948, 28 octobre. — Reims.
Louis IV, à la requête de Maimbeuf, évêque de Mâcon, de Hugues, duc de Bourgogne, et de Liétaud, comte de Mâcon, confirme l'immunité au chapitre de Saint-Vincent de Mâcon et lui assure la possession de divers biens.
A. Original perdu.
B. Copie du xviie s., par Jean Bouhier, Bibliothèque nationale, ms. lat. 17086, fol. 51, sous le titre: «Hludovicus rex confirmat res ecclesiæ et ad preces Hugonis marchionis et Leutoldi comitis concedit ecclesias S. Romani et Desiderii», d'après le Cartulaire de Saint-Vincent de Mâcon ou Livre enchaîné, brûlé en 1567.
C. Copie authentique du xviiie s., Archives départementales de Saône-et-Loire, G non coté, d'après le même cartulaire.
D. Copie du xviie s., collationnée par Pierre-François Chifflet, Bibliothèque nationale, Collection Baluze, vol. 143, fol. 79, «ex tabulario S. Vincentii Matiscensis».
a. C. Ragut, Cartulaire de Saint-Vincent de Mâcon, p. 74, n° xcix, d'après C.
In nomine sanctæ et individuæ Trinitatis. Hludovicus Dei providente clementia rex. Si majestas regalis ob amorem Dei sanctorumque ejus curas ecclesiasticarum rerum suscipere et justo equitatis pondere vindicare et ordinare studuerit, nimirum sibi inde ad eternæ recompensationis meritum debet confidere, quia infructuosum esse non potest quod bonorum omnium impenditur remuneratori. Quare omnibus sanctæ Dei ecclesiæ filiis, presentibus scilicet et futuris, notum haberi volumus quod Maimbodus, Matisconensis sedis episcopus, archidiaconum nomine Eriminum dirigens, protulit serenitati nostræ preceptiones predecessorum nostrorum scilicet regum, in quibus continebatur qualiter jam dictam sedem cum omnibus sibi jure pertinentibus ob amorem Dei almique Vincentii martyris, cujus honore ipsa sedes dignoscitur fore fundata, sub plenissima immunitatis tuitione habuissent; et insuper innotuit nobis quod canonici ejusdem ecclesiæ non haberent unde convenienter vivere quivissent, utpote quia locus ille a perfidis christianis pene dirutus ac destructus habebatur. Nos, ad deprecationem prememorati pontificis inclitique marchionis Hugonis nobilissimi necnon comitis Leutoldi, cujus divino amore ad restaurationem seu augmentationem ejusdem loci totius indesinenter flagrabat animus, eidem cenobio abbatiam sancti Clementis, in suburbio præfatæ urbis, cum ecclesiis et omnibus sibi rite pertinentibus, ecclesiamque sancti Romani in villa Cadinico sitam, cum omni integritate, et nonas ac decimas ejusdem fisci, necnon et ecclesiam sancti Desiderii in Verciaco villa constructam cum legitimis appendiciis suis concedimus, tertiam quoque nemoris partem juxta Ararim fluvium ab amne Vele usque ad Osam lacum, Hugone principe annuente, simili modo concedimus. Petiit denique consultum præfatorum comitum isdem honorabilis præsul quatenus eidem loco, pro firmitatis seu immunitatis studio, preceptum nostræ auctoritatis fieri dignaremur. Cujus petitionibus benigne susceptis jussimus hoc regale decretum fieri, per quod decrevimus atque sancimus quod ipse locus sub plenissima nostræ immunitatis, quemadmodum in nostrorum predecessorum decretis habetur insertum, maneat tuitione, et prescriptas res consensu prelibati præsulis committimus sæpedicto eidem loco a nobis seu ab illis concessas, alias necne alicujuscumque ordinis sanctæ Dei ecclesiæ fidelibus ibidem jam collatas vel in postmodum collaturas, cum terra quam idem prescriptus præsul canonicis athletæ Christi Vincentii in villa Verciaco ex ratione sancti Petri contulit, omnesque nonas et decimas ab antecessoribus nostris usui fratrum redditas jure perpetuo ipsi fratres, absque alicujus contrarietate vel imminoratione seu servicio exactionis indebitæ, teneant atque possideant. Et ut hujus nostræ auctoritatis concessio inviolabilis et inconvulsa per succedentia maneat tempora, manu propria subtus eam firmavimus et anuli imagine nostri insigniri precepimus.
Signum Hludovici gloriosissimi regis.
Actum Remis, .V. kal. novembris, anno .XIII. Hludovico rege regnante.