936, 25 juillet. — Auxerre.
Louis IV, à la requête de Hugues, duc de France, et de Bernard, comte de Beauvais, accorde à Romond, évêque d'Autun, une «pancarte» confirmative de tous les titres de propriété, perdus ou brûlés, de l'église cathédrale Saint-Nazaire et lui renouvelle le privilège d'immunité.
A. Original. Parchemin mutilé du bas, sur les côtés, et à la place du sceau. Hauteur, 640 à 660 mm.; largeur, 475 mm.. Archives départementales de Saône-et-Loire, G non coté (fonds du chapitre d'Autun).
B. Copie du xviie s., par Baluze, Bibliothèque nationale, Collection Baluze, vol. 71, fol. 49 v°, «ex veteri chartulario ecclesiæ Augustodunensis».
C. Copie du xviiie s., par Dom Grenier, Bibliothèque nationale, Collection de Picardie, vol. 111, fol. 1, d'après un manuscrit de l'abbé Danse, collationné avec A.
D. Copie du xviiie s., par Dom G. Aubrée, Bibliothèque nationale, Collection de Bourgogne, vol. 111, fol. 15, d'après A.
E. Copie du même, ibid., vol. 108, fol. 5, d'après A.
a. Recueil des historiens de la France, t. IX, p. 584, n° 1, d'après le même cartulaire que D.
b. [Devoucoux], Charte de Louis d'Outre-Mer, dans Société Éduenne, Compte rendu de ses travaux, t. I (1839), p. 64, d'après A.
c. A. de Charmasse, Cartulaire de l'église d'Autun (Documents inédits pour servir à l'histoire de l'Autunois), t. I, p. 16, d'après A.
d. Léonce Lex, Archives de Saône-et-Loire, Documents originaux antérieurs à l'an mille, p. 21, n° xv, d'après A.
Indiqué : Bréquigny, Table chronologique, t. I, p. 399.
Indiqué : Böhmer, Regesta, n° 1997.
Indiqué : Lippert, Geschichte des westfränkischen Reichs unter König Rudolf, p. 117, n° 24.
In nomine sanctae et individuae Trinitatis. Hludowicus gratia Dei Francorum rex. [2] Si justis ac rationabilibus servorum Dei maximeque reverendorum pontificum petitionibus, quas pro sibi commissarum necessitudine Dei ecclesiarum nostris auribus intimaverint, [3] assensum necessarium prebemus, regiȩ celsitudinis operibus insistimus ac per hoc facilius nos adepturos divinam propitiationem non dubitamus. Itaque notum sit [4] omnibus fidelibus sanctae Dei ecclesiȩ et nostris, prȩsentibus scilicet atque futuris, quia satis dilectus et karissimus noster Hugo eximius duxque Francorum egregius, necnon [5] Bernardus, Belvacensium comes, ad nostram se conferentes sublimitatem, deprecati sunt satis humiliter quatenus dilecto nobis Rotmundo, Eduensis ecclesiȩ recolendo [6] antestiti, prȩceptum nostrȩ auctoritatis de universis rebus suȩ sanctȩ matris ecclesiȩ, quȩ est sub honore alme Dei genetricis Mariȩ necne martiris Xpisti Nazarii dedicata, concederemus, [7] videlicet ut, quoniam aliqua interveniente necglegentia, quod eventu fieri solet, res vel kartarum testamenta ejusdem ecclesiȩ sunt incensae vel pessumdate, hoc praecepto auctoritatis [8] nostrȩ ipsarum rerum necessitas sive defectus more predecessorum nostrorum relevetur ac reformetur, acsi pre manibus universa earundem rerum sive kartarum strumenta [9] habeantur; simul etiam inmunitatis nostrȩ auctoritatem in eodem asscribi humiliter postulavere precepto. Quorum, inquam, justas ac racionabiles preces exaudientes, [10] hoc celsitudinis nostrȩ prȩceptum, quod pantokarta nuncupatur, fieri jam prelibato episcopo darique jussimus, per quod statuentes sancimus atque decernimus ut jamdicta ecclesia [11] sancti Nazarii martiris ubicumque, tam in malis puplicis quam etiam coram nostra presentia et in conspectu omnium fidelium nostrorum, talem tantumque obtineat vigorem, [12] nemine injuste resultante aut contradicente, acsi pre manibus habeantur universa strumenta, videlicet de monasteriis eidem ecclesiȩ subjectis vel de villis noviter inde abstractis, [13] quas predecessores nostri, Rodulfus videlicet et ceteri reddiderunt, hoc est Tortoriam, et Suliacum, et Lasiacum quam sanctus Siagrius eidem ecclesiȩ contulit, Saviniacum, Commisiacum, [14] Cociacum, Luziacum, Tiliniacum et abbatiolam sancti Pancratii, et silvas de Montibus, cum omnibus sibi legaliter pertinentibus, sive cum aliis villis et ecclȩsiis de quibus nunc justam [15] et racionabilem atque legalem vestituram habere videtur. De quibus omnebus precipientes, jubemus ut inmunitatis privilegio honoratȩ atque subnixȩ simul cum matre sua, [16] Eduensium videlicet ecclesia, habeantur sicut reliqua episcopia et casȩ Dei per regnum nostrum, largitate et concessione predecessorum nostrorum regum et inperatorum ac nostra [17] haberi noscuntur et perpetua delegationis, donationis vel restitutionis stabilitate in regio mundeburde atque inmunitatis defensione, in sepedicta sancta matre Eduensi [18] ecclesia per tempora futura permaneant, tam quȩ nunc, ut diximus, legittima vestitura ab eadem continentur quam et ea quȩ deinceps a colibet ibidem fuerint delegata. [19] Et ut hoc auctoritatis nostrȩ munificentia per ventura tempora pleniorem in Dei nomine obtineat vigorem, eam ma[n]u nostra subter firmavimus et anuli impressione [nostri] [20] sigillari decrevimus.
[21] Signum Hludowici (Monogramma) gloriosisimi regis.
[22] Odilo notarius ad vicem Anseisi, episcopi summique cancellarii, recognovit (Signum recognitionis). [23] [Actum Auti]ssiodero, .V[III. ka]l. augusti, anno .D CCCC XXXVI., indictione autem .VIIII., anno primo regnante domno Hludowico gloriosisimo rege.