1106.
Philippe Ier confirme la sentence rendue par les grands dans un plaid tenu à Senlis, en présence de Louis, roi désigné, à l'occasion d'un procès entre l'église de Compiègne et Nevelon de Pierrefonds au sujet de la taille perçue par les chanoines de Compiègne sur les hommes du dit Nevelon habitant la Couture de Charles, cette sentence déclarant lesdits chanoines libres de lever la taille sur tous les hommes, d'exercer toute justice et tout pouvoir dans ledit territoire.
A. Original perdu.
B. Copie de l'an 1573, dans Dom Gillesson, Mémoires, Bibliothèque nationale, ms. fr. 18762, fol. 68, d'après A.
C. Copie du xviie s., dans Dom Gillesson, Antiquités de Compiègne, Bibliothèque nationale, ms. fr. 24066, fol. 261, d'après G, revu à l'original.
D. Copie du xviiie s., par Dom Grenier, Bibliothèque nationale, Collection de Picardie, vol. 89, fol. 84, d'après l'original d'un vidimus de Rainaud, évêque de Paris, en date du 23 sept. 1251.
E. Copie du xviiie s., Bibliothèque nationale, Collection Moreau, vol. 42, fol. 246, d'après le même vidimus.
F. Copie du xiiie s., dans le Cartulaire blanc de Saint-Corneille de Compiègne, Archives nationales, LL 1622, fol. 2, copie incomplète par suite de la déchirure de la partie inférieure du feuillet.
G. Copie du xiiie s., dans le fragment du Cartulaire rouge de Saint-Corneille, Bibliothèque de Compiègne, fol. 42, Carte regum, n° iii, sous la rubrique «Philippus rex de justicia quam habemus super manentes in Cultura Karoli».
H. Copie du xiiie s., dans le Cartulaire de Saint-Corneille appartenant à M. Pouillet, conservateur de la Bibliothèque de Clermont (Oise), fol. 19, sous la même rubrique qu'en G.
I. Copie de l'an 1879, Bibliothèque nationale, ms. lat. nouv. acq. 2197, fol. 43, d'après G.
J. Copie de l'an 1672, Archives nationales LL 1623, p. 182, ch. n° 114, d'après G.
K. Copie du xviie s., Bibliothèque nationale, ms. lat. 9171, p. 153, d'après l'un des cartulaires.
L. Copie du xviie s., dans Dom Gillesson, Antiquités de Compiègne, Bibliothèque nationale, ms. fr. 24066, fol. 247, d'après l'un des cartulaires.
M. Copie de la fin du xviie s., Archives nationales, L 1037, n° 27, d'après l'un des cartulaires.
N. Copie de la fin du xviie s., Archives départementales de l'Oise, H 215112, probablement d'après le même cartulaire que O.
O. Copie partielle du xviie s., dans les Matériaux de Galland, Bibliothèque nationale, ms. fr. 16188, fol. 151 v°, d'après un cartulaire de Saint-Corneille prêté par M. Alard.
P. Copie partielle, du xviie s., Bibliothèque nationale, Collection Du Chesne, vol. 53, fol. 497, avec addition des témoins du diplôme de Louis, roi désigné, sur le même objet.
a. Ch. V. Langlois, Textes relatifs à l'histoire du Parlement, p. 8, n° v, d'après E.
b. E. Morel, Cartulaire de l'abbaye de Saint-Corneille de Compiègne, p. 58, n° xxvii, d'après CFGJK.
Indiqué : Extrait des pièces suivant leurs dattes produites par les dames abbesse, prieure et religieuses de l'abbaye royale du Val de Grace... contre lesdits prieur et religieux de ladite abbaye de S. Corneil (Factum de 1690, imprimé, in-fol., Archives nationales, L 1037, n° 47, p. 2).
Indiqué : Luchaire, Louis VI, p. 24, n° 39.
In nomine sancte et individue Trinitatis, Patris et Filii et Spiritus Sancti, amen. Ego Philippus, divina providente clementia Francorum rex. Sancte Compendiensis ecclesie ab antecessoribus nostris ei traditam dispositum habens tueri libertatem, cum adversus impugnatores illius multas pro ea causas susceperim finiendas, unius pre ceteris seriem, que inter ipsam ac dominum exorta est Nevelonem, non solum ad presentium sed ad futurorum quoque notitiam stilo et memorie voluimus commendari. Scimus equidem et in privilegiis ejusdem ecclesie plenissime continetur quoniam pie recordationis predecessor noster, Karolus, omne jus regium omnemque potestatem et dominationem, quam in terra illa, que hodie Cultura Karoli nominatur, et in omnibus ejusdem terre hospitibus habuerat et habebat, eidem ecclesie ibique Deo famulantibus clericis firmiter et imperpetuum concesserit ac de potestate et jure regio, nichil sibi preter libertatis ecclesie tuitionem reservans, in jus et potestatem ecclesie transtulerit. Unde, cum postmodum tempore nostro hospites suos ecclesia per ministros suos ad justitiam addixisset et petitiones quasdam publicas, quas vulgo talliam vocant, pro utilitate ecclesie exigendo, in eos potestatem propriam exercuisset, domnus Nevelo, quosdam clientele sue suo nomine protegere nisus et ab aliorum lege segregare laborans, pecuniam que pro tallia sumpta erat sibi suisque, ut aiebat, servientibus reddi postulavit, clericis autem contra renitentibus illumque injuste agere quippe qui in terra ecclesie nichil justitie, nichil juris, nichil omnino potestatis haberet profitentibus, cum ipse a cepto non desisteret, immo super hoc de clericis clamorem faceret, nostro assensu, nostra preceptione et voluntate dies Silvanectis constituta est quatinus ibi in presentia filii mei Lodovici utrorumque causa per ordinem audiretur et inter eos daretur judicium. Constitutis igitur loco et tempore, clerici affuerunt, affuit et ipse, et sub cleri portione non modica, sub frequentia sapientium virorum atque nobilium laicorum, sub plebis multitudine causa qua venerant hoc ordine incepta est agitari. Clamavit namque domnus Nevelo quicquid clerici ab hospitibus ecclesie, hominibus autem ipsius Nevelonis, pro tallia sumpserant, sibi suisque debere reddi, hanc se in terra ecclesie libertatem habere, hoc quasi feodum a rege se tenere promulgans. Ad hec mox clerici, sicut erant parati, satis sobrie, satis legitime respondentes, cum nichil horum, que dicebat fieri debere, nullam eum libertatem in terra ecclesie, nullum jus, nullam omnino potestatem habere, sibi autem hec omnia licere respondissent, libertatis sue et a rege sibi tradite potestatis confirmativa privilegia protulerunt causamque suam vulgali et latina disseruerunt eloquentia, in ipsis etiam privilegiis ostendentes predictum gloriosum regem Karolum in tota illa Cultura nichil omnino juris sibi retinuisse sed de suo jure, sicut jam supradictum est, in jus et potestatem ecclesie quicquid in illa tenuerat contulisse. Unde, cum nec etiam nostri servientes, terre illius hospites, ab hac consuetudine queant esse liberi, nos nec habere nec alicui dare vel concedere nec aliquem a nobis posse tenere recognovimus. Cum igitur de dictis domni Nevelonis ac de responsis clericorum principibus nostris filius meus Lodovicus dare judicium precepisset et ipsi judices, accepto communi consilio, illud in medium proferre voluissent, sepedictus Nevelo, sentiens illo se, si diceretur, gravari judicio, audire judicium noluit sed abscessit, in quo veritas ecclesie et justitia omnibus qui aderant patenter claruit. Astantibus igitur clericis et si quid eis agendum foret ulterius inquirentibus, satis eos fecisse causamque suam legitime deratiocinatam fuisse ecclesiam quotquot erant omnes adjudicaverunt. Quod autem ibi in presentia nobilissime prolis nostre, Lodovici, nostro assensu et jussu actum ac diffinitum est, nos quoque laudamus, adjudicamus et confirmamus, et ut stabile ac firmum permaneat nostre majestatis sigillo corroboramus, videlicet ut sancte Compendiensis ecclesie clericis in omni terra illa que, sicut predictum est, Cultura Karoli nominatur, et in omnibus ejusdem terre hospitibus, pro sua et ecclesie utilitate liceat talliam facere omnemque justitiam et potestatem et quicquid eis a predecessoribus nostris concessum est, pro sua voluntate et libito liceat exercere. Huic autem confirmationi nostre interfuerunt curie nostre non pauci nobiles.
(Monogramma.)