964, 22 février. — Laon.
Lothaire, à la prière de Womar, abbé du monastère de Saint-Pierre-au-Mont-Blandin, étend au village de Destelbergen l'immunité accordée antérieurement aux autres possessions dudit monastère.
A. Original perdu.
B. Copie authentique du 28 novembre 1678, Archives de l'État, à Gand, fonds de Saint-Pierre, carton 1, n° 34, d'après un cartulaire en parchemin de l'an 1460 (Primus liber privilegiorum) composé sur l'ordre de Philippe Conrault.
C. Copie fragmentaire du xviie s., Archives de l'État, à Gand, fonds de Saint-Pierre, carton 1, n° 34, probablement d'après la même source que B.
D. Copie du xviiie s., ibid., d'après a.
a. André Du Chesne, Histoire généalogique des maisons de Guines, d'Ardres, de Gand et de Coucy, Preuves, p. 45, d'après un cartulaire (probablement le Primus liber privilegiorum).
b. Miraeus, Opera diplomatica, éd. Foppens, t. II, p. 940, d'après un cartulaire.
c. Recueil des historiens de la France, t. IX, p. 628, n° xvii, d'après a.
d. Van Lokeren, Chartes et documents de l'abbaye de Saint-Pierre-au-Mont-Blandin à Gand, t. I, p. 36, n° 34, d'après B (avec quelques corrections, probablement d'après a).
Indiqué : Bréquigny, Table chronologique, t. I, p. 436.
Indiqué : Böhmer, Regesta, t. I, p. 193, n° 2041.
Indiqué : Wauters, Table chronologique, t. I, p. 370.
In nomine sanctae et individuae Trinitatis. Lotharius, superna disponente providentia rex. Cum magno munere misericordiae Christi ecclesiae multiplicentur gaudia, dignum constat ut sollicitudine regiae clementiae, spiritu Dei incitante, ne quid in rebus ipsius ecclesiae impacatum maneat, nova semper auctoritate roboretur. Idcirco notum esse volumus omnium fidelium nostrorum tam praesentium quam futurorum industriae qualiter venerabilis abbas Womarus Blandiniensis coenobii nostram adiit serenitatem, rogans ut more antecessorum nostrorum, regum scilicet, rebus vel proprietatibus monasterii sui infra regni nostri terminos constitutis emunitatis vel defensionis nostrae bravium concederemus. Quod quidem jam dudum nos constat fecisse; sed quia postea quaedam pia fidelium largitione aucta videntur, jam nobilissimus comes Wicmannus, instinctu amoris Dei et ob remedium animae suae conjugisque ipsius, filiae scilicet Arnulfi marchisi, ibidem sepultae, illic perpetim contulit possidendam sui juris villam Thesla vocatam cum ecclesia et omni integritate cunctisque ad eam pertinentibus, eadem sub perpetua emunitatis nostrae tuitione esse volumus, ita ut nullus noster comes aut judex aut vicarius aut publicus fisci exactor vel advocatus vel alius aliquis praenominatas res ingredi audeat ad fredas exigendas vel paratas faciendas vel hominibus in praescripto loco habitantibus districtionem ingrediendi vel aliud quid potestatis exercendi licentiam aut potestatem habeat, nisi abbas et advocatus quem ipse sibi utilem et necessarium prospexit. Omnium quoque exactiones teloneorum per diversa municipia, oppida seu castella vel loca quaelibet regni nostri ex hominibus juris praedicti monasterii penitus indultas et remissas esse volumus atque sancimus. Quam videlicet immunitatis remissionem ut noverit omnium fidelium nostrorum praesentium ac futurorum universitas a nobis plenissime stabilitam, super ea hoc nostrae majestatis praeceptum fieri jussimus manuque propria eam subterfirmavimus et anuli nostri impressione signari jussimus.
Signum domni Lotharii gloriosissimi regis.
Gezo cancellarius ad vicem domni Adelrici, archiepiscopi summique cancellarii, recognovit et subscripsit.
Datum .VIII. kalendas martii, regnante domino Lothario anno .X., indictione .VI. Actum Lucdunii.