881, début de juin, avant le 13.
Louis III insiste auprès d'Hincmar pour qu'il procède à l'« ordinatio » d'Oacre en qualité d'évêque de Beauvais et le menace, en cas de refus, d'exercer des représailles.
Lettre perdue, mentionnée dans la lettre d'Hincmar citée à propos du n° 46 (voir plus haut, p. 116).
Texte de la lettre d'Hincmar (op. cit., col. 117-120) :
Ex litteris sigillo vestro subter signatis, quas mihi Warinus clericus idibus praesentis junii mensis ex vestra parte donavit, non statui ad singula vobis rescribere, quoniam de praecedentibus mandatis et litteris vestris jam sufficienter vobis rescripsi. Verumtamen... rescribere vobis ad quaedam loca, Domino adjuvante, curabo...
[V] In eo quod in primordiis litterarum quas post praemissas praedictus clericus mihi dedit scriptum habetur : si vobis in ordinatione Odacri non consensero, pro certo scietis non me velle vestrum benigne tractare honorem, nec decus debitum et privilegia praedecessorum vestrorum vobis consentire velle, sed in omnibus vestrae reniti voluntati, scriptor vester et sensu et litteratura mentitus est...
[VII] De eo quod ibidem subsequitur, qualiter contra similem vestrum honorem vestrum evindicaretis pro viribus, quanto magis oportet eum contemnere, me videlicet, qui vestrae ditioni commissus vestrum abjicere satago ne pollens praevaleat honorem, qui vobis hoc scribere mihi qualicumque ministro Christi persuasit, non bene Dominum neque Scripturas ejus cognovit...
[VIII] De eo quod ibidem subsequitur, ex hoc facto, id est quia Odacro ecclesiam Belvacensem pastore vacantem commisistis, facientes contra regulas ecclesiasticas contraque antiquorum et christianorum regum leges..., nihil amplius facietis praeter quod factum habetis, donec fratri vestro et consanguineis vestris regibus illud mandetis et eorum jussionibus vel imperio ac vestro omnes convocentur archiepiscopi et episcopi ex eorum regnis et vestro, et sic ex hoc auctoritativa diffiniatur ratio, vestri honoris dignitate plena, vos videte ne pro hoc illicito facto canonicas sustineatis sententias vel in hoc saeculo, vel in futuro...
[IX] Quod mandastis, quia nihil aliud ex illo illico facietis nisi quod factum habetis, si vos non facietis, faciet Dominus quando illi placuerit...
[X] De eo quod ibidem subsequitur : « Insuper aliud exinde si necessitas fuerit quod rectum est faciemus », ut intelligo, ad timorem mihi incutiendum, quatenus jussioni vestrae licet invitus obediam scribere voluistis. Unde respondeo...