953, 8 septembre. — Laon.
Louis IV, à la requête de l'abbé Hildesinde, confirme au monastère de Saint-Pierre de Rodas la cession faite par le comte Jaufré, d'une pêcherie sise au comté de Perelada, qui comprend l'étang de Castillon avec ses trois îles, «Uduagro», «Foniliaria» et «Savarto».
A. Original perdu.
B. Copie du xviie s., Bibliothèque nationale, Collection Baluze, vol. 107, fol. 429, d'après le Cartulaire de Saint-Pierre de Rodas, aujourd'hui perdu.
a. Baluze, dans Marca Hispanica, append., col. 870, d'après un cartulaire perdu.
b. Recueil des historiens de la France, t. IX, p. 611, n° xxxi, d'après a.
Indiqué : Bréquigny, Table chronologique, t. I, p. 423.
Indiqué : Böhmer, Regesta, n° 2025.
Outre B nous nous sommes servis d'a pour l'établissement du texte.
In nomine sanctæ et individuæ Trinitatis. Ludovicus divina propiciante clementia Francorum rex. Si locis sanctorum divino cultui mancipatis aliquam nostri juvaminis dignitatisque regiæ opem conferimus, ab omnium summo remuneratore id nobis recompensari pro certo confidimus. Quapropter omnium sanctæ Dei ecclesiæ fidelium nostrorumve, tam præsentium quam et futurorum, noverit solertia quoniam nostræ dignitatis adiens præsentiam Hildesindus, abbas monasterii sancti Petri quod situm est in monte Rodas, reverenter expetiit quatinus quandam piscationem, ex consensu et voluntate Gozfredi, illustris comitis, ex cujus comitatu ad præsens esse videbatur, nostræ regalitatis præcepto jam in prælibato monasterio largiri in perpetuum dignaremur, quod et fecimus. Est autem memorata piscatio in comitatu Petrælatense posita, quæ dicitur stagnum de Castilione, cum tribus insulis sibi adjacentibus, quarum una vocatur Uduagro, alia vero Foniliaria, tertia autem Savarto. Exterminatur itaque prædictum stagnum in oriente, in territorio Petreto et in villa Aguta et Torrizella et stagno Sanguinario, seu in Sancta Margaritta, vel in ipsa arena; in meridie igitur usque in mare cum ipso grado; in occidente vero, in territorio de villa Castilione cum ipso cannare usque in ipso Dodo, ac in ipso Madalexo usque in Sancto Johanne; in circio et aquilone autem, in territorio Monte Majore, quod dicunt Muscario, vel in ipso territorio sancti Petri. Unde hoc nostræ altitudinis decretum fieri ac prælibato abbati Hildesindo dari præcipimus, per quod prædictum stagnum cum omni integritate, veluti superius relatum est, tam ipse quam sui successores atque monachi prædicti cœnobii habeant, teneant ac perpetualiter possideant, atque secundum sui velle, ut melius amodo voluerint, per omnia disponere satagant. Regia denique auctoritate jubemus atque sancimus quod nullus comitum seu vicecomitum vel vicariorum aut aliqua præpotens persona aliquam exinde violentiam inferat; sed, sicut disposuimus, in abbatis [potestate] consistat. Et ut hæc nostræ auctoritatis largitio conservetur, manu nostra eam subtus firmantes, sigillo insigniri nostro mandavimus.
Signum domni Ludovici (Monogramma) gloriosissimi regis.
Oydilo, regiæ dignitatis cancellarius, ad vicem Artaldi archiepiscopi recognovit.
Actum Lauduni montis, .VI. idus septembris, anno .XVIII., inditione .XI., regnante Ludovico rege glorioso.