1135, avant le 3 août. — Paris (Palais royal).
Louis VI exempte, avec l'accord de la reine et de Louis, roi couronné, de tous péages et coutumes les abbayes de Cîteaux, de Pontigny et de Clairvaux et, d'une manière générale, toutes les églises cisterciennes.
Nous pensons qu'il y eut trois expéditions originales de cet acte, une pour chacune des abbayes destinataires. Nous les connaissons soit directement par des transcriptions faites dans ces églises mêmes, soit indirectement par des vidimus et copies établis pour leurs filles (ou petites-filles).
In nomine sancte et individue Trinitatis. Amen. Si precibus ecclesiasticis, quando pro suis vel pauperum Christi molestiis vel indigentiis nos appetunt, diligenter obtemperamus, non solum in hoc regium morem exercemus, verum etiam ipsum matris Ecclesie sponsum ad nostri misericordiam summopere coartamus. Ego igitur Ludovicus, Dei misericordia in regem Francorum sublimatus, notum fieri volo tam futuris quam et instantibus quoniam religiosis ecclesiis, Cistellensi (sic) videlicet, Pontiniacensi, Clarevallensi ceterisque omnibus ex eisdem prodeuntibus, annuente regina nostra et karissimo filio nostro, Ludovico in regem sublimato, donamus atque in perpetuum concedimus ut nullus publicus judex, nullus prepositus, nullus insuper ministerialium nostrorum exigat vel requirat, sive ab ipsis, sive ab earumdem famulis, in propriis scilicet rebus pedagium, rotaticum, theloneum vel aliquas alias consuetudines, sed liberi et quieti, tam per terram quam per aquam, ab omni consuetudine eant et redeant. Quod ne valeat oblivione deleri, scripto commendavimus et, ne possit a posteris infringi, sigilli nostri auctoritate et nominis nostri karactere subterfirmavimus. Actum Parisius publice, in palatio nostro, anno incarnati Verbi M°C°XXX°V°, regni nostri XX°VII°. Astantibus in palacio nostro quorum nomina subtitulata sunt et signa. Ꞩ Radulphi dapiferi, Viromandorum comitis. Ꞩ Guillelmi buticularii. Ꞩ Hugonis constabularii. Ꞩ Hugonis camerarii. Datum per manum Ste-(Monogramma)-phani cancellarii.
(Locus sigilli)