis ac tocius regni statu militare jugiter satagant. Et ut hec nostre corroboracionis concessio plenissimum obtineat stabilitatis vigorem, manu propria subterfirmavimus et anuli nostri impressione assignari jussimus.
Datum Lauduni Clavati, anno domini[ce] incarnacionis .D.CCCC.LXXVII.