951, 5 décembre. — Reims.
Louis IV, à la requête de la reine Gerberge et du comte Odalric, confirme tous les biens présents et à venir de l'abbaye Sainte-Cécile de Monserrat, fondée par l'abbé Césaire d'Espagne.
A. Original perdu.
B. Copie du xviiie s., certifiée par Fossa conforme à la copie envoyée de Barcelone par le P. Caresmar, Bibliothèque nationale, Collection Moreau, vol. 8, fol. 41, avec la mention «Archives du monastère de Monserrat», d'après une transcription du moine Pierre, datée du 6 novembre 1203.
a. Histoire de Languedoc, nouv. édit., t. V, col. 213, n° 92, d'après B.
In nomine sancte et individue Trinitatis. Ego Ludovicus divina preordinante clementia Francorum rex. Si divinis cultibus operam dantes, ecclesiam Dei ad sumum sacræ religionis statum sustollere conamur, regio jure ac progenitorum nostrorum utimur privilegiis, ab ipso remuneratore omnium bonorum pro certo confidimus fore nobis recompensandum. Quapropter noscat totius nostri regni veneranda devotio quoniam nostre celsitudinis adientes præeminentiam uxor dilectissima, Giberga, et Odalricus, comes, satis humiliter expetiere quatenus cuidam abbati, nomine Cesario, de Yspania, preceptum nostre regalitatis fieri darique dignaremur super quadam abbatia in predicto pago ab ipso Cesario in proprio predio constituta, scilicet in honore sancte Cecilie, in comitatu Ausona, in loco qui dicitur Monserratus, in castro Marro. Predictum vero predium tenet de porta antiqua castri Marri cum ipsa silva usque ad rupem qui vocatur Rupis Bernardi, totum et ad integrum. Borrellus quidem comes dedit eidem cenobio unam ecclesiam in honore sancte Marie et altera in honore sancti Petri, situs in loco qui dicitur Cantiq, ad sanctum Mamatum, cum suis adjacentiis; quidam autem dedit ad eumdem locum Valemaria que est trans montem Dou, cum ecclesiis que ibidem habentur, atque cum quodam castro quod ibidem est, cum suis terminis, totum et ad integrum. Longobardus autem dedit loco eidem ecclesiam in honore sancti Celedonis, dedit unam ecclesiam in honore sancte Cecilie, item sanctum Firminum quod est in Vachericias, item aliam sanctam Ceciliam quæ est in termino de Balceringia, cum suis adjacentiis, et ecclesias que in Sagarra, totum et ad integrum et ecclesiam sancti Petri Ambigats, cum suis appenditiis. Quorum petitionibus saluberrimis nostrum benigne prebentes assensum, hoc regale decretum fieri statuimus ac memorato abbati dare jussimus per quod prefatas res jam adquisitas vel adquisituras valeat tenere perhenniter, nemine inquietante, ac post sui obitum parentes juxta normam monachicam vindicare. Et ut nostre auctoritatis gratia inviolabiliter per succedentia conservetur tempora, manu nostra subtus firmantes anuli nostri imagine [insigniri] jussimus.
Signum Ludovici gloriosissimi regis.
Oydilo notarius ad vicem Artaldi episcopi sumique cancellarii recognovit.
Actum Reme civitate, nonis decembris, indictione octava, anno .XVI. regnante Ludovico rege glorioso.