1080. — Orléans.
Philippe Ier confirme aux moines de Saint-Benoît-sur-Loire la possession de leurs biens, la libre élection de l'abbé ; il renonce en leur faveur aux redevances qu'il percevait sur la Loire depuis le monastère jusqu'à Châteauneuf, leur donne le droit de pêcher dans les mêmes limites et confirme sa donation antérieure de l'église Saint-Mard d'Étampes.
A. Original perdu.
B. Copie de l'an 1723, dans Dom Chazal, Historia cœnobii Floriacensis, t. II, Bibliothèque d'Orléans, ms. 491 (anc. 270 bis), p. 762, d'après A.
C. Copie partielle, du xviiie s. (le commencement jusqu'à sanctæ Dei ecclesiæ, la formule de confirmation et les souscriptions), dans les notes de Dom Poirier, Bibliothèque nationale, ms. fr. 20838, fol. 322, d'après A.
D. Copie de l'an 1644, Archives départementales du Loiret, H 29 (cote provisoire), d'après un ancien cartulaire, et collationnée à l'original par Pierre Foubert et Louis Desboys, notaires en la châtellenie de Saint-Benoît.
E. Copie de l'an 1681, dans Jandot, Apparatus chronologici sive collectanea ad historiam universalem monasterii sancti Benedicti Floriacensis, p. 195, Bibliothèque de M. Jarry, à Orléans, d'après le même cartulaire que D.
a. Prou et Vidier, Recueil des chartes de l'abbaye de Saint-Benoît-sur-Loire, t. I, p. 233, n° lxxxix, d'après BCE.
In nomine sanctȩ et individuȩ Trinitatis. Ego Philippus, Dei gratia Francorum rex. Notum esse volumus omnibus xpistianis sanctȩ Dei ecclesiȩ ac nostris fidelibus presentibus et futuris quod religiosi viri ex monasterio sancti Benedicti Floriacensis, nostram adeuntes celsitudinem, postulaverunt humiliter quatenus ob eorum utilitatem, ordinandam electionem proprii abbatis ex monachis ejusdem loci atque etiam villas et jura sua quȩ ad victum et vestitum illorum proprie pertinent, auctoritate nostra roboraremus et confirmaremus. Quorum petitionibus benigne faventes decrevimus confirmare per preceptum nostrum quod poposcerunt, quatenus et presentes et sequturi ejusdem loci monachi deinceps absque ulla penuria stipendiorum valerent Domino libere militare et delectaret eos pro nobis et pro stabilitate regni nostri Dominum exorare, simulque hoc rectum fore decernentes ut villas, ad victum, veluti diximus, vestitumque illorum delegatas, in hoc eodem nostre auctoritatis precepto renovato nominatim designaremus, hoc est quidquid in circuitu ipsius monasterii in monte et in valle est cum omni integritate, Galliacum cum Novo vico, et Tigiacum ultra fluvium Ligeris, Villare totum cum omnibus appenditiis suis, Suncantum cum omnibus appenditiis suis, areas in civitate Aurelianensi cum vineis, Camberon juxta terminum Clariacense cum omnibus appenditiis suis, Rausedonem villam in pago Magdunensi et Varentias et quidquid etiam a quibuslibet religiosis hominibus, exceptis istis villis, in eleemosina, eidem loco conlatum est vel deinceps condonatum fuerit ; et, ut ipsi monachi libere valeant vivere secundum regulam sancti Benedicti, patris monachorum, in suo monasterio, ubi beatus ipse pater Benedictus corporis presentia repausare dinoscitur, auctoritate regiȩ celsitudinis libenter concedimus omne jus et omnem redibitionem quam exigebamus in fluvio Ligeris in circuitu ipsius monasterii usque ad nostram domum prope Castrum Novum ; et valeant ponere homines ad piscationem tam in retibus quam in nassis et combris ; tres alios quoque mansos ad piscationem necessarios prope eundem fluvium Ligeris eisdem damus. Confirmamus etiam donationem ecclesiȩ sancti Medardi Stampensis, quam ante aliquos annos Deo et sancto Benedicto attribuimus. Et ut hoc nostrȩ munificentiȩ preceptum omnibus seculis presentibus et futuris verius credatur et plenius conservetur, manu propria confirmavimus et sigilli nostri impressione subter firmari jussimus.
(Monogramma.)Ꞩ. Adam dapiferi s. Ꞩ. Gervasii constabularii s. Ꞩ. Galeranni camerarii s. Ꞩ. Hervei buticularii s.Signum Philippi,＋regis Francorum. Ꞩ. Ursionis vicecomitis s. Ꞩ. Guidonis de Vitrico s. Ꞩ. Hilduini de Maiorolis s.Interfuere etiam Hugo Meledunensis, Frogerus Catalaunensis, Bertrannus de Castellonantonis.
Burdinus Remensis, Adam de Milli et Bernodalius, frater ejus, Floherus malischalcus.
Anno incarnati Verbi millesimo .LXXX.
Datum Meleduni publice et firmatum anno Philippi .XVIIII., Francorum regis.
Gislebertus regis notarius ad vicem Rogerii cancellarii relegendo subscripsi ☧.
Guillelmo, abbate sancti Benedicti Floriacensis monasterii.