974. — Compiègne.
Lothaire, à la prière du duc Hugue (Capet), confirme la donation faite par ce dernier aux moines de Saint-Riquier des «villæ» de Bourecq et Rollencourt en Ternois.
A. Original perdu.
B. Copie du xviie s., par André Du Chesne, Bibliothèque nationale, ms. lat. 12893, fol. 208, d'après le manuscrit autographe d'Hariulf, Chronicon Centulense, livre III, chap. 6.
C. Copie du xviie s., Bibliothèque d'Amiens, ms. 531, fol. 54, d'après B.
a. D'Achery, Spicilegium, 2e éd. (in-fol.), t. II, p. 314, d'après le ms. autographe d'Hariulf.
b. Recueil des historiens de la France, t. IX, p. 638, n° xxvii, «ex schedis Mabillonii» (peut-être identiques à la copie d'Hariulf qui a servi à l'édition a).
c. Migne, Patrologiae [latinae]… cursus, t. CLXXIV, col. 1266, d'après a.
d. F. Lot, Hariulf, Chronique de l'abbaye de Saint-Riquier (Coll. de textes pour servir à l'étude et à l'enseignement de l'histoire), p. 104, d'après Ca.
Indiqué : Mabillon, Annales ordinis S. Benedicti, XLVIII, 16, t. III, p. 632.
Indiqué : Bréquigny, Table chronologique, t. I, p. 453.
Indiqué : Böhmer, Regesta, t. I, p. 194, n° 2050.
Indiqué : Wauters, Table chronologique, t. I, p. 392.
In nomine sanctae et individuae Trinitatis. Hlotharius, divina providente clementia Francorum rex. Si servorum Dei justis et rationabilibus petitionibus benignitatis nostrae assensum praebemus, regiae celsitudinis opera frequentamus ac per hoc facilius nos aeternae beatitudinis gloriam adepturos liquido credimus. Quocirca noverit omnium sanctae Dei ecclesiae fidelium atque nostrorum tam praesentium quam futurorum sollertia quia dux Hugo nobis per omnia fidelis una cum monachis ex Centulo monasterio, praeclarissimi scilicet confessoris Christi Richarii, culminis nostri adeuntes serenitatem, expetierunt quatinus villas quasdam ex eadem sancti Richarii abbatia, quas ipse dux Hugo stipendiis et usibus monachorum pro remedio suae animae addiderat, ut nullius aliquando abbatis vel cujuscumque personae minoratione illis subtrahantur, imperiali praeceptione pleniter firmaremus. Quorum denique preces ob amorem Dei et jam dicti militis ejus sancti Richarii necnon et ob dilectionem carissimi consanguinei nostri Hugonis ducis clementer audivimus et ita illis in omnibus concessisse notum esse volumus; quin etiam reverentiae nostrae scriptum hoc speciali conditione fieri jussimus, per quod memoratas villas in pago Targonensi sitas, hoc est Botritium cum omni integritate sua, Rolleni etiam curtem, in jam dicto pago, cum omnibus appendiciis suis vel quicquid ad supradicta loca juste et legaliter aspicere videtur, sicut a jam dicto duce et ejusdem loci abbate statutum est, usibus et stipendiis monachorum in praefato loco Christo famulantium concedimus atque firmamus, videlicet ut nulli unquam liceat ab eorum dominio ex eisdem villis aliquid abstrahere aut minuere aut in alios usus convertere nec paratas aut lidimonium aut hostilicium aut alias quaslibet redibitiones aliquis ullo modo praesumat exigere, sed, sicut dictum est, eo modo atque tenore quo a nobis atque a praedicto duce statutum est, ita nostris et futuris temporibus secure illas teneant et quiete possideant, quatinus eosdem servos Dei, in praefato monasterio Domino militantes, pro salute genitoris nostri ac felicitate nostra, conjugis proleque seu stabilitate regni nostri incessanter piissimi judicis misericordiam implorare delectet. Et ut haec auctoritas per futura tempora inviolabilem atque inconvulsam obtineat firmitatem, manu propria subter firmavimus et anuli nostri impressione assignari jussimus.
Actum Compendio, palatio regis, anno dominicae incarnationis .……, indictione .…, regnante gloriosissimo rege Hlothario anno .XXI.
Signum domni Hlotharii gloriosissimi regis.
Ego Adalbero, regius notarius, ad vicem domni Adalberonis, Remorum archiepiscopi et summi cancellarii, recognovi.