972, 31 janvier-977, 16 janvier.
Lothaire, à la prière de Womar, abbé du monastère de Saint-Pierre-au-Mont-Blandin, étend au fisc de Harnes et à ses dépendances l'immunité qu'il a déjà accordée aux autres biens dudit monastère.
A. Original perdu.
B. Copie du xviie s., par Augustin van Meulen, prévôt de l'abbaye de Saint-Pierre, authentiquée le 24 novembre 1678, Archives de l'État, à Gand, fonds de Saint-Pierre, carton 1, n° 25, d'après A.
C. Copie du xviie s., Archives de l'État, à Gand, ibid., d'après le «Primus liber privilegiorum» (cartulaire du xve s., aujourd'hui perdu), fol. 128.
D. Extrait du xviiie s., Bibliothèque nationale, Collection Moreau, vol. 10, fol. 126, d'après A.
a. Van Lokeren, Chartes et documents de l'abbaye de Saint-Pierre-au-Mont-Blandin à Gand, t. I, p. 30, n° 25, d'après B.
In nomine sanctae et individuȩ Trinitatis. Lotharius, gratia Dei rex. Cum magno munere misericordiae Christi ecclesiae multiplicentur gaudia, dignum profecto constat ut sollicitudine regalis clementiae, spiritu Dei incitante, ne quid in rebus ipsius ecclesiae impacatum maneat, regia etiam semper auctoritate roboretur. Noverit igitur omnium fidelium nostrorum tam presentium quam et futurorum industria quod venerabilis abbas Womarus Blandiniensis monasterii nostram adierit prȩsentiam, suppliciter postulans ut more antecessorum nostro rum, regum scilicet, rebus vel proprietatibus monasterii sui infra regni nostri terminos constitutis emunitatis vel defensionis nostrae bravium concederemus. Quod quidem de cȩteris jam dudum nos constat fecisse; sed et nunc quoque idem agere libuit de quadam possessione juris ipsius monasterii, hoc est de fisco Harnas dicto, sito in pago Scarbiu, cum omnibus ad se pertinentibus, id est Aldnais cum ecclesia et omni integritate; similiter Loyson cum ecclesia et omni integritate; ecclesia quoque in Wendinio cum terra ad supradictum fiscum respiciente et quidquid pars fisci sperare videtur in circumjacentibus villulis, scilicet in Novavilla, in Heninio, in Genella, in Lens, in Huvil, in Florinio, in Lorgias. Petitioni igitur prȩfati venerabilis abbatis, interventu dilectae conjugis nostrae Hemmae, libenter acquievimus et hoc nostrae auctoritatis praeceptum de praedictis rebus recens sibi traditis fieri jussimus, per quod praecipimus atque jubemus ut nullus fidelium nostrorum vel quilibet ex judiciaria potestate in ecclesias aut loca vel agros seu reliquas possessiones memorati loci, quas moderno tempore infra ditionem imperii nostri juste et rationabiliter possidet, vel ea quae deinceps a catholicis viris eidem collatae fuerint monasterio, ad causas audiendas, aut freda vel tributa exigenda, aut mansiones vel paratas faciendas, aut fidejussores tollendos, aut homines ejusdem loci, tam ingenuos quam servos, super terram ipsius commanentes aliquatenus distringendos, nec ullas redibitiones aut illicitas occasiones requirendas nostris et futuris temporibus ingredi audeat vel ea quae supra memorata sunt penitus exigere presumat, sed liceat memorato abbati suisque successoribus res praedictas sub immunitatis nostrae defensione quieto ordine possidere in alimoniam pauperum et stipendia servorum in jam dicto monasterio Blandinio Deo famulantium perhenniter proficiat in augmentis, quatenus ipsos servos Dei, qui ibidem sub beati Benedicti patris regula famulantur, indigentiae necessitate erutos, profusius ac liberius pro nostra fideliumque nostrorum salute ac totius regni nostri stabilitate Dominum exorare delectet. Et ut firmius maneat inconvulsumque servetur, hoc ei prȩceptum fieri jussimus et anulo nostri palatii subter firmantes jussimus insigniri.
Signum domni Lotharii (monogramma) gloriosissimi regis.
Adelbero cancellarius ad vicem domni Adelberonis, archiepiscopi summique cancellarii, recognovit et subscripsit.
(Locus sigilli.)