946, 1er juillet. — Chevregny.
Louis IV, à la prière de Hugues, duc de France, de Hugues, duc de Bourgogne, et de Liétaud, comte de Mâcon, concède au monastère de Cluny l'église de Saint-Jean, au faubourg de Mâcon, avec ses dépendances.
A. Original perdu.
B. Copie du xie ou xiie s., dans le Cartulaire C de Cluny, Bibliothèque nationale, ms. lat. nouv. acq. 2262, p. 51, n° 51 sous la rubrique: «Preceptum Hludovici regis de aecclesia sancti Johannis cum omnibus rebus ad eandem aecclesiam pertinentibus, villa etiam Anisco et Osa majore et bosco et villa Senosana et de portis, Osa videlicet, cum aliis portis et servis et ancillis ad supradictas res aspicientibus.»
C. Copie de la fin du xiiie s., dans le Cartulaire E de Cluny, Bibliothèque nationale, ms. lat. 5458, fol. 125, n° viixx vi, sous la rubrique: «Preceptum Ludovici regis de sancto Johanne Matisconensi.»
a. Marrier et Du Chesne, Bibliotheca Cluniacensis, col. 275, d'après C.
b. Recueil des historiens de la France, t. IX, p. 601, n° xix, «ex chartul. Cluniacensi», d'après C.
c. Bernard et Bruel, Recueil des chartes de Cluny, t. I, p. 640, n° 688, d'après B.
Indiqué : Bréquigny, Table chronologique, t. I, p. 413.
Indiqué : Böhmer, Regesta, n° 2013.
In nomine Domini Dei et Salvatoris nostri Ihesu Xpisti. Hludovicus divina ordinante providentia rex. Si enim precibus servorum Dei pro sanctae Dei aecclesiȩ et eorum utilitatibus assensum prebemus, regalem procul dubio exercemus dignitatem et hoc in posterum jure firmissimo mansurum esse volumus. Idcirco noverit omnium sanctae Dei aecclesie fidelium et nostrorum, presentium scilicet ac futurorum, industria quia adierunt regni nostri principes, Hugo videlicet dux Francorum, et alter Hugo, dux scilicet Burgundionum, necnon et Letaldus comes, nostram regiam serenitatem deprecantes quatinus Cluniaco monasterio, in honore beatorum apostolorum Petri et Pauli consecrato, quasdam res concederemus per regale preceptum, aecclesiam videlicet in honore sancti Johannis dedicatam, in suburbio Matisconensi sitam, cum omnibus rebus ad eandem aecclesiam pertinentibus, villam etiam Eniscum et Osam Majorem, et boscum, et villam Senosanam, cum terris, pratis, silvis, aquis majoribus et rivis minoribus, vivariis, fractis fossis et portu de supra jam dicta Osa, et aliis portis cum pascuis, exitibus et regressibus et omnibus adjacentiis, et universis piscariis, quesitum et inquirendum, et cum Arnulfo et uxore sua et filiis et filiabus eorum seu omnibus servis et ancillis vel infantibus, ad supradictas res aspicientibus, seu alodis eorum foris et intus, ubicumque dispersis, excepto tertio tractu de Osa, quod pertinet ad sanctum Vincentium, Sievertum etiam de Davaico, cum uxore sua, filiis et filiabus, cum universis alodis et rebus suis et omnia que in dicto comitatu tenet. Quod tam pro amore beatorum apostolorum vel pro nobis, quam etiam pro statu regni nostri simul et principum nostrorum et omnium fidelium xpistianorum salute, voluntarie fecimus, eorumque pie et devote petitioni libenter annuimus. Precipientes ergo jubemus ut deinceps per hanc nostram auctoritatem jure firmissimo predicti Xpisti testes beati Petrus et Paulus, vel abbas eorum, seu monachi eisdem ipsis Xpisti apostolis servientes teneant atque possideant, et quicquid exinde facere vel judicare voluerint, libero in omnibus perfruantur arbitrio faciendi quicquid elegerint. Et ut hȩc nostra auctoritas firmior habeatur et per futura tempora melius conservetur, de anulo nostro subter jussimus sigillari.
Signum Hludovici (Monogramma) regis.
Rorigius cancellarius ad vicem Acardi recognovit.
Actum Capriniaco villa, kal. julii, anno .XI. regni Hluduvici regis quando etiam Franciam recuperavit.