1113, après le 3 août. — Château-Landon.
Louis VI, à la prière d'Adam, abbé de Saint-Denis, exempte, pour le repos de son âme et de celles de ses prédécesseurs, Beaune[-la-Rolande], domaine de cette abbaye, des exactions levées et des justices exercées par les prévôts royaux de Château-Landon et de Bellegarde (de Sosiacensi), les coutumes justes continuant à être exigibles chaque année dans les huit jours suivant le terme fixé ; le moine établi sur le domaine, le maire ou l'abbé y rendront la justice, sans aucune intervention desdits prévôts royaux, qui n'auront pas le droit de percevoir des amendes, mais recevront, en contrepartie et en sus des autres revenus royaux, cent sous par an (payables par trimestre), soixante pour le premier, quarante pour le second ; la semonce de l'ost royal sera transmise aux paysans par les seules autorités monastiques.
A. Original perdu.
B. Copie de la fin du xiiie siècle, dans le Cartulaire blanc de Saint-Denis (t. II), Archives nationales, LL 1158, p. 49, sous le n° : « Belna I » et la rubrique : « Ludovici Senioris de Belna et consuetudinibus ».
C. Copie incomplète du xiiie siècle, dans le Livre des privilèges de Saint-Denis, Archives nationales, LL 1156, fol. 61, sous la rubrique : « Ludovici regis Senioris de Belna ».
D. Copie du début du xive siècle, dans le cartulaire « de Thou », Bibliothèque nationale, lat. 5415, p. 118, d'après B.
E. Copie du xviie siècle, Archives nationales, LL 1160, p. 127, d'après D.
F. Copie du xviie siècle, Archives départementales des Yvelines, D 518, p. 83, d'après B.
G. Copie de la fin du xviie siècle, Archives municipales de Saint-Denis, GG 13, p. 132, d'après B.
H. Copie de 1721, par Bouhier, Bibliothèque nationale, lat. 17110, fol. 59v, d'après D.
a. W.M. Newman, Le domaine royal sous les premiers Capétiens (987-1180), Paris, 1937, p. 232, pièces justificatives, n° 7, d'après BCDFG et H.
Indiqué : A. Luchaire, Institutions monarchiques, t. I, p. 103, n. 1 ; p. 232, n. 2 ; t. II, p. 313.
Indiqué : A. Graboïs, L'abbaye de Saint-Denis et les Juifs sous l'abbatiat de Suger, dans Annales E.S.C., t. 24, 1969, p. 1192, n. 4.
Indiqué : É. Bournazel, Le gouvernement capétien, p. 10, n. 12.
In nomine sancte et individue Trinitatis. Amen. Regie dignitatis atque officii est « Deum per quem reges regnant », ut suum patrem, timere ; potens est enim « baltheum regum discingere et renes eorum fune precingere » et ea que ad ipsius sunt honorem edificare et constructa propensiori cura conservare, immo ab incursu hostium et rapina tuta et quieta facere. Quippe scimus quoniam, si est Abel in hoc salo vite qui placere Deo enitatur, non deest Cain qui persequatur. Maxime etiam regibus et principibus convenit quod, si consuetudo in ecclesiasticis rebus minus sapienti consilio inhabitancium approbata seu ab extraneis illata inoleverit, ut provida dispensatione a prefatis dominis extirpetur et ad commodum ecclesie, cujus res existunt, utilis et pernecessaria alia instituatur, quia quamvis « bonum debeamus operari ad omnes, maxime autem ad domesticos fidei ». Ego igitur Ludovicus, Dei gratia rex Francorum, his et aliis documentis fidei instructus, previdens examen districti Judicis, notum facio presentibus et futuris quoniam presentiam nostram adiit domnus Adam, abbas Sancti Dyonisii, humiliter implorans ut, pro remedio anime mee et animarum predecessorum nostrorum, quasdam exactiones et justicias, quas in Belna, villa Sancti Dyonisii, prepositi nostri, scilicet de Castro Nantonis et de Sosiacensi castro faciebant, ecclesie Beati Dyonisii penitus condonaremus et a pretaxata villa ex toto extirparemus, ita ut justicias monachus ville vel major vel abbas, exclusa omni potestate nostrorum prepositorum, deinceps faciant neque redemptiones a rusticis ville noster prepositus seu aliquis postea exigat. Addidit etiam prefatus abbas ut omnes nostras justas consuetudines, sicut prius in villa habebamus, easdem obtineremus, que, inquam, consuetudines ex nostra parte submoneantur per singulos annos et ad terminum ponentur, ita quod, si post VIII dies post terminum non solvuntur, per legem deinceps exigantur. Preterea adjecit abbas, ultra omnes redditus nostros, per unumquemque annum C solidos, qui per IIIIor terminos dabuntur, videlicet de tribus mensibus in tres menses, LXa autem solidos horum centum habeat prepositus de Castro Nantonis, XL vero prepositus Sosiacensis. Hujus itaque abbatis sanis petitionibus condescendentes, prefate ecclesie villam liberam a consuetudinibus injustis et exactionibus facimus et quicquid abbas peciit superius concedimus et sigilli nostri impressione confirmamus. Si vero hostem nostram submonemus, abbas seu major sive monachus ex nostra parte submonebuntur, ut rustici in hostem nostram veniant, excepta alterius submonitione. Actum publice apud Castrum Nantonis, anno ab Incarnatione Domini M° C° XIII°, anno vero regni nostri VIto. Ludovici regis (Crux). Ꞩ. Anselli dapiferi. Ꞩ. Hugonis constabularii. Ꞩ. Gileberti buticularii. Ꞩ. Guidonis camerarii. Data per manus Stephani cancellarii.