979, après le 8 juin. — Compiègne.
Louis V, à la prière d'Amaubert, abbé du monastère de Saint-Benoît-sur-Loire, confirme à ce monastère l'immunité et la liberté des élections abbatiales, qui lui ont été accordées par ses prédécesseurs et spécialement par l'empereur Louis (le Pieux) et par le roi Lothaire.
A. Original perdu.
B. Copie de l'an 1764, par Dom Gérou, Bibliothèque nationale, Collection Moreau, vol. 12, fol. 85, d'après A.
C. Copie du xviie s., Bibliothèque nationale, ms. lat. 12670, fol. 262 v°, d'après A.
D. Copie du xviie s., par Peiresc, Bibliothèque de Carpentras, Collection Peiresc, ms. 23, vol. I, fol. 446, d'après A (avec des lacunes).
E. Copie de l'an 1725, dans Dom Chazal, Historia monasterii Floriacensis, Bibliothèque d'Orléans, ms. 491 (ancien 270bis), p. 744, d'après A (avec des lacunes).
F. Copie du xviiie s., dans le Cartulaire 1 de Saint-Benoît-sur-Loire, p. 148, n° 240, Archives départementales du Loiret, H 1, n° 1, d'après un ancien cartulaire.
G. Copie du 4 mars 1659, faite par Pierre Busson pour Dom Placide Bertheau, Bibliothèque nationale, ms. lat. 12670, fol. 266 v°, d'après un ancien cartulaire des xive-xve s.
H. Copie partielle, dans Dom Estiennot, Antiquitates in diœcesi Aurelianensi Benedictinae, Bibliothèque nationale, ms. lat. 12739, p. 348, peut-être d'après la source de G.
I. Copie de l'an 1721, par le président Bouhier, Bibliothèque nationale, ms. lat. 17709, p. 139, d'après C.
a. Recueil des historiens de la France, t. IX, p. 659, n° 1 (éd. partielle), d'après G.
b. Prou et Vidier, Recueil des chartes de l'abbaye de Saint-Benoît-sur-Loire, t. I, p. 167, n° lxiv, d'après BCEFGHI (éd. partielle).
Indiqué : J. Dubois, Floriacensis vetus bibliotheca Benedictina, 1re partie, p. 253.
Indiqué : Mabillon, Annales ordinis S. Benedicti, XLVIII, 82, t. III, p. 654, et Itinerarium Burgundicum, dans Mabillon et Ruinard, Ouvrages posthumes publ. par D. Thuillier, t. II, p. 32, d'après A.
Indiqué : Böhmer, Regesta, t. I, p. 195, n° 2062.
In nomine sanctae et individue Trinitatis. Hludovicus, divina propitiante clementia Francorum rex. Cum pravorum hominum moribus jam sub fine seculi sancta Dei ecclesia gravius premitur, nobis, quibus regni imperium coelesti providentia committitur instare vigilantius oportet, ne nostri Jesu sponsa, pia videlicet ecclesia, a nostris patribus exaltata, suae dignitatis detrimentum patiatur, si supernae gratiae munificentia nostrae majestatis imperium muniri volumus et ad illam aeternae dignitatis magnificentiam tendimus. Unde, justis servorum Dei petitionibus divini cultus amore faventes, notum esse volumus omnibus episcopis, abbatibus, ducibus, comitibus, vicariis, centenariis, teloneariis, accionariis vel omnibus rem publicam administrantibus seu ceteris sanctae Dei ecclesiae fidelibus et nostris tam presentibus quam futuris quia venerabilis vir Amalbertus, abbas ex monasterio Floriacensi, quod est constructum in honore sanctae Mariae, sancti Petri, principis apostolorum, sanctique Benedicti confessoris, ubi ipse pater et dux monachorum Benedictus corpore requiescit, in pago scilicet Aurelianensi, super fluvium Ligeris, detulit nobis auctoritatis preceptionem, avi videlicet nostri Hludovici piissimi augusti et progenitoris nostri Hlotharii, in qua erat insertum quod sive ipsi, sive antecessores eorum, omnes videlicet Francorum reges, prefatum monasterium cum rebus et hominibus ad se pertinentibus et aspicientibus sub tuitione et deffensione sua habuissent et eorum immunitatibus auctoritatum a judiciariae potestatis inquietudine semper munitum et defensum fuisset. Ob rei tamen firmitatem postulavit nobis prefatus abbas ut in amore Dei et reverentia beatissimae Mariae virginis, sancti Petri et sancti Benedicti, paternum ac predecessorum nostrorum morem sequentes, immunitatis nostrae preceptum circa ipsum sanctum locum fieri censeremus. Cujus petitioni assensum prebuimus et hoc nostrae auctoritatis preceptum circa ipsum sanctum locum fieri decrevimus, per quod precipimus atque jubemus ut nullus judex publicus vel quilibet ex judiciaria potestate supradictorum honorum, videlicet episcopus, abbas, dux, comes, vicecomes, vicarius, telonearius, vel quilibet rei publicae accionarius in ecclesias vel agros, villas, seu reliquas possessiones, quas in quibuslibet pagis aut territoriis infra dictionem imperii nostri juste et legaliter possident vel quae deinceps in jure ipsius sancti loci voluerit divina pietas augere, ad causas audiendas, vel freda exigenda, aut mansiones vel paratas faciendas, aut fidejussores tollendos, aut homines, colonos vel super terram potestatis ipsius monasterii commanentes distringendos, nec ullas redibitiones aut inlicitas occasiones requirendas nostris et futuris temporibus ingredi audeat, vel ea quae supra monstrata sunt penitus exigere presumat, sed liceat memorato abbati suisque successoribus res predicti monasterii sub immunitatis nostrae defensione quieto ordine possidere. Et quando quidem divina vocatione supradictus abbas vel successores ejus ex hac luce migraverint, quamdiu ipsi monachi inter se tales inveniri potuerint, qui ipsam congregationem secundum regulam sancti Benedicti regere valeant, per hanc nostram auctoritatem et consensum licentiam habeant abbates eligendi, quatinus ipsos monachos, qui ibidem Deo famulari videntur, pro stabilitate totius regni nostri jugiter misericordiam Domini exorare delectet et quidquid de rebus prefati monasterii fiscus exigere poterat prefato monasterio ejusque congregationi ibidem Deo famulanti concessimus, ut eis ad Dei servitium peragendum augmentum vel supplementum fiat. Et ut haec auctoritas nostris futurisque temporibus, Domino protegente, valeat inconvulsa manere, eam manu propria subter firmavimus et anuli nostri impressione subter sigillari jussimus.
Actum Compendio, palatio regis, anno dominicae incarnationis .DCCCCLXXVIIII., primo ordinationis ipsius gloriossimi regis.
Signum domni Loduvici (monogramma) gloriosissimi regis.
Ego Arnulphus ad vicem domni Adalberonis, archiepiscopi atque archicancellarii, recognovi.
(Locus sigilli.)