937, 21 août. — Saint-Omer.
Louis IV, à la requête de son «fidèle» Roger, concède au monastère de Saint-Amand divers biens situés dans la «cella Gonsiniacas», l'église Saint-Denis qui s'y trouve, avec ses dépendances, et la forêt appelée «Blangiacas». Il accorde en outre aux moines confirmation de l'immunité, avec des garanties contre les prétentions possibles de leur propre abbé.
A. Original perdu.
B. Copie du xive s., dans le Cartulaire de Saint-Amand, Archives départementales du Nord, série H (fonds de l'abbaye de Saint-Amand), t. I, pièce 143, sous la rubrique: «Privilegium Ludovici regis Franchorum».
C. Copie du 4 septembre 1772, par Dom Queinsert, Bibliothèque nationale, Collection Moreau, vol. 6, fol. 57, d'après une copie ancienne.
D. Copie de l'an 1873, par Ulysse Robert, Bibliothèque nationale, ms. lat. nouv. acq. 1219, p. 155, d'après B.
a. Martène, Amplissima collectio, t. I, col. 284, d'après une copie ancienne.
b. Recueil des historiens de la France, t. IX, p. 587, d'après a.
Indiqué : Mention du xviiie s., Bibliothèque nationale, Collection de Picardie, vol. 249, fol. 153, d'après un vidimus de Philippe IV (avril 1301-1302).
Indiqué : Georgisch, Regesta, t. I, p. 209.
Indiqué : Bréquigny, Table chronologique, t. I, p. 401.
Indiqué : Böhmer, Regesta, n° 2000.
Indiqué : Finot, Liste des diplômes des rois carolingiens et des premiers rois capétiens conservés dans les Archives du Nord, dans Bulletin de la Commission historique du département du Nord, t. XXVI (1904), p. 151, et tirage à part, p. 17.
In nomine sancte et individue Trinitatis. Ludowicus divina propitiante clementia Francorum rex. Quicquid pro Dei amore sanctorumque reverentia agimus, profuturum nobis ad presentis vite curricula felicius transigenda et ad future beatitudinis premia facilius obtinenda non dubitamus. Comperiat igitur omnium fidelium sancte Dei Ecclesie nostrorumque, presentium ac futurorum, sollertia quia fidelis noster, Rogerus, ad nostram accedens clementiam, postulavit ut quasdam res sue abbatie sancti Amandi egregii confessoris Xpisti in comitatu Pabulo, in cella que antiquitus Gonsiniacas est dicta, et habetur ibi ecclesia in onore sancti Dionisii constructa, terramque infra septa ejusdem loci circumjacentem, simul cum pratis ibidem juste pertinentibus, silvam etiam que Blangiacas nominatur ad eumdem locum pertinentem, monachis in predicto monasterio beati Amandi Deo militantibus perpetim habendas et ecclesiastico jure possidendas largiremur et largiendo nostre auctoritatis precepto confirmaremus. Cujus salutiferis animeque nostre proficuis postulationibus, ob Dei sanctique Amandi egregii confessoris amorem et honorem, assensum prebentes, hoc altitudinis nostre preceptum fieri illisque dari jussimus, per quod prefatas res cum domibus, edificiis, curtiferis, viridiariis, ortis, terris cultis et incultis, silvis, pratis, pascuis, aquis aquarumve decursibus, exitibus et reditibus, atque omnibus illic conjacentibus et ad eundem locum juste pertinentibus, eisdem monachis perpetim pleniterque habendas largimur largientesque confirmamus, et, sicut predecessores nostri imperatores atque reges eis de ceteris rebus fecerunt, ita et per hanc auctoritatem nobis agere et confirmare placuit. Precipimus igitur atque jubemus ut nullus ejusdem monasterii abbas vel quilibet fidelium sancte Dei Ecclesie in rebus supra notatis seu omnibus ad monachos ejusdem loci pertinentibus ullam inquietudinem aut refragationem vel prejudicium sive violentiam facere temptet, sed potius sine ulla subreptione aut subtractione vel diminoratione atque divisione liceat eas eidem congregationi cum omni integritate inviolabiliter absque ulla calumnia et contraditione secure ac perpetualiter habere, possidere et frui, nec quelibet humana potestas sine sui periculo discriminis possit eas in alias partes convertere vel retorquere, sed, omnibus ad se juste et legaliter pertinentibus, tam a nobis quamque a predecessoribus nostris sibi collatis sive commutatis et ad se jure aspicientibus, sub regalis tuitionis atque immunitatis defensione, remota abbatis sive totius juditiarie potestatis inquietudine, quieto ordine teneant, scilicet ut perpetuo tempore eis et successoribus suis hoc ad peragendum Dei servicium augmentum et supplementum fiat, quatinus ejusdem loci devote Deo congregationi pro nobis ac totius regni stabilitate et pace Dominum propensius exorare delectet. Et ut hoc auctoritatis nostre preceptum per futura tempora inviolabilem obtineat firmitatem, manu propria subter firmavimus et anuli nostri impressione signari jussimus.
Signum Hloduwici (Monogramma) gloriosissimi regis.
Gerardus notarius ad vicem Artoldi, archiepiscopi summique cancellarii, recognovit.
Datum sub die .XII. kal. septembris, indictione .VIII., anno .II. regnante Hlodouwico glorioso rege. Actum monasterio sancti Audomari, in Dei nomine feliciter. Amen.