1076, avant le 4 août.
Philippe Ier confirme l'abandon fait par Alix de La Ferté-Alais à l'église de Paris des coutumes qu'elle percevait sur quatre arpents de terre sis à Itteville.
B. Copie du xiiie s., dans le Petit Pastoral de l'église de Paris, (Cartæ) regum, ch. liii, sous la rubrique : «De atrio Steoville», Archives nationales, LL 77 (anc. LL 176), p. 103.
C. Copie du xviie s., par André Du Chesne, Bibliothèque nationale, Collection Baluze, vol. 55, fol. 10, d'après B.
a. Guérard, Cartulaire de l'église Notre-Dame de Paris, t. I, p. 279, en note, d'après B.
Ph., Dei gratia Francorum rex. Notum fieri volumus presentibus pariter et futuris qualiter Adelais de Firmitate Balduini, cum maritus ejus Euvardus monachicam vitam expetisset et ipsa in viduitate maneret, sancte matri ecclesie Parisiensi quatuor arpennorum terre consuetudines donaverit eosque omni consuetudinaria inquietudine perhenniter absolverit in villa videlicet que Steovilla nominatur, circa ejusdem ville ecclesie ambitum, propter atrium ejus ville, quod, admodum strictum, videbatur amplificandum. Ad hujusmodi autem beneficii donum talis beneficii dono supradicte matrone convenimus repensandum ut et ad presens ei decem libras daremus et unum pauperem semper pro ejus anima in hospitio fratrum victu et vestitu reficeremus et post obitum ejus quotannis anniversarium suum faceremus. Hanc itaque conventionem, sanctorum patrum exemplis, litterarum testimonio memorie commendamus. Ut autem conventio nostra firmior permaneret, Buchardi de Corbolio comitis assensum impetravimus, de cujus beneficio supradicte ville vicarietas pendet. Cui conventioni quicunque presumpserit adversari, dampnatum se noverit anathemate cum traditore Juda suppliciis infernalibus deputari. Anno siquidem ab incarnatione Domini. M°.LXX°.VI°., regni vero nostri et episcopatus Gaufredi, episcopi Parisiensis, .VI°.X°. hec carta facta est.