974. — Compiègne.
Lothaire, à la prière de Henri, duc de Bourgogne, confirme au monastère de Sainte-Colombe de Sens la pêcherie sur l'Yonne que lui avait accordée l'empereur Louis le (Pieux) par un diplôme, qu'un incendie de ce monastère avait détruit.
A. Original perdu.
B. Copie du xviie s., dans Dom Victor Cotron, Chronicon S. Columbae Senonensis, Bibliothèque d'Auxerre, ms. 217 (ancien 184), p. 159, «ex transsumpto anni 1382».
C. Copie du xviiie s., Bibliothèque nationale, Collection de Champagne, vol. 43, fol. 42, probablement d'après la même source que B.
D. Copie du xviiie s., collationnée par Porlier, conseiller-maître à la Chambre des comptes de Paris, Archives nationales, K 190, n° 123, d'après une copie authentique du 12 septembre 1369 donnée sous le sceau de l'officialité de Sens.
a. Recueil des historiens de la France, t. IX, p. 637, n° xxvi, d'après la même source que D.
b. Max. Quantin, Cartulaire général de l'Yonne, t. I, p. 145, n° 75, d'après B.
Indiqué : Mabillon, Annales ordinis S. Benedicti, XLVIII, 17, t. III, p. 632.
Indiqué : Bréquigny, Table chronologique, t. I, p. 454.
Indiqué : Böhmer, Regesta, t. I, p. 194, n° 2049.
In nomine sanctae et individuae Trinitatis. Lotharius, divina propitiante clementia Francorum rex. Si petitionibus servorum Dei justis et rationabilibus divini cultus amore favemus, dignae retributionis praemio nos a Domino remunerari fideliter credimus. Idcirco noverit omnium fidelium nostrorum tam praesentium quam futurorum solertia quia venerabilis dux Burgundiae Henricus, nostram adiens praesentiam, detulit auribus nostris quia monachi de monasterio sanctae Columbae virginis et martiris Christi, in quo ipsius et sancti Lupi confessoris Christi corpora humata venerantur, praeceptum domini Ludovici bonae memoriae piissimi augusti habuissent de foresta regia quae est in Igauna flumine non longe ab Senonensi urbe; sed idem monasterium ignis vallavit incendium et eandem auctoritatem cum aliis multis ornamentis ecclesiae amiserunt. Ob firmitatem tamen rei postulavit nos praedictus dux Henricus ut paternam auctoritatem propter reverentiam memoratorum sanctorum et aeternae retributionis fructum concederemus. Cujus petitioni libenter annuentes, concedimus eidem monasterio ipsam forestam, videlicet a loco qui vocatur Capetas usque ad Duliacum villam, sicut in auctoritate domini piissimi Ludovici augusti continebatur. Praecipientes quoque jubemus ut nullus judex publicus vel alia cujuslibet potestatis praedicta persona monachos in ipso monasterio degentes de jamdicta foresta inquietare audeat, vel ullum quodlibet instrumentum ad pisces capiendos in ea quilibet hominum construere audeat; sed cujuscumque hominum sint littora, praefato monasterio aquam cum omni piscatione et omni justitia sub immunitatis nostrae deffensione quieto ordine pro aeterna remuneratione possidere concedimus, quatenus ipsos monachos, qui ibidem Deo famulantur, pro nobis et conjuge proleque nostra atque stabilitate totius imperii nostri a Deo nobis concessi ejusque clementissima miseratione per immensum conservandi jugiter Domini misericordiam exorare delectet. Hanc itaque auctoritatem, ut pleniorem in Dei nomine obtineat vigorem et a fidelibus sanctae Dei ecclesiae et nostris diligentius conservetur, manu propria subterfirmavimus et anuli nostri impressione signari jussimus.
Actum Compendio, palatio regio, anno dominicae incarnationis nungentesimo septuagesimo quarto, regnante domino Lothario gloriosissimo rege anno vicesimo primo.
Signum domni Lotharii gloriosissimi regis.
Ego Adalbero, regius notarius, ad vicem domini Adalberonis, Remorum archiepiscopi et summi cancellarii, recognovi.