1081, avant le 4 août. — Villabé.
Philippe Ier renonce, en faveur des moines de La Sauve-Majeure, aux coutumes qu'il percevait dans leur terre à Semoy et à Villaines, et leur donne un cens de deux sols et quatre deniers sur le four de Notre-Dame sis au bourg de Saint-Aignan d'Orléans.
A. Original perdu.
B. Copie du xiiie s., dans le Chartularium majus de La Sauve-Majeure, Bibliothèque de Bordeaux, ms. n° 769, t. II, p. 239 (anc. fol. cxix), sous la rubrique : «De Sedemeri et de tributo».
C. Copie du xive s., dans le Chartularium minus de La Sauve-Majeure, Bibliothèque de Bordeaux, ms. n° 770, p. 137 (anc. fol. lxix), sous la rubrique : «Donum regis apud Semoi».
a. Chartes relatives au prieuré de Saint-Barthélemy de Semoy, transcrites et annotées par MM. Dumas, Dupuch, Girard et Jouhate, dans Annales de la Faculté des lettres de Bordeaux, 6e année, nouv. sér., t. I, p. 6, n° v, d'après B.
In nomine Dom[i]ni nostri Jhesu Xpisti. Universalem hominem, quoniam ad imaginem Dei factus est, conditorem suum benefaciendo sectari oportet. Scriptum est enim : «Benefac et vitam eternam possidebis.» Igitur qui benefacere aspernatur, pereuntibus perpetim associabitur. Itaque, quia divinis preceptis apostolicisque institutis ad benefaciendum in dies ammonemur, benefaciendo vero plasmatorem nostrum, videlicet Deum, sequimur, quoniam quidem humana conditio tot tantisque malis implicita, debilis siquidem et fragilissima, bonis omnibus nequaquam valet ampli[fi]cari, saltem quedam ad spem vite perpetis, ad spem infinite beatitudinis adipiscende agere aggrediamur. Unde notum volumus esse universalibus sancte Dei ecclesiȩ presentibus scilicet atque futuris fidelibus quia monachi de Silva Majore, monachi videlicet ecclesiȩ ad honorem obsequiumque Dei et beatissime Dei genitricis Mariȩ sanctorumque apostolorum Simonis et Jude constitute et dedicate, sedem nostrȩ majestatis adeuntes a nobis postulaverunt quatenus quasdam consuetudines quas habemus in terra eorum, scilicet apud Sedem Meri et apud villam que Villana vocatur, scilicet in terra illa quam Gelduinus monachis sancte Mariȩ cenobio donavit, quietas a dicione nostra in eorum potestatem, pro Deo et pro animȩ nostre eterna quiete et ut in orationibus eorum essem, liberaliter transigeremus. Concedo ergo illas consuetudines ego Philippus, Francorum rex, monachis supradictis libere et publice ut eorum deprecationibus salvari merear, scilicet aput Sedem Meri brennaticum et alias consuetudines omnes in villa illa dimissa facio perpetim, apud Villanam quoque duas partes decime illius terrȩ quam Gelduinus dedit et campipartem. Universas alias consuetudines perpetualiter illis pro animȩ meȩ salute relinquo atque a potestate mea in potestatem eorum transfundo. In burgo sancti Aniani Aurelianis in preurbio, do illis de censu solidos .II. et denarios .IIII., scilicet de furno sancte Mariȩ omnesque alias consuetudines in illo furno clamo quietas. Actum est istud in Villa Abbatis publice et absque calumpnie aliqua infestacione, anno incarnati Verbi millesimo .LXXX. primo, regni autem mei vicesimo primo. Meam vero istam concessionem ratam manuque mea firmatam nemo audeat infestare. Si quis autem ausus fuerit quod firmatum est regaliter inquietare, secundum legem salicam siclos auri .C. solvat et reus majestatis sit anathema, maranatha. Quod vero ut racius fiat, precepto nostre auctoritatis jussimus insigniri et sigilli nostri impressione muniri. Testes vero hujus firmationis subscripsimus : Guarinus, vicecomes Senonicus ; Gilo Soliacensis ; Gervasius dapifer ; Tebaldus constabularius ; Frogerius Cabilonicensis. Ego Gosfredus cancellarius relegendo ista subscripsi.